ROMA 16:2 - ALLAH NIHYET MEM TUNGWATU NYA

² Ma jiya um noni nok jisut di ningon jo kep Tuhan. Mun di bon ninyeng rino ma yo di ingon jo kep Allah igya um yam. Gino Febe suar mun di bahati tut nonti lene ma jikwas mun di suar tut noni lewo noni mpu tungwatu nya imang bibor bitut dani cem tu.

ROMA 16:2 ပူးပေါင်းရင်းမြစ်များ

MATIUS 25:40

Nibou Ndig mibuhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok lene gima dem kep nok jingondut Dani!’

KISAH 9:13

Ananias srep “Tuhan e, tungwatu imang bibor ipai sut no dima ninghapti bida bipia noni hwen bit Ade limwa nya ei minu ndig Yerusalem,

KISAH 9:15

Noro Tuhan buhup “Akiju ba, ambut hak ug lewo didimig noni nok Ditde awak leu binhyepo noni tri tut Dani bak ngkiai nya kin nibou ndig nya kin mben Israel yahagom.

KISAH 9:36

Sindig Tabita no rima ei minu ndig Yope ba, noni cem ningon jo kep Tuhan. (Iba nihyet Yunani bijem ninyeng hi Dorkas ba, ninyeng ndo tut rusa.) Dorkas de midyai nya hagom kei bibor ba, noni ngondut yo di yuhui mbum nya cem bidem njap ngwa hagom.

KISAH 9:39

Petrus kiju bibit yok hak. Tirigi noni kwei krau minu ndig Yope lene yo dima ibuwak noni ug ei nghim nsi di jo anai ei ig di jo-jo yam dip dima. Lene sop kibom nya di ingat rin ei mpia dima inggreu kep noni bipim kep nimai cem ba, indo sinsun ninda kin sinsun dut di jei di Dorkas nap di bitri tungwatu nya tirigi niyaisi jo yo bak Petrus.

KISAH 9:41

Lene Petrus mpu noni bibrim ninda bikiju biya. Leu api noni hig yo di ingon jo kep nya bitut kibom pima yok cem yahagom kwei lene kes Dorkas di niyaijo hanyen biyok.

ROMA 15:7

Gima rino suar jiba jingon gom biya um yam bit leu nok gi Kristus ya um je. Tug hon nisinati dima ne tungwatu inggei sut Allah.

ROMA 16:15

Dipigo Filologus kin Yulia kin Nereus kin nikwohop yoni kin Olimpas kin yo di ingon jo kep nya di iba yo bikum yok cem.

ROMA 16:23

Gayus cem pigo je. Dibong bit noni ba, yo di mbusyamei induk yam ei nide ig bei cem. Erastus di nyohou dimig mitiei pemerinta de ei minu ndig dini cem pigo je ba, isut Kwartus cem pigo je bu. [

ROMA 16:6

Dipigo Maria cem lewo noni com nahanggwap tut je nindig bibor.

ROMA 16:9

Dipigo disut Urbanus di yai midyai mem Kristus bit nyeni. Dipigo dingon kieti di ninyeng Stakhis cem.

EFESUS 5:3

Jeni ne Allah de limwa nya ri. Gima rino dem tut gima sisar nicut tut yamti kin nikrar kep yamti kin ningon pri kep mun di hiter mbun srig jikieti bi. Ma jibon nituti mem hiter ipai kep jinghapti tut mun dima yok au.

FILIPI 1:27

Mun nyeng gom bon ninyeng mem jeni. Ma jiyai kepti nya bit leu Nihyet Di Kei tut Kristus nipingok jeti. Leu binhyepo gino dihwou ngat je cem dihwou ngat je bi cem lo, dimiap tut bipia jingon gom tut yam ba, jiba jingon kanti gom kin jingon llei sutti gom binjei bit yam bijicom jahanggwap tut niba ningon comti di ntun Allah De Nihyet Di Kei him.

FILIPI 2:29

Ma jiba jingon di llei biya um noni noyam kin jikindig ei Kristusti. Ma jikon yo di igyai bram Epafroditus niyai kepti nya yahagom inyeng,

KOLOSE 4:10

Aristarkhus cem no sima ei ig bui nsi bit da ba, pigo je. Markus dino Barnabas nittom cem pigo je. (Gino Markus hwou ngat je lene ma jicigit noni kui jide ig lewo jiyai srat nicuk jeti di nipinak hwou di bitut noni tu.)

TIMOTIUS GI NIGOM 2:10

Noro ma iba ide niyai munti di kei bibor nya bimau yonti dem kep nok sop di ikuk yok bak Allah.

2 TIMOTIUS GI NICAN 1:18

Akan tut bipia noni mpu da nindig bibor ei minu ndig Efesus nipou su. Handei kon ba, Tuhan ngondut noni mem njap di Noni kes hukum ei tungwatu nya dip.

TITUS 2:3

Nok gima cem ma apingok sindig-ndau nya ingonti leu binhyepo igyai munti nya dem kep nok sop di ingon kwes kin Allah. Ma ikkin kep tungwatu nya inghapti bikuk yok bak mun di pu yok au. Noro ma iba ningginausi di nijit,

FILEMON 1:12

Noni ne dingon kieti ri. Nogindini dipinak noni hanyen hwou ndam na.

FILEMON 1:17

Gima rino gino aba angon srip bram ba, dinok asut no di Kresten lene ma akau dimbou hanyen leu Onesimus ba, aya um noni dem kep nok aya um da.

YOHANES GI NICAN 1:10

Gima rino gino no di krau kep Kristus nipingok nyeti bi kwei cem kep je lene ma jicigit noni kui ig bijipigo noni au.