ROMA 16:17 - ALLAH NIHYET MEM TUNGWATU NYA

¹⁷ Disut bat jen, ditigtai je leu binhyepo jitindei ser yo di ibindei di jiba nitok biyam kin yo di ibindei di yo di ingon jo kep nya ingon kiowi tut ide niba ningon comti lewo igyai munti dima srep tut ningginau jeti di nijit-jau di jiyai nipou su. Ma jimbres jenti leu yok.

ROMA 16:17 ပူးပေါင်းရင်းမြစ်များ

YUDAS 1:19

Yo dini ibindei ba, yo di mbusyamei iba nitok biyam. Allah Ninnei sindem tut yok bi noro ingut kanti di ntun dihyeisi dini him om kep yok.

TESALONIKA GI NICAN 3:6

Disut bat jen, niba Tuhan Yesus Kristus ninyeng bisok kep je leu binhyepo jimbres jenti leu jisut bat yo di ibong biei nda dip kep ig he di ibit nyende nicuk yokti bi nya.

2 TIMOTIUS GI NICAN 3:5

Mbro nok gino ipai sut yonti bipia ingon jo kep tu lo, igyai munti nya srep tut ba, ide ningon jo kepti dima ne ningon jo kepti di nitrowai he ri. Ma ambres nanti leu yo dima.

KOLOSE 2:8

Ma jingon sok kep jenti ser nhyema hi ba ningon di kiti di ntun tungwatu dihyeisi dini him di bon ninyeng bi buubon je au. Ningon kiti dima ntun Kristus him bi noro ntun tungwatu dihyeisi dini ingon kanti him kin ninnei di inyeng tak kep mpia-bbed him kin dihyeisi dini him.

TITUS 3:10

Mem no di bindei ba, yo di mbusyamei ikwas yam drek dip ingon di srep tut yam ne ma asok kep noni ngkiem ser mbigom mbican. Gino ningkek ndok ahyet ne ma acom noni leu yo di inggre kin mbusyamei ikieti hak ug.

GALATIA 2:4

Mbro nok gima lo, bihi ibidip huk noni tut. Yo dima iluei itta tereu nok yo di Kresten ba, ibipis yo di mbusyameisi leu binhyepo iba itta sien kep yo di mbusyamei binggok tut nyende niyati kwes di tug hon ide ninok gom kin Kristus Yesusti. Yoni ipi biyuubon nyeni bininok awak mem puig timiei hanyen.

TIMOTIUS GI NIGOM 1:3

Akan kep bipia tirigi dijo leu minu ndig Efesus ba, duug ei hanjop Makedonia lene dicuk nani leu binhyema akes minu ndig Efesus hak ba, ambut leu au. Leu binhyepo asok kep ibou poi ei mpia dima ngkiem ser nhyema iba nihyet nitrowai bingginau tungwatu nya bu au.

FILIPI 3:17

Disut bat jahagom! Ma jiyai bram diyai kepti nya. Nyeni nindo bindo di kei bibor bije tu. Gima rino ma jiyok jiyai kep yo di ibit bindo dima bijiyai bram igyai kepti nya.

MATIUS 18:7

Ayo! Buhun bibor mem tungwatu dihyeisi dini lewo mun nyeng mang bibor bindei ba, icut ei sisarti. Mun dima yok mipek kep mem tungwatu nya kikau. Noro buhun bibor mem no di bindei dino hi ter cut ei sisarti!

KORINTUS GI NIGOM 3:3

Lewo jiba joho rok mun di ntun dihyeisi dini him. Jingon kinei sut yam ba, jiliriem yam lene gima ndo bindo bipia jiba joho rok mun di ntun dihyeisi dini him tereu nok gi po jinok yo di ikan tut Allah bi.

KISAH 15:24

Nimiap tut ibou poi di inggre kin nyeni di ihwou bibigen ser je. Yo dima igyai jingon di kiowi tut nyen de ningginau jeti nya. Noro nisok nihyet kin ningon kanti di nok gima ei yok dip bi sren.

YOHANES GI NIGOM 2:19

Yo dini inok gom kin nye di mbusyamei bi. Gima rino ikes nye ei bimbut leu nye tu. Gino inok gom kin nye di mbusyamei ne igwam bit nye kikau kwei bipek ammani kep. Noro ikes nye bimbut leu nye tu ba, gini bindo bipia inok gom kin nye bi.

MATIUS 18:17

Gino ningon tunggwei yo dima cem ide nipingok noti lene ma ambot kep tut bak yo di inggre kin mbusyamei nya yahagom. Gino ningon tunggwei yo di inggre kin mbusyamei cem ide nipingok noti lene ma aba anghim birok noni noyam kin no di gwam Allah ninghim kin no di ya tindei belasten biyem jimuhup cem.”

KORINTUS GI NIGOM 11:18

Nigom ne hi mbot kep tut bida bipia tirigi jinduk yam mem njap nigwam kep ninghuisi lene jide nimpung nya iba nitok biyam. Dikan bipia mun poi di imbot kep bida ne mun di nijit-jau ri.

LUKAS 17:1

Yesus pai bak yo di igya kui Noni “Mun di bindei dino tungwatu nya ibon sisar nonaha. Noro aye! Buhun bibor mem no di bindei dino hiter bon sisar!

MATIUS 7:15

“Ma jisok kep jenti ser nabi nitrowai nya di isrig jikieti lo, iluei itta binok domba nya. Noro bei ninsi ne inok nsien mbrei di niten-pos.