ROMA 16:12 - ALLAH NIHYET MEM TUNGWATU NYA

¹² Dipigo Trifena kin Trifosa di igyai midyai sindem bibor mem Tuhan. Dipigo Persis di dingon kieti. Noni cem yai midyai sindem bibor mem Tuhan.

ROMA 16:12 ပူးပေါင်းရင်းမြစ်များ

MATIUS 5:47

Gino jipigo jisut bat nya he lene jibon munti dima bon ninyeng di notou dor njiriek yo di hiter i? Lewo yo di igwam Allah ninghim cem igyai nok gima!

MATIUS 9:38

Gima rino ma jingat nadi bak miai niceu leu binhyepo noni micuk nide awak nya biyuug kos njita hagom kwei ei igudanti.”

ROMA 16:11

Dipigo Herodion di ntun mben Yahudi him. Dipigo disut bat yo di ingon jo kep nya di intun Narkisus him cem.

ROMA 16:13

Dipigo Rufus kin nipmem di bibon da tereu nok nipmot. Tuhan dimig Rufus ba, nindigsi inggei sut noni.

KORINTUS GI NIGOM 15:10

Noro nogindini diya diyati nok no di ya kui Yesus tug hon Allah nisingat tut dati. Diyai nisingat tut dati mikuisi bi. Ningat ne dita dibou ei Allah de midyaiti dor njiriek yo di igya kui Yesus nindigsi nya yahagom. Nisindemti di bindei bidita dibou ei midyai dimati kwei leu danti bi noro kwei leu Allah nisingat tut dati lene ba No bikum da mem midyai dima.

KORINTUS GI NIGOM 15:58

Gima rino disut bat di dingon kieti jen e, ma jiyai nisindemti kin ningon nddongti. Ma jita jibou ei Allah de midyaiti lewo jikan tut bipia midyai di jiyai mem Tuhan nya hagom mikui-kausi bi sren.

KORINTUS GI NIGOM 16:16

Ditigtai je leu binhyepo jikuk je bak yo dima ide nipingok jeti. Lene tut nindigsi di igyai midyai noyam kin yoni lene ma jikuk je bak yoni bijibit ide nipingok jeti.

KOLOSE 1:29

Dita dibou ei midyai diniti bidigruap-gruap nyen tug hon nisindemti di Kristus kwas tut da lewo Nide nisindemti dima yai midyai sindem bibor ei dingonti.

KOLOSE 4:12

Epafras cem pigo je ba, noni cem nggre kin jide nimpung ba, noni ne awak mem Kristus Yesus ri. Noni ta nibou ei naditi bingat nadi tindei je leu binhyepo Allah yai jingon di nddong cem jimahan ei Kristusti cem jiba jingon di gom bibit Allah ningon kanti cem.

TESALONIKA GI NIGOM 1:3

Mpe dino ningat nadi bak Icig Allah ne niyok ngon kep bipia jindo jide niba ningon com Yesus Kristusti tug hon jiyai munti nya kin jide ningon ngakei yamti di bindei dino jita jibou ei jide midyai nyati lene jiba jingon nddong biyok jingon mem ide Tuhan Yesus Kristus.

TIMOTIUS GI NIGOM 4:10

Nyeni igyai midyai sindem bibor ba, ita ibou eisi lewo iba ingon com Allah di niyaijo di joi sut tungwatu nya yahagom igyai niteu leu sisarti kin niyaijo nijep. Noni teu yo di ingon jo kep nya leu sisar biyai niyaijo nijep biyok tu.