ROMA 15:8 - ALLAH NIHYET MEM TUNGWATU NYA

⁸ Ma jiyok ngon kep bipia Kristus kwei nok awak mem mben Yahudi leu binhyepo bindo biyok bipia Allah ningon gom bibindei nipreu eisi nya pek kep mem idigup bat-idigai bat nya.

ROMA 15:8 ပူးပေါင်းရင်းမြစ်များ

NIPINGOK NINGONTI 8:7

Mun di tibim ei duhui him nijit ri. Dingon mpo tut nibicumti nya.

MIKHA 7:20

Mporo ma ando Ade ningon gomti kin Ade ningon ngakeisi di ug hon nohonti bi bak Ade limwa nya di intun Abraham kin Yakub him bit leu nok apreu ei mem nyeni nidigup bat-nidigai bat nya nipou su.

MATIUS 15:24

Yesus buhup “Dicig cuk Da kwei mem gima dimpu mben Israel he lewo inok domba di srawir nya.”

MATIUS 20:28

Bit leu nok Munggwom Tungwatu Nipmot di kwei leu binhyepo tungwatu nya inyohou Noni bi noro kwei leu binhyepo nyohou tungwatu nya leu api kes ninnei ei mem bikwek imang bibor leu mun di kat yok.”

YOHANES 1:11

Noni kwei ei nitimieisi noro Nide mben igya um Noni bi.

YOHANES 10:16

Ditde domba nindigsi di icoi kwei ei sar nsi dini bigyo yo rinaha. Suar dijem yoni cem kwei leu api imiap dihyet apino domba nya yahagom inok gom ba, ide gembala cem gom ngat.

KISAH 13:46

Noro Paulus kin Barnabas ibrim ingkek kep yok bibuhup “Suar nitri tut Allah nihyet bije nipou bibie ug e. Noro jenti jikos tut bipia jidem mem jiyai niyaijo nijep bi drek dip gi jikou sut nihyet dima. Gima rino nogindini nikes je ei leu ba, nitri tut nihyet bak ngkiai nya.

ROMA 11:22

Mun dima yok ndo binye bipia Allah ningon nggriu cem nggwes cem. Ningon nggwes tut yo di ibon sisar noro ningon nggriu sut je gino jiyai munti nya biyai Allah ningon nggriu sut je. Gi bi ne Noni misriot je hanyen leu.

ROMA 11:30

Mbro nok gino nipou kwei bipek ammani kep je di ngkiai nya jibit nihyet bi lo, tini bu ne Allah yai jingon di ngun drek dip mben Yahudi di ibit nihyet bi.

ROMA 15:16

Noni dimig da bidinok awak mem Kristus Yesus bipinak da leu binhyepo dimpu ngkiai nya. Ditri tut Nihyet Di Kei di kwei leu Allah lene diyai dibou tut yok nok imam leu binhyepo Allah Ninnei dimig yok ei noyam kin mindhe di imam nya ikes ei nimbar hum dokti di bindei ba, Allah joi sut yok. Handei kon ba, Allah Ninnei bindei ba, inok mindhe pima di Noni dimig pijum ei mem Allah.

ROMA 3:26

Noro tini bu ne Noni yai nibou tut ide sisar leu binhyepo ndo bindo tut ningon sren-srausi. Tug hon nisinati dima ne Allah ndo brei bipia ningon sren-srau bibindei ba, bikwop no di ba ningon com Yesus ningon kwes kin Allah hanyen.

ROMA 3:3

Mbro nok gino mben Yahudi bihi ingon gom bi lo, gini ndo bipia Allah ningon gom tut tungwatu nya bi e?

ROMA 4:16

Gima rino Allah nipreusi dima tug hon ide niba ningon com Noniti. Allah ba ningon di singat tut yok bibindei nipreu ei mem yo di intun Abraham himti dima ngkiem-kiau mem ngkiai nya he bi noro mem yo di iba ingon com Allah bit leu nok Abraham ba ningon com Noniti. Lewo Abraham nok ide pung di bitut innei mem yo di iba ingon com Allah intun him yahagom.

KORINTUS GI NIGOM 1:12

Jisindui sut ba, dipai sut ibou poi di leu jikieti di ipai sut yonti “Nitti kin Paulus” lene ibou poi bu di ipai sut yonti “Nitti kin Apolos” lene ibou poi bu di ipai sut yonti “Nitti kin Petrus” lene ibou poi bu di ipai sut yonti “Nitti kin Kristus.”

KORINTUS GI NIGOM 10:19

Dibiyai hamem dingon nok mindei i? Kwar kin mun di ibikuk yok bak kwar bon ninyeng bi e?

KORINTUS GI NIGOM 10:29

Gi dipai dini tut jide ningon bei di huk niti bi noro tut no dima ningon bei di huk niti. Lo, jigom buhup “Mbenjen! Nggon rino hiter ningon bei huk niti dima ngot kep da ser leu ba diyai mun bit leu dingon kanti bi i?

KORINTUS GI NIGOM 15:50

Disut bat jen, nimbot kepti rinok gini. Bit bon ningut di bon ninghui kin ninggrom nggre kin Allah Ninyeng Tak Kepti kan bi. Ba, bit bon mun di kroi ei dihyeiti nggre kin mun di jo gingga kan bi.

KORINTUS GI NICAN 1:20

Lewo Allah pai “I” nongkom tug hon Yesus Kristus tut mun di Noni preu ei mem nye hagom tu. Gima rino nyeni ibuhup “Igbit ri” bak Noni drek dip Yesus Kristus. Iba ide nibuhupti dima binggei sut Allah.

EFESUS 2:12

Mpe dima lene jinok gom kin Kristus bi. Jeni ne ngkiai nya di inggre kin Allah de limwa nya bi ri. Jipriet kin gi preu di Allah ba neheng bipreu ei mem Nide limwa nya cem bi. Leu gi po jiyaijo ei dihyeisi dini lo, jingon cut leu mun di jiyok jingon mem bijiba jingon srip huk tut Allah bi.