ROMA 15:4 - ALLAH NIHYET MEM TUNGWATU NYA

⁴ Srat bokti ei Allah Nihyetti hagom ngginau nye. Lewo Allah Nihyet ningginau nyeti bindei ba, yoom ingon ba, biwin ingon cem. Apino igyok ingon mem Allah.

ROMA 15:4 ပူးပေါင်းရင်းမြစ်များ

MAZMUR 102:18

Noni mimiap kep Nide limwa nya di iwer nikinei-kinau nya ide nadi lene rok yok tut ighyet di yahara Noni bi.

MAZMUR 119:50

Mbro nok gino dicut ei ninghuisi weisi lo, nipreu ei mem dati dima rino bigwam ser dingon bisindem tut diyaijoti lewo Ade nipreu eisi bindei ba, diyaijo.

HABAKUK 2:2

tuhan buhup bida bipai “Ma apas kep mun di dimbot kep bina nok igbit ei srat gomti leu binhyepo nibokti jo nibreisi ba, krop kei mem no di kwop.

ROMA 12:12

Ma jiba jingon di llei bibor biyok jingon mem Tuhan lene ma jingon nddong tut mun di cut igkep je bijita jibou ei naditi cem.

KORINTUS GI NIGOM 10:11

Mun di cut igkep yo dima hagom ndo bindo bak yo di hiter. Ba, tungwatu nya ipas kep hagom nok nihyet di bisok kep nye. Lewo nyeni igyaijo mem nijam di son dideu njap ningwig honti.

TESALONIKA GI NIGOM 1:3

Mpe dino ningat nadi bak Icig Allah ne niyok ngon kep bipia jindo jide niba ningon com Yesus Kristusti tug hon jiyai munti nya kin jide ningon ngakei yamti di bindei dino jita jibou ei jide midyai nyati lene jiba jingon nddong biyok jingon mem ide Tuhan Yesus Kristus.

PETRUS GI NIGOM 1:13

Gima rino ma jitin ei jibou ngwakti mem mun di mipek kep mem je nya hagom. Ma jiyai ngkiem cem leu api jiyok jingon mem mun di kei di Allah miyai bije ei mpe dino Yesus Kristus ttau hanyen kwei.