ROMA 15:26 - ALLAH NIHYET MEM TUNGWATU NYA

²⁶ Lewo mbusyamei nya ei hanjop Makedonia kin Akhaya ice tut yam hyet tut mitiei di ikwas tut isut bat di Allah de limwa nya di yuhui mbum ei minu ndig Yerusalem.

ROMA 15:26 ပူးပေါင်းရင်းမြစ်များ

KORINTUS GI NICAN 9:12

Lewo jiyai munti di kei bibor dini bimpu Allah de limwa di yuhui mbum nya he bi noro bindei ba, tungwatu nya imang bibor ipai sigyo bak Allah cem.

KORINTUS GI NICAN 9:2

Dikan tut bipia jingon llei sut gi jimpu yok. Gima rino dinggei sut bidikon jinyeng ei mbusyamei nya ei hanjop Makedonia yoho bei tu. Dipai biyok “Jisut bat yo di ingon jo kep nya ei hanjop Akhaya itin ei munkwas habiei ei ari bingwam gi pini jug su.” Jide ningon bisau sutti ppu hum kin imang ide ningon bisau sutti.

FILEMON 1:5

Lewo dimiap anghapti di tibim tut ade ningon ngakei Allah de limwa nya yahagomti lene aba angon com Tuhan Yesus.

KORINTUS GI NIGOM 16:15

Disut bat jen, jikan tut Stefanus kin nide bat nya di ingon jo kep Tuhan nok mighumbou mem hanjop Akhaia hagom. Yoni ita ibou ei midyai nahati tut yo di mbusyamei yahagomti.

KISAH 18:12

Tirigi Galio yai ninyeng nibou hanjop Akhaya lene mben Yahudi ikes ingon mem yam ba, ikat Paulus bibuwak noni ug ei nikei noho bei.

KISAH 16:9

Himmun di ingat rin ei Troas lene Paulus ngat-hi-ngat bingat lo, timiei hanjop Makedonia gom tau hak biya ei Paulus noho bei lene hara noni “Akwei ei Makedonia ba, ampu nye o!”

LUKAS 14:13

Gima rino tirigi abon pesta lene ma ahig yo di yuhui mbum nya kin nikinei-kinau nya kin yo di imig lit nya kin yo di igyai tu nya kwei.

LUKAS 6:20

Lene Yesus tou kep yo di ibit Noni bipai biyok, “Bikwop yo di yuhui mbum ingon nggei-hi-nggei lewo inggre kin Allah ninyeng tak kepti tu!

MATIUS 26:11

Lewo yo di yuhui mbum nya ingat rin bit je kikau noro dingat rin bit je kikau bi.

MATIUS 25:40

Nibou Ndig mibuhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok lene gima dem kep nok jingondut Dani!’

ZAKHARIA 11:11

Diyai nok gima ei njap dima hak. Leu api nitri-nipek domba cig dima yok ingig igyai kep da bingon huk niti bipia tuhan no mbrap kep tug hon ditde nibon munti nya.

ZAKHARIA 11:7

Gima rino dibon danti bidinok gembala drek dip nitri-nipek domba cig nya di itin ei mem gima ikos nya leu api dibon tom can. Dijem tom gom ninyeng ‘Nisingat tutti’ lene dijem tom gom ninyeng ‘Nibicom yamti.’ Leu api dikinyon ei niya serti bidinyohou domba dima yok.

NIPINGOK NINGONTI 17:5

No di ba yo di yuhui mbum nya bikek nim kep Allah di pai tes yok. No di ningon kei kep hiter tut mun di buhun bibor di cut igkep yok nya mitug ndei hukum.

NIPINGOK NINGONTI 14:31

No di ngondut nuhui mbum nya kuk no bak Allah noro no di hwen bit nuhui mbum nya nihyet tigut Allah di pai tes yok nya.

NIPINGOK NINGONTI 14:21

Gino ajoi sut angon di nggei-hi-nggei lene ma angondut yo di yuhui mbum nya leu gino angwes om kep yok lene sisar ntun him.

KISAH 9:13

Ananias srep “Tuhan e, tungwatu imang bibor ipai sut no dima ninghapti bida bipia noni hwen bit Ade limwa nya ei minu ndig Yerusalem,

KISAH 16:12

Nijo leu minu ndig dima binimbut nimig ug ei minu ndig Filipi. Minu ndig dima ne bon ninyeng ei hanjop Makedonia lewo nibou ndig minu Roma ninyeng tak kep timiei minu ndig Filipi nya yahagom. Nibong ei minu ndig dima mem njap poi.

KISAH 19:21

Gima ngwig leu lene Paulus kos tut bipia mbut ug ei hanjop Makedonia kin Akhaya mbigom kin bu leu api ngkwei hanyen ug ei minu ndig Yerusalem. Noni yongon kep “Niabiati singkwei hanyen ei minu ndig Yerusalem leu lene suug ngat minu ndig Roma cem.”

KORINTUS GI NIGOM 16:5

Midihwou ttau kep je sindam niabiati diya bidem hanjop Makedonia leu su lewo dikos tut mem diya bidem minu dima.

KORINTUS GI NICAN 1:16

Dikos tut bije bipia dihwou ngat je sindam tirigi duug ei hanjop Makedonia lene tirigi dingkwei hanyen leu hanjop dima cem. Mpe dima lene jibon nituti mem jimpu da tut dimbutti ug ei hanjop Yudea.

KORINTUS GI NICAN 2:13

Noro dikrau dingon tut isut Titus lewo dingat ningat bi. Gima rino dipigo Allah de limwa nya bidikes yok ei leu api dimbut kikau ug ei hanjop Makedonia.

KORINTUS GI NICAN 7:5

Tirigi nuug krau Makedonia pima ne bit bon nibong kep ninghuisi kan bi. Mun di buhun ngwig kep nye. Nimpung yo di hiter iliriem nye ba, nikrau ningon tut je.

KORINTUS GI NICAN 9:4

Dikrau dingon tut gima timiei hanjop Makedonia ibit da hwou bihwou ngat je bingat bou igyai him lo, jitin ei munkwas bigyo a. Gi nok lene minimmai sut nyenti drek dip nyende niba ningon com jeti pima! Jeni cem mijimmai sut jenti.

KORINTUS GI NICAN 11:9

Tirigi dingat rin bit je ne disuar mun di bahati tut da noro ditindei kep jindati tut munkwas hi bi sren. Disut bat yo di ingon jo kep nya di ikwei leu hanjop Makedonia ipwoi mun di disuar nya hagom kwei bida. Ditindei kep jindati tut munkwas ei nimbie him dima bi lene nogindini ditindei jindati tut munkwas bi sren. Lene nok gima kikau.

FILIPI 4:15

Je di timiei minu ndig Filipi jikan tut bipia tirigi kindi dijo leu hanjop Makedonia biditri tut Nihyet Di Kei pima lene jeni ne mbusyamei gom ngat he di hati tut da bipriet kin da tirigi dihwap mbum kin dimbun mun di binyohou da cem ri.

TESALONIKA GI NIGOM 1:7

Tug hon nisinati dima lene jiyai munti dima rinok bindo bak yo di ingon jo kep nya ei hanjop Makedonia kin Akhaya.

TESALONIKA GI NIGOM 1:8

Lewo Nihyet Di Kei tut Tuhan bon nibousi ei jikieti leu api tibim kikau ug ei hanjop Makedonia kin Akhaya. Lene tut gima he bi lewo jinghapti tibim tut jide niba ningon com Yesus Kristusti bidem minu apino nisuar nitri tut gima bak tungwatu nya bi.

TESALONIKA GI NIGOM 4:10

Ningat ne jingon ngakei jisut bat yo di ingon jo kep nya bidem hanjop Makedonia nisurti-nipekti tu. Gima rino nitigtai je leu binhyepo jikum ei jide niyaijoti di kei biborti dor njiriek bu.

TIMOTIUS GI NIGOM 1:3

Akan kep bipia tirigi dijo leu minu ndig Efesus ba, duug ei hanjop Makedonia lene dicuk nani leu binhyema akes minu ndig Efesus hak ba, ambut leu au. Leu binhyepo asok kep ibou poi ei mpia dima ngkiem ser nhyema iba nihyet nitrowai bingginau tungwatu nya bu au.