ROMA 15:19 - ALLAH NIHYET MEM TUNGWATU NYA

¹⁹ drek dip bindo kin mindur di sindem bibor nya kin nisindemti di kwei leu Ninnei cem dibiyai midyai. Ditri tut Nihyet Di Kei tut Kristus bidem minu tirigi dijo leu minu ndig Yerusalem bidimbut kikau ug ei hanjop Ilirikum.

ROMA 15:19 ပူးပေါင်းရင်းမြစ်များ

KORINTUS GI NICAN 12:12

Allah bibon mindur kin niyai kepti di mipbor ngat nya ei jikieti tug hon da mpe di diba dingon di jo nyahan biyai kep midyai nya. Mindur dima yok hagom ndo brei bipia dani ne no di ya kui Yesus ri.

IBRANI 2:4

Mpe dima lene Allah sindem tut nihyet di tibim ei yo dima yuhui him ba, bon bindo kin mindur leu api kwas nisindemti nya di kwei leu Nonti Ninnei tut tungwatu nya bit leu ningon kanti.

GALATIA 3:5

Allah yai Ninnei bije ba, bibon mindur ei jikieti. Apo Noni yai gima drek dip gi jibit Puig Yahudi niggai serti nya e, he drek dip gi jimiap Nihyet Di Kei leu api jingon jo kep Kristus e?

2 TIMOTIUS GI NICAN 4:17

Noro Tuhan ya kui da bisindem tut da leu binhyepo ditri tut Nihyet Di Kei titut yam ba, ngkiai nya yahagom imiap Nihyet Di Kei dima tu. Ba, Allah teu da bidingwes ngun leu yo di itin ei mem igyai nimai bida nya indati.

KISAH 20:6

Niabiati Njap Ndig Midut Roti Dwoi Bi tun tu lene nibri kibar minyei ei minu ndig Filipi ba, nibitot minyei ngwa dip. Njap muhwi bu lene nikwei um yok ei minu ndig Troas leu api nibong ari nitindur gom ei minu ndig dima.

KISAH 17:10

Yo di ingon jo kep nya ei minu ndig Tesalonika ipinak Paulus kin Silas ug ei minu ndig Berea mem himmun ndia. Tirigi yuug krau lene icoi ug ei mben Yahudi ide ig mbusyamei.

KISAH 20:20

Jikan tut bipia dingon tak kep nihyet gom di biwin kep jingonti leu je tirigi ditri tut nihyet bi ba, dingginau je brei ei ig mbusyameisi kin jide ig bei nya cem.

KISAH 19:1

Mpe dima lene Apolos ningat rin ei minu ndig Korintus ba, Paulus ya bidem hanjop dima buug krau Efesus buum tungwatu ibou poi di ingon jo kep Yesus.

KISAH 18:19

Tirigi ikwei krau minu ndig Efesus lene Paulus kes Priskila kin Akwila leu lene coi ug ei mben Yahudi ide ig mbusyamei leu api noni kin mben Yahudi isimbot kep biyam.

KISAH 18:1

Gima ngwig leu lene Paulus jo leu minu ndig Atena buug ei minu ndig Korintus bu.

KISAH 17:15

Niabiati yo dima ibuwak Paulus kikau ug ei minu ndig Atena tu lene ikes noni leu lene ingkwei hanyen ug ei Berea. Lo, Paulus sok nihyet bak Silas kin Timotius leu binhyepo ikwei sin noniti haninyai.

KISAH 16:18

Sop dima hara nok kikau ei njap poi bibindei ba, bit bon Paulus om ningon tut kan bi. Gima rino noni tou kep ninghim dip bipai bak ninnei rom dima “Dicuk na tug hon Yesus Kristus ninyeng bipia ahei leu misop dima ningonti hak ug.” Hammi tirigi Paulus pai nok rino ninnei rom dima kes noni ei ba, hei leu ningonti bihigom.

KISAH 15:12

Gima rino yahagom ikimut yuhui bigwam nyahan bingig itingou mem Paulus kin Barnabas ighyet di itri tut Allah de mindur kin bindo di Noni bibon tug hon yoni ei ngkiai nya ikieti ug e.

KISAH 14:25

Niabiati itri tut Allah nihyet bak timiei nya ei minu ndig Perga leu lene ingkwei hanyen ug ei minu ndig Atalia,

KISAH 14:20

Noro tirigi yo di ingon jo kep nya induk yam bingwig ttai Paulus lene noni kiju biya leu api coi ug ei minu ndig dima hanyen bu. Njap di hyep bu lene noni kin Barnabas yuug ei minu ndig Derbe.

KISAH 14:10

lene ba nihyet nindig bipai bak “Akiju ba, aya pijum!” Leu api no dima pri biya kui ba, sindi tit nimig bimbut nyen.

KISAH 14:6

Noro hi mbot kep tut ingon kanti dima bak Paulus nya. Gima rino inang bingwes ngun ug ei minu ndig Listra kin Derbe ei hanjop Likaonia kin minu mien di gahai nya cem.

KISAH 13:51

Leu api Paulus kin Barnabas ikit imig jou tut dihyei ndung di dimbos leu imig nok mun di bindo di bipingok ingonti leu lene irop ug ei minu ndig Ikonium.

KISAH 13:14

Ba, yo cin dima ijo leu minu ndig Perga bimbut imig ug ei minu ndig Antiokhia ei hanjop Pisidia leu api icoi ug ei mben Yahudi ide ig mbusyamei mem ide Njap Nigwam Kep Ninghuisi bigwam bit yo di idem yam ei su.

KISAH 1:8

Noro tirigi Allah Ninnei srek kwei ei jeni dip lene Noni misindem tut je apino mijitri tut mun di jingat bou jiyai him tut Dani ei minu ndig Yerusalem kin hanjop Yudea kin Samaria hagom ba, kikau ug bipek minu nohon keti cem.”

YOHANES 4:48

Yesus pai binoni “Gino jingat bindo kin mindur bou jiyai him bi lene jiba jingon com Da bi sren.”

MATIUS 12:28

Noro dijji ninnei rom nya tug hon nisindemti di kwei leu Allah Ninnei. Diyai munti dima ne mun di bindo bipia Allah Ninyeng Tak Kepti tau kep je tu ri.

PETRUS GI NIGOM 1:12

Allah mbot kep tut bak nabi dima yok bipia mun di itri tut dima mem yonti bi noro mem jeni. Mun di itri tut habiei dima tibim kwei leu yo di itri tut Nihyet Di Kei yuhui him. Ba, yo dini itri tut Nihyet Di Kei bije tug hon Allah Ninnei di Allah pinak kwei leu gwamti nisindemti. Gino malaikati nya ingon dorti tut mun di yo dima itri tut nipek kepti ne ingon llei bibor.

KOLOSE 1:25

Allah dimig da ei nok awak mem Nide mbusyamei leu binhyepo dimpu je. Midyai dima ne nitri tut Allah nihyet nikenti ba, gini bon ninyeng mem je.

ROMA 15:24

Diba dingon com bipia jei bi lene midihwou ngat je ei jide minu ndig hapuig tirigi dimbut ug ei minu Spanyol. Mpe dima midicem kep je leu binhyepo nyeni yahagom ingon nggei-hi-nggei bit yam. Dihwou ngat jeti dima mibon nituti mem gima jimpu da tut mun di disuar nya kak puig sinon ug ei minu Spanyol.

ROMA 15:13

Allah bindei ba, igyok ingon mem Noni. Handei kon ba, Noni yai jingon llei bibor kin jingon jo nyahan cem tug hon jide niba ningon com Noti leu binhyepo jiyok jingon mem Noni bibor bikum eisi bu tug hon nisindemti di kwei leu Allah Ninnei.

ROMA 15:16

Noni dimig da bidinok awak mem Kristus Yesus bipinak da leu binhyepo dimpu ngkiai nya. Ditri tut Nihyet Di Kei di kwei leu Allah lene diyai dibou tut yok nok imam leu binhyepo Allah Ninnei dimig yok ei noyam kin mindhe di imam nya ikes ei nimbar hum dokti di bindei ba, Allah joi sut yok. Handei kon ba, Allah Ninnei bindei ba, inok mindhe pima di Noni dimig pijum ei mem Allah.

KORINTUS GI NIGOM 2:4

Diba dihyet mmau di tug hon ningon di ki di ntun dihyeisi dini him bitri tut nihyet bije bi. Noro tug hon nisinati di ndo brei bije bipia Allah Ninnei sindem bibor.

TESALONIKA GI NIGOM 1:5

Lewo nihwou sut Nihyet Di Kei ei jikieti tug hon nihyet di tibim leu nuhui him he bi noro tug hon nisindemti kin mindur di Allah Ninnei bibon ei jikieti. Nindo tut niba ningon com Nihyet Di Keisi bije tu. Nyende niyai munti nya jo nibreisi mem je tirigi ningat rin ei jikieti ba, nibrim ningkek mem je.