ROMA 15:16 - ALLAH NIHYET MEM TUNGWATU NYA

¹⁶ Noni dimig da bidinok awak mem Kristus Yesus bipinak da leu binhyepo dimpu ngkiai nya. Ditri tut Nihyet Di Kei di kwei leu Allah lene diyai dibou tut yok nok imam leu binhyepo Allah Ninnei dimig yok ei noyam kin mindhe di imam nya ikes ei nimbar hum dokti di bindei ba, Allah joi sut yok. Handei kon ba, Allah Ninnei bindei ba, inok mindhe pima di Noni dimig pijum ei mem Allah.

ROMA 15:16 ပူးပေါင်းရင်းမြစ်များ

KISAH 13:2

Mpe di gom tirigi ikuk yok bak Tuhan bigyem njita bi mem nituti poi lene Allah Ninnei pai biyok “Ma jidimig Barnabas kin Saulus ei mem Da leu binhyepo igyai midyai di dikos tut ei mem yok tu.”

KISAH 20:24

Noro dinyohou diyaisi bi lewo diyaisi bon ninyeng mem da bi. Noro diyai kep midyai di Tuhan Yesus ba ningon com da tut nya biput lene gima bon ninyeng mem da gino diba dingon gom bitri tut Nihyet Di Kei tut Allah di singat tut nye kikau ug bipek diyaijo ningwig honti.

KISAH 20:32

Nogindini dikes je ei Allah nindati leu binhyepo Noni kin nihyet tut Allah nisingat tut jeti nyohou je. Allah sindem mem gima sindem tut je leu binhyepo jiba je kep mun di kei di Noni bet ei mem Nide limwa nya yahagom.

KISAH 22:21

Noro Tuhan pai bida ‘Aug hak ug lewo dicuk na ug ei minu ting ndam ngkiai nya.’ ”

KISAH 9:15

Noro Tuhan buhup “Akiju ba, ambut hak ug lewo didimig noni nok Ditde awak leu binhyepo noni tri tut Dani bak ngkiai nya kin nibou ndig nya kin mben Israel yahagom.

ROMA 1:1

Srat dini mem yo di mbusyamei ei minu ndig Roma. Allah ningon ngakei je ba, hig je mem gima jinok Nide limwa nya. No di pas srat dini ne da di Paulus rin bidinok awak mem Kristus Yesus lene di ya kui Noni. Allah dimig da leu api ta da mem gima ditri tut Nihyet Di Kei di kwei leu Noni.

ROMA 11:13

Nogindini dipai dihyet gom bak je di ngkiai nya. Ei nijam di diya kui Yesus ei ngkiai nya ikieti diba dingon srip huk bipia midyai di diyai nya bon ninyeng nindig bibor.

ROMA 15:18

Dikon dihyet tut midyai di Kristus yai tug hon dani he. Lewo nihyet di ditri tut kin midyai di diyai nya bindei ngkiai nya ibit Allah nihyet,

ROMA 15:19

drek dip bindo kin mindur di sindem bibor nya kin nisindemti di kwei leu Ninnei cem dibiyai midyai. Ditri tut Nihyet Di Kei tut Kristus bidem minu tirigi dijo leu minu ndig Yerusalem bidimbut kikau ug ei hanjop Ilirikum.

ROMA 15:20

Dingon bisau sut gima ditri tut Nihyet Di Kei bidem minu di tungwatu nya ikan tut Kristus bigyo. Tug hon nisinati dima ne dikon ig ninggilai ei yo di hiter ide cou nipmemti bi.

ROMA 15:29

Mpe di dihwou ttau kep je ne dikan tut bipia dikwei sut Kristus De munkwas di bitut jinnei nindig bibor bak jeni.

ROMA 5:5

ide niyok ningon mem dima biyai ingon pus tut mun nyeng hi bi lewo Allah pwoi Nide ningon ngakei nyeti ei ingonti tug hon Nide Ninnei di yai binye tu.

KORINTUS GI NIGOM 3:5

Tut gima ne tou rino Apolos i? Tou rino Paulus i? Nyeni ne Allah de awak nya ri. Jiba jingon com Noni tug hon nyeni. Niyai kep midyai nya di Tuhan ndo bibikwop nye.

KORINTUS GI NIGOM 4:1

Ma jiba jingon bisrip huk tut nye bipia ninok awak mem Kristus. Allah ba ningon com nye tut Nide ningon kanti di tungwatu dihyeisi dini ikan tut bi.

KORINTUS GI NIGOM 6:19

Suar jikan tut bipia jingut nok ig mem Allah Ninnei ba, Allah kes Nonti Ninnei ei jingonti bibong ser jingonti. Jimbun jenti jingut bi noro Allah rino mbun jeni.

KORINTUS GI NICAN 11:23

Apo yoni inok awak mem Kristus e? Mbro nok gino dimbrap tereu nok no di nintin kiek lo, disimbot dat bipia dinok awak di kei bibor dor njiriek yo dima yahagom! Dita dibou ei midyai nyati bibor cem disima-sima nyen ei ig bui nsi cem tungwatu nya imbas da kinei bibor cem dingon tai-tai bou mbirimang bibor cem dor njiriek yo dima yahagom.

KORINTUS GI NICAN 5:20

Nyeni niya luei Kristus di cuk nye nohoti tereu nok Allah Nonti sok nihyet ei nye dip bak tungwatu nya. Nitigtai je tug hon Kristus ninyeng leu binhyepo jisindui sut ba, Allah yai jingon kwes kin Noni hanyen.

KORINTUS GI NICAN 8:5

Lene ikwas munkwas bidor tunggwei niba ningon com yok tutti. Nimbie him ne idimig yonti njem ei mem Allah leu api ice tut bibit nipingok yokti bit leu Allah ningon kanti mem yok.

GALATIA 3:5

Allah yai Ninnei bije ba, bibon mindur ei jikieti. Apo Noni yai gima drek dip gi jibit Puig Yahudi niggai serti nya e, he drek dip gi jimiap Nihyet Di Kei leu api jingon jo kep Kristus e?

EFESUS 2:18

Nye di mben Yahudi kin ngkiai nya yahagom iba Allah Ninnei gom ndia biya ei Noho bei tug hon Kristus di ya hacan mem nye.

EFESUS 2:22

Kristus ba jeni kin nindigsi di inok gom kin Noni jahagom bingot ig ningat gom mem Allah di ba Ninnei bibong ser.

EFESUS 5:2

Ma jiyai jinnei di mpung tut ningon ngakei yamti noyam kin Kristus di ningon ngakei nyeni. Noni kes niyaisi ei biya luei nye tereu nok mun di ngge kei di ibui bibam ei nimbar hum dokti di bipwoi Allah ningon.

FILIPI 2:17

Mpaba tungwatu nya mibui da bidinggrom siber noyam kin ninggrom di imam nya isiber ei mindhe di ibui ei nimbar hum dokti dip. Mindhe dima tereu nok mun di jiyai bak Allah drek dip jide niba ningon com Kristusti. Gino mun dima micut igkep da ne dipai sigyo bidillei ngwig sut je.

FILIPI 4:18

Dingon cut hon mun di jikwas tut da ba, hagom nindig bibor bidor njiriek! Epafroditus pwoi mun di jikwas tut da hagom kwei bida tu ba, gima dem. Dinyeng tut mun di disuar nya hagom tu. Mun di jikwas tut da hagom noyam kin mindhe di ngge di ibui bibam ei nimbar hum dokti bou Allah niyai him ba, joi sut.

TESALONIKA GI NIGOM 2:2

Ba, jikan tut bipia nipou tirigi nihwou ngat je ei minu ndig Tesalonika bigyo ne timiei minu ndig Filipi ihwen bit nye bikucang nye cem. Mbro nok gino tungwatu nya itte tut nye nindig bibor lo, ide Allah bindei ba, nibrim ningkek kep je binitri tut Nihyet Di Kei di kwei leu Nonti bije.

TESALONIKA GI NIGOM 2:9

Disut bat jen, jo nibreisi mem da bipia jiyok ngon kep bipia ninda jo kep midyai nitu tirigi ningat rin ei jikieti ba, nigruap-gruap nyen tut midyai dima. Niyai midyai dima bikwop mmun-njap leu binhyepo nibindin je tut mun di bahati nye tirigi nitri tut Nihyet Di Kei bije bi.

TESALONIKA GI NIGOM 5:23

Handei kon ba, Allah di bindei ba, ibong kei igwam kei yai jingon kwes-kwau. Handei kon ba, Noni nyohou jenti njem bitut jinnei kin jingon kin jingut leu binhyepo mun di kinei hi rap je bi ei mpe dino ide Tuhan Yesus Kristus kwei hanyen.

TIMOTIUS GI NIGOM 1:11

Ningginausi dima jo ei Nihyet Di Keiti. Nihyet Di Kei di leu Allah di kei-kau-kei ba, ma ikon ninyenga. Lewo Noni ba ningon com da tut Nihyet Di Kei di ditri tut cem.

TIMOTIUS GI NIGOM 2:7

Gima rino Noni cuk da nok no di ya kui Yesus leu binhyepo ditri tut Nihyet Di Kei bak ngkiai nya ba, dingginau yok tut niba ningon com Kristusti di nijit. Mun di dipai sut dini ne nijit-jau ri. Diris bi!

2 TIMOTIUS GI NICAN 1:11

Allah ta da bidinok no di ya kui Yesus ba, dinok guru cem leu binhyepo ditri tut Nihyet Di Kei.

IBRANI 13:16

Ma jingon prion ser nituti mem jahati tut yam kin jingon dut yam au. Lewo jiyai munti dima tereu nok midut nibui mindheti di bindei ba, Allah joi sut je.

PETRUS GI NIGOM 1:12

Allah mbot kep tut bak nabi dima yok bipia mun di itri tut dima mem yonti bi noro mem jeni. Mun di itri tut habiei dima tibim kwei leu yo di itri tut Nihyet Di Kei yuhui him. Ba, yo dini itri tut Nihyet Di Kei bije tug hon Allah Ninnei di Allah pinak kwei leu gwamti nisindemti. Gino malaikati nya ingon dorti tut mun di yo dima itri tut nipek kepti ne ingon llei bibor.

PETRUS GI NIGOM 2:5

Jinok tig di Allah bindei ba, niyaijo. Gima rino ma jisindui sut Allah ba je di jinok tig bingot Nide Ig di bit bon tungwatu nya ingat bou igyai him kan bi. Jinok imam di igyaijo mem Allah Nongkom ei Ig dimati ba, jibon midut di Noni joi sut ei nimbar hum dokti tug hon Yesus Kristus.