ROMA 15:14 - ALLAH NIHYET MEM TUNGWATU NYA

¹⁴ Disut bat jen, dikan tut mungkun bipia mun di kei nyeng mang bibor ntun jeni him ba, jingon ki lene ma jingginau yam igkei cem.

ROMA 15:14 ပူးပေါင်းရင်းမြစ်များ

PETRUS GI NICAN 1:12

Gima rino mbro nok gino jikan tut mun dini yok ba, jicom jigau ei nihyet di nijit di jiyaiti tu lo, dibiwin kep jingonti tut mun dini yok hagom kikau.

YOHANES GI NIGOM 2:21

Gima rino dipas kep srat dini bije drek dip jide ningon di mbum tut nihyet di nijitti bi. Noro dipas kep srat dini bije lewo jingon dorti tut nihyet di nijit. Ba, jikan tut bipia niris srig nihyet di nijitti bi.

KORINTUS GI NIGOM 8:1

Nogindini dibuhup jihyet tut mikwau nipigig sut mem kwar di ikuk yok bakti nya. Ningat ne tungwatu nya ipai “Nyeni yahagom ingon ki tut mikwau nipigig serti” Noro ingon di ki tut mikwau dima biyai ingon di jei sut nyenti lo, ningon ngakei yamti bindei ba, igyai nisindemti.

TESALONIKA GI NIGOM 5:11

Gima rino ma jiwin kep yam ngonti ba, jahati tut yam kikau bit leu nok gi jiyai kep bipek ammani tu.

KOLOSE 3:16

Ma Kristus nihyet di mpung tut mun di kei nya yai jingon bidut nihim. Ma jiba jingon di ki bipingok yam lene bingginau yam ngonti. Ma jikon doia kin mazmur nya ba, jibipai sigyo bak Allah ei jingonti.

KORINTUS GI NIGOM 8:10

Gino na di angon nddong ayem mikwau ei ig kwar nibousi lene buhun mem na bi. Noro notou mem no di ningon nddong bi di tou kep na i? Ayai kepti dima bindei ba, noni brim ningkek biyem mikwau njiriek ningon ttinti bi e?

KORINTUS GI NIGOM 8:7

Mbro nok gima lo, yahagom ikan tut mun dini bi. Bihi ikuk yok bak kwar bit leu igyai kepti. Gima rino hon kep ammani kui gino igyem kep mikwau lene iba ingon srip huk bipia mikwau dima ne kwar de mikwau ri. Ikan bipia map kui yokti tug hon mikwau dima ba, gi mbun imig mbus gi kei leu gi kinei nya kan bi.

KORINTUS GI NIGOM 1:5

Lewo jimbun mun di kei nya hagom drek dip gi jinok gom kin Kristus. Jingon ki tut mun di bitut ninnei hagom lene jiba jiji ngkiem bingginau tungwatu nya.

FILEMON 1:21

Tirigi dipas kep srat dini lene dikan mungkun tut bipia mporo ayai mun bit leu dingon kanti lene mporo ayai hi kin bidor njiriek bu.

TESALONIKA GI NIGOM 5:14

Disut bat jen, nitigtai je leu binhyepo jiba jingon di kwes bisok kep yo di inghen nya ba, jibiwin kep yo di ingwes mien ingonti. Ma jimpu yo di isindem bi nya ba, jingon jo nyahan tut yahagom.

EFESUS 5:9

Lewo niyai munti di kei bibor nya kin ningon kwesti kin ningon gomti hagom ntun nipigati him ei Allah niyai him.

IBRANI 6:9

Disut bat di dingon kieti jen, mbro nok gino nipai mun dima yok hagom tu lo, nikrau ningon tut je bi. Nikan tut bipia jiyai mun di kei bibor di ntun him jide niteu leu sisar kin niyaijo nijepti ba, dor njiriek bu.

IBRANI 5:12

Jiyai nituti bidem mem gima jiyai jinyeng guru. Noro bi lewo no jisuar no di pingok jingonti kikep tut Allah nihyet nitriti yo. Jiyem mikwau bigyo noro jidut do he yo.

2 TIMOTIUS GI NICAN 1:5

Diyok ngon kep ade niba ningon com Kristusti di mungkun kei ba, dem kep nok adrot Lois kin apmem Eunike ide niba ningon com Kristusti. Lene dikan tut bipia nani cem aba angon com Kristus noyam kin yoni.

FILIPI 1:11

Apino hon kep njap dima ne jiyaijoti singat kei tug hon jide niyai munti di kei bibor kei nya di ntun Yesus Kristus Nongkom him ba, ibikon Allah ninyeng bibinggei sut Noni.

FILIPI 1:7

Dem tut gima diba dingon srip huk tut je lewo jeni ne dingon kieti ri. Jipriet kin midyai di Allah ba ningon com da tut mem nijam di disima ei ig bui nsi dini kin nijam di diyati kwes ba, dimbrap gau Nihyet Di Kei bidita bingkiem kei.

KORINTUS GI NIGOM 13:2

Mbro nok gino ditri tut Allah nihyet cem dingon ki cem dingon dor mimunti kin nimbot kepti nya hagom cem diba dingon com Allah nindig bibor bidibindei ba, nungug ttou son leu niyati cem lo, gino dingon ngakei tungwatu nya bi lene dibon dinyeng bi!

KORINTUS GI NIGOM 12:8

Allah Ninnei yai nisindemti hi bak tungwagom leu binhyepo tungwagom dima ba ningon di ki bitri tut nihyet. Allah Ninnei gom ndia yai nisindemti hi bak tungwa hiter bu leu binhyepo tungwa hiter dima ba ningon di dorti bindim ningan bram.

KORINTUS GI NICAN 8:7

Jide niba ningon com Kristusti kin niji ngkiemti kin ningon ki tut nijit-jausi kin ningondut yamti kin ningon ngakei nyeti hagom bindei ba, jinyeng bibor. Gima rino gi kei mem jiya bibie mem nindigsi nya tug hon munkwas nibingondut yamti dini cem.

TESALONIKA GI NICAN 1:11

Gima rino ningat nadi tindei je bikwop njap-njap. Nahara ide Allah leu binhyepo Noni mibindei ba, jidem mem gima jiyaijo bit leu ningon kanti lewo Noni hig je mem gima. Handei kon ba, Noni sindem tut je ba, jiyai mun di kei bibor di jijoi sut nya lene bindei bijiyai mun tug hon jingon di jo kep Noni biput ug e ba, hagom put kei cem.