ROMA 15:13 - ALLAH NIHYET MEM TUNGWATU NYA

¹³ Allah bindei ba, igyok ingon mem Noni. Handei kon ba, Noni yai jingon llei bibor kin jingon jo nyahan cem tug hon jide niba ningon com Noti leu binhyepo jiyok jingon mem Noni bibor bikum eisi bu tug hon nisindemti di kwei leu Allah Ninnei.

ROMA 15:13 ပူးပေါင်းရင်းမြစ်များ

ROMA 12:12

Ma jiba jingon di llei bibor biyok jingon mem Tuhan lene ma jingon nddong tut mun di cut igkep je bijita jibou ei naditi cem.

KORINTUS GI NICAN 9:8

Allah sindem mem gima yai mun di jisuar nya dor tunggwei bije leu binhyepo jima bibikwop mun di jisuar nya. Lene jikwas nikenti di dor tunggwei leu leu binhyepo jibingondut yam kikau nok.

ROMA 14:17

Lewo Allah ninyeng tak kepti ket ei njita di igyem kin ndia ngei di idut bi. Noro coi ei nibit Allah ningon kanti kin ningon jo nyahanti kin ningon llei biborti ba, mun dini yok hagom ntun Allah Ninnei him.

GALATIA 5:22

Noro tungwatu nya di ibit leu Allah Ninnei nibie tut yokti lene ingat ningat di kei di ntun yoni him tug hon gi yoni ingon ngakei yam cem ingon llei bibor cem ingon jo nyahan cem ingon nddong cem ingon nggriu sut yam cem ingon singat tut yam cem ingon gom cem,

ROMA 15:5

Handei kon ma Allah di bindei ba, joom jingon bibiwin jingon sindem tut je leu binhyepo jahagom jinok gom bijingon kwes kin yam bit leu nok bindo di Kristus Yesus ndo binye.

YOHANES 14:1

Yesus pai biyok “Ma jingon buhun bijingon bos-bos nyen au. Ma jiba jingon com Allah lene jiba jingon com Dani cem.

YOHANES 14:27

Diyai ningon di jo nyahan bije. Ningon di jo nyahan dima ne Ditde rin ba, dikwas ndrim hi tut je. Ningon di jo nyahan di diyai bije noyam kin ningon di jo nyahan di tungwatu dihyeisi dini igyai bije bi. Ma jingon bos-bos nyen ba, jingon digit cem au.

YESAYA 55:12

Mijiyai nillei tirigi jehei leu minu Babel. Ngkiai nya miba ingon di kwes kin je behei sut je. Mbigdip nya kin nungug tou nya migyai nillei ba, biei susti nya ittem inda.

PETRUS GI NIGOM 1:8

Mbro nok gino jingat Noni bou jiyai him kwei bipek ammani kep bigyo lo, jingon ngakei Noni. Mbro nok gino jingat Noni bou jiyai him mem nijam dini bi lo, jingon jo kep Noni. Gima rino jingon llei lewo jingon nggei-hi-nngei bibor ba, bit bon jipai sut ei juhui him bi.

IBRANI 6:11

Nijoi sut bipia bikwop jeni jahagom jibrim jingkek kikau ug bipek njap ningwig honti leu binhyepo mun di jiyok jingon mem nya hagom mipek kep mem je.

TIMOTIUS GI NIGOM 1:1

Srat dini leu da di Paulus ba, diyai dinyeng nok no di ya kui Yesus tug hon Allah di teu nye leu sisar biyai niyaijo nijep binye nicuk dati kin Kristus Yesus di iba ingon com nicuk dati.

EFESUS 1:2

Handei kon ba, Icig Allah kin Tuhan Yesus Kristus isingat tut je ba, ibiyai jingon jo nyahan.

YOEL 3:16

tuhan ba niyau-yau nyenti bikwei leu Nide mbigdip di Sion. Nihyet di tibim kwei leu minu ndig Yerusalem noyam kin kru di nisu bong bibindei ba, dihyeisi kin mpia-bbed him ugwa-kwei. Noro Noni miya hacan mem Nide limwa nya biya srak ko hagau mben Israel.

TESALONIKA GI NIGOM 1:5

Lewo nihwou sut Nihyet Di Kei ei jikieti tug hon nihyet di tibim leu nuhui him he bi noro tug hon nisindemti kin mindur di Allah Ninnei bibon ei jikieti. Nindo tut niba ningon com Nihyet Di Keisi bije tu. Nyende niyai munti nya jo nibreisi mem je tirigi ningat rin ei jikieti ba, nibrim ningkek mem je.

YEREMIA 14:8

Nye di mben Israel niyok ningon mem Nangkom. Nangkom rino ateu nye ba, ningwes ngun leu mun di buhun bibor. Nggon rino abon Nanti nok ngkiai ei nyende minu dini i? Nggon rino anok no di mbut binggi minu ba, kwei bong bit nye mem mmun gom ngat he i?

KORINTUS GI NIGOM 2:4

Diba dihyet mmau di tug hon ningon di ki di ntun dihyeisi dini him bitri tut nihyet bije bi. Noro tug hon nisinati di ndo brei bije bipia Allah Ninnei sindem bibor.

SAMUEL GI NIGOM 1:18

Lene Hana pai binoni “Andigpoi e, nna ba didem mem mun di kei di sindi anjei bak dani.” Lene noni kes Eli ei bimbut. Tirigi noni yem njita bindei no tu lene ningon kwes hanyen.

ROMA 15:19

drek dip bindo kin mindur di sindem bibor nya kin nisindemti di kwei leu Ninnei cem dibiyai midyai. Ditri tut Nihyet Di Kei tut Kristus bidem minu tirigi dijo leu minu ndig Yerusalem bidimbut kikau ug ei hanjop Ilirikum.