ROMA 14:9 - ALLAH NIHYET MEM TUNGWATU NYA

⁹ Lewo Kristus mai leu api kiju hanyen leu nimai eisi ba, niyaijo hanyen bu leu binhyepo yo di igyaijo nya kin yo di imai su nya ipai bipia Noni ne ide Tuhan ri.

ROMA 14:9 ပူးပေါင်းရင်းမြစ်များ

MATIUS 28:18

Yesus son dideu yok bipai biyok “Dinyeng tak kep nisindemti hagom ei gwamti kin dihyeisi dini.

LUKAS 24:26

Suar jide Nibou Ndig di teu tungwatu nya biyai niyaijo nijep biyok yai ninghuisi wei nipou leu api ug krau Nide nikei-kau-keisi bi e?”

YOHANES 12:24

Dipai nijit bipia gino tungwagom ndim gandum ningan ba, mai ei dihyeiti bi lene ningan dima gom ngat he. Noro gino noni ndim ningan dima ba, dem kep nok mai ei dihyeiti lene ningat mang bibor ntun him.

KISAH 10:36

Disut bat jen, jikan tut nihyet di Allah sok bak mben Israel. Nihyet Di Kei dima bie ndam ingon di kwes kin Noni tug hon Yesus Kristus di nok Tuhan mem tungwatu yahagom.

KISAH 10:42

Lene Noni cuk nye bipia nuug tri tut Nihyet Di Kei bak tungwatu nya ba, nisimbot dat bipia Allah ndo Yesus Nongkom nok Nikei di mbus yo di igyaijo nya kin yo di imai su nya ingonti.

ROMA 10:9

Leu gino aba ahui bisimbot dat “Yesus ne Tuhan ri” leu api aba angon com bipia Allah win Yesus hanyen leu nimai eisi tu apino ayai niteu leu sisarti kin niyaijo nijep.

KORINTUS GI NICAN 5:14

Kristus ningon ngakei nyeti ninyeng tak kep niyai munti nya. Ba, nikan tut bipia tungwagom ngat mai biya luei nindigsi nya yahagom. Gini ndo bipia yahagom imai ei ide sisarti tu.

TESALONIKA GI NIGOM 4:14

Nyeni ingon jo kep bipia Yesus mai leu api kiju hanyen leu nimai eisi. Gima rino ingon jo kep bipia Allah miwin yo di ingon jo kep Yesus di imai su nya hanyen leu imai eisi leu binhyepo igyaijo kikau bit Noni.

TESALONIKA GI NIGOM 5:10

Noni mai luei nye leu binhyepo nok gino igyaisi jo e, he imai su mem nikwei hanyenti lo, yahagom igyai niyaijo nijep bigwam bit Noni kikau.

2 TIMOTIUS GI NICAN 4:1

Kristus Yesus mikwei hanyen ei dihyeisi dini leu binhyepo gwam nok nikei di mbus yo di igyaijo kin yo di imai su nya yahagom ingonti. Noni mikwei nok Nibou Ndig cem. Gima rino disok kep na ei Allah kin Kristus Yesus igyai him bipia,

IBRANI 12:2

Ma, itou kep Yesus nggilun. Noni ta niba ningon comti habiei ei ingonti binyohou nye kikau ug bipek nohonti. Ningon cut leu Nide midyai drek dip biei salib bimmai sut nimai ei biei salibti bi. Lewo Noni yok ningon mem gima yai ningon llei biborti ei nidipti bu. Nogindini Noni gwam kui Allah ninda com binok nibou ndig bit Noni.

PETRUS GI NIGOM 1:21

Noni ribindei dino jiba jingon com Allah di win Noni hanyen leu nimai eisi biyai nikei-kau-keisi biNoni. Gima rino jiba jingon com Allah bijiyok jingon mem mun di Noni preu ei mem je.

PETRUS GI NIGOM 4:5

Noro suar ibuhup tut igyai munti dima hanyen ei Allah Noho bei lewo Noni tin ei bigwam nok nikei mem yo di igyaijo kin yo di imai su nya.

NINGAT-HI-NGAT NYA 1:18

kin No di niyaijo ri. Nipou ne dimai su noro angat i! Nogindini diyaijo kikau buug hon nohonti bi. Dinyeng tak kep yo di imai su kin minu nimai nya ide.

NINGAT-HI-NGAT NYA 2:8

“Apas srat dini bak malaikati di buhup tut mbusyamei ei minu ndig Smirna. Nipas kepti dini kwei leu No di nimbie him kin nohon keti ba, No di mai su kin No di kiju hanyen leu nimai eisi.