ROMA 14:4 - ALLAH NIHYET MEM TUNGWATU NYA

⁴ Nggon rino aba ahyet biyai hiter nide awak i? Awak dima niceu nongkom kos tut bak awak dima drek dip nicutti e, he nikiju hanyenti e. Ba, awak dima mikiju biya nddong kei lewo Allah sindem mem gima bindei no dima kiju biya nddong kei.

ROMA 14:4 ပူးပေါင်းရင်းမြစ်များ

MAZMUR 17:5

Didimig diyaijoti ba, dibibit mun di ando bida lene dite leu bi sren.

MAZMUR 37:17

Lewo tuhan mipos yo di isibut nya ide nisindemti bingwig leu yok noro Noni minyohou yo di ingon sren nya.

MAZMUR 37:24

Gino no dima ndrat mpia ne kinoi bi lewo tuhan krau ninda bingkiem.

MAZMUR 37:28

Lewo tuhan ningon llei ndam niyai munti di sren kei nya. Noni mikes Nide limwa di ingon gom nya bihigom ei bi sren. Noni nyohou yok bijo ninno bijo kikau. Noro Noni mibindei timek yo di isibut ide nintun him yamti di bram yam bingwig.

YESAYA 40:29

Noni yai nisindemti bak yo di inghuisi wei lene bindei ba, yo di isindem bi nya ibrim ingkek hanyen bu.

KISAH 11:17

Gima rino jo nibreisi bipia Allah yai mun di kei bak ngkiai nya dem kep gi Noni yai binye tirigi nyeni ingon jo kep tuhan Yesus Kristus. Gima rino bit bon dibrim dingkek kep Allah bidibigen ser ningon kanti kan bi!”

ROMA 11:23

Tut mben Yahudi dima ne gino ittin ser ide sisar ba, ingon jo kep Allah hanyen bu ne Noni mingot yok kin ninjem hanyen. Lewo Noni sindem mem gima ngot yok kin ninjem hanyen.

ROMA 14:3

Harin dima no di yem njita nyeng hagom ningwes pri gau gi hi di yem njita nitu he yo a. Harin dima no di yem njita nitu he ba nihyet biyai no di yem njita nyeng hagom a. Lewo Allah joi sut no dima cem.

ROMA 16:25

Ma inggei sut Allah! Noni bon nisindemti mem gima sindem tut je leu binhyepo jiba jingon com Noni bibor. Gi dipai dini bicim tindei Nihyet Di Kei di ditri tut Yesus Kristus. Nihyet di ditri tut bicim tindei mimun nyeng gom di Allah mbot kep tut. Ingon dorti tut mimun di jo nding leu tungwatu mem nijam di mimbrek ngan dima bi.

ROMA 9:20

He disut na e, nani ne tungwatu dihyeisi dini he ri! Ma ahap aji ba, abirop Allah nihyet au! Ma dibijig hig ser nibon dibijig cig “Nggon rino abon da bou anda him nok gini i?” E bi!

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

PETRUS GI NIGOM 1:5

Mun dima yok hagom jo ei mem je lewo jingon jo kep Allah tu. Ba, Allah de nisindemti nyohou je kikau leu binhyepo jiyai niyaijo nijep di jo kikau di Noni ndo brei mem njap ningwig honti.

YUDAS 1:24

Ma nyeni yahagom inggei sut Allah di sindem mem gima nyohou je leu binhyepo jicut bi ba, sindem mem gima buwak je bitut jingon di llei lo, mun di kinei hi rap je bi kikau ug ei Nonti Noho bei.