ROMA 14:2 - ALLAH NIHYET MEM TUNGWATU NYA

² No di ba ningon com Yesus bibor yem njita kin mikwau bit leu ningon kanti. Noro gi hi di ba ningon com Yesus bibor bigyo yem kep njita nitu he yo.

ROMA 14:2 ပူးပေါင်းရင်းမြစ်များ

NITRITI 1:29

Lewo dipai tes njita di bon ningan kin ningat kin biei ngat di bon ningan cem hagom bije nok jide njita.

NITRITI 9:3

Hon kep ammani kui lene mun dima yok hagom minok jide mikwau noyam kin njita kioi di nimeng ngig-ngun di jiyem kep tu. Diyai gima yok hagom bije nok jide njita.

NIPINGOK NINGONTI 15:17

Gi kei rino ayem simeng he bit yo di ingon kwes kin yam leu gima ayem mikwau bit yo di iba nitok biyam a.

DANIEL 1:12

“Andigpoi e, ma abingon mem gima angei simeng mem niyem kin minyei mem nidut ug ei njap nitindur simnai.

DANIEL 1:16

Hon kep njap dima kui lene noni sindui sut ba, igyem njita nitu he. Suar igyem njita di nibou ndig ndo biyok bu bi.

ROMA 14:1

Ma jiya um no di Kresten di ba ningon com Yesus bibor bigyo ba, bikum je ei jide mbusyameisi. Ma jisrep noni drek dip ningon kanti nya au.

ROMA 14:14

Dinok gom kin Tuhan Yesus. Gima rino dikan tut mungkun bipia Allah nipai testi bon mun di kinei nyeng hi bi. Noro gino tungwagom ba ningon bisrip huk bipia mun nyeng hi kinei ne mun dima kinei mem noni.

ROMA 14:20

Ma jiba njita di jiyem binggek tut Allah de midyai nya au. Njita ninyeng hagom kei mem nye noro gino jiba njita di jiyem bibindei ba, hiter cut ei sisarti ne jibon mun tunggwei sut noni.

ROMA 15:1

Gino iba ingon com Tuhan bibor ne ma yoom ingon tut yo di ingon jo kep Yesus bibor bi nya bimpu yok tut mun di buhun tak yok. Ma ita ibou ei mun di bindei ba, nyenti ingon kei bibor he au.

KORINTUS GI NIGOM 10:25

Tut mikwau di tungwatu nya itri ei biyati ne ma jipek bijiyem hak ug. Nok gino jingon bei huk niti tut lo, jinggok tut gima au.

KORINTUS GI NIGOM 8:9

Mbro nok gima lo, ma jingon sok kep jenti ser leu ma jide nimig mbus gi kei leu gi kinei kanti dima bindei ba, yo di ingon nddong bi nya icut ei sisarti.

KORINTUS GI NIGOM 9:22

Tut yo di ingon nddong bi nya ne diyaijo tereu nok no di ningon nddong bi leu binhyepo dibindei ba, ikuk yok bak Kristus. Dindo diyaijoti bak tungwatu nya bit leu nok igyai munti nya leu binhyepo diba nisinati hi gom hi gom bindei ba, igyai niteu leu sisarti kin niyaijo nijep.

GALATIA 2:12

Leu nipou ne noni yem njita bit ngkiai di ingon jo kep nya noro mpe dino yo di Yakobus cuk yok kwei ikwei krau lene Petrus mbres nonti leu yo di ingon jo kep dima yok leu api yem njita bit yok bu bi. Lewo noni digit tut yo di iwit huk ngkiai nya tut gima igyai midut sunat.

TIMOTIUS GI NIGOM 4:4

Lewo mun di Allah pai tes nya hagom kei bibor kei. Harin dima ipigig ser njita ninyeng gom a. Gino ijem sigyo bak Noni tut njita hagom tu lene nnaba igyem hak ug.

TITUS 1:15

Mun nyeng hagom kwes mem yo di ingon kwes nya. Noro mem yo di ingon rom nya kin yo di ingon jo kep bi nya ne mun nyeng hi kwes bi. Lewo ikan-kan nyenti kin ingon mien nya rom-rau.

IBRANI 13:9

Ma jisindui sut ba, nihyet di nitrowai nya bindei bijisrawir au. Gi bon ninyeng rino jiyai nisindemti tug hon Allah de nisingat tut jeti lene tug hon nidimig sutti di bitut njita di mipror yon bi. Nidimig sutti dima ngat ningat di kei hi mem yo di ibit nya bi.

IBRANI 9:10

Mun dima yok hagom bindo tut mun di pror yon nok njita di igyem kin ndia ngei di idut kin nidimig sutti tut nipiap nindati kin nipiap njitati cem. Nidimig sutti dima yok hagom mbut kikau bi noro mipror yon mpe dino Allah bindei mun nyeng hagom nijep bu.