ROMA 14:14 - ALLAH NIHYET MEM TUNGWATU NYA

¹⁴ Dinok gom kin Tuhan Yesus. Gima rino dikan tut mungkun bipia Allah nipai testi bon mun di kinei nyeng hi bi. Noro gino tungwagom ba ningon bisrip huk bipia mun nyeng hi kinei ne mun dima kinei mem noni.

ROMA 14:14 ပူးပေါင်းရင်းမြစ်များ

TITUS 1:15

Mun nyeng hagom kwes mem yo di ingon kwes nya. Noro mem yo di ingon rom nya kin yo di ingon jo kep bi nya ne mun nyeng hi kwes bi. Lewo ikan-kan nyenti kin ingon mien nya rom-rau.

ROMA 14:2

No di ba ningon com Yesus bibor yem njita kin mikwau bit leu ningon kanti. Noro gi hi di ba ningon com Yesus bibor bigyo yem kep njita nitu he yo.

KORINTUS GI NIGOM 8:7

Mbro nok gima lo, yahagom ikan tut mun dini bi. Bihi ikuk yok bak kwar bit leu igyai kepti. Gima rino hon kep ammani kui gino igyem kep mikwau lene iba ingon srip huk bipia mikwau dima ne kwar de mikwau ri. Ikan bipia map kui yokti tug hon mikwau dima ba, gi mbun imig mbus gi kei leu gi kinei nya kan bi.

TIMOTIUS GI NIGOM 4:4

Lewo mun di Allah pai tes nya hagom kei bibor kei. Harin dima ipigig ser njita ninyeng gom a. Gino ijem sigyo bak Noni tut njita hagom tu lene nnaba igyem hak ug.

KORINTUS GI NIGOM 8:10

Gino na di angon nddong ayem mikwau ei ig kwar nibousi lene buhun mem na bi. Noro notou mem no di ningon nddong bi di tou kep na i? Ayai kepti dima bindei ba, noni brim ningkek biyem mikwau njiriek ningon ttinti bi e?

KISAH 10:28

Lene noni pai biyok “Jo nibreisi mem je bipia mben Yahudi ide nicukti ggai ser nye bipai bipia harin dima nuug cem kep ngkiai nya ide ig ba, nisrig ikieti cem a. Noro Allah pingok dingonti leu binhyepo dimbus nggok tungwatu nya ba, dingat bihi nok yo di nirom kuisi au.

KORINTUS GI NIGOM 10:25

Tut mikwau di tungwatu nya itri ei biyati ne ma jipek bijiyem hak ug. Nok gino jingon bei huk niti tut lo, jinggok tut gima au.

ROMA 14:23

Noro gino noni yem njita njiriek ningon di hukti tut nya ne Allah pai kep noni lewo niyai munti dima ntun him ningon jo kepti bi. Lewo mun nyeng hagom di igyai di ntun ningon jo kepti him bi bindei sisar ntun him.

ROMA 14:20

Ma jiba njita di jiyem binggek tut Allah de midyai nya au. Njita ninyeng hagom kei mem nye noro gino jiba njita di jiyem bibindei ba, hiter cut ei sisarti ne jibon mun tunggwei sut noni.

MARKUS 7:2

Yoni ingat lo, yo di igya kui Noni ipiap inda bit leu Puig Yahudi nidimig sutti leu api igyem njita bi.