ROMA 14:11 - ALLAH NIHYET MEM TUNGWATU NYA

¹¹ Allah Nihyet pai, “Tuhan Nonti preu ei mem nye bipia tungwatu dihyeisi hagom mikuk yonti ei dimig him leu api isimbot dat bipia Dangkom ne Allah ri.”

ROMA 14:11 ပူးပေါင်းရင်းမြစ်များ

MAZMUR 72:11

Nibou ndig dihyeisi dini hagom mikwei kuk yok binoni ba, ngkiai nya bidem dihyeisi dini hagom minok awak mem noni.

ROMA 10:9

Leu gino aba ahui bisimbot dat “Yesus ne Tuhan ri” leu api aba angon com bipia Allah win Yesus hanyen leu nimai eisi tu apino ayai niteu leu sisarti kin niyaijo nijep.

YESAYA 49:18

Ma amian ttai na ba, angig ayai kep mun di sindi pek kep mem na. Ade limwa nya imbus yam ei su ba, sindi induk yam kwei bittau kep na. Da di Allah Di Niyaijo dipai tug hon dinyenga bipia ningat ne ma anggei sut ade limwa nya dem kep nok sop di nggei sut mimau di ibimau noni tirigi wak nijjep.

YOHANES GI NIGOM 4:15

No di pai jit bipia Yesus ne Allah Nipmot rin lene Allah niyaijo nok gom kin noni ba, noni cem niyaijo nok gom kin Allah.

ROMA 15:9

Yesus bindei ngkiai nya inggei sut Allah drek dip ningon di nggriu sut yokti cem. Allah Nihyet pai, “Gima rino midipai sigyo biNa ei ngkiai nya ikieti bidiba doia bikon anyenga.”

MATIUS 10:32

“Bikwop no di tri tut brei bipia noni tti kin Da lene Dani cem miditri tut brei bipia ditti kin noni ei Dicig Noho bei ei gwamti.

MBEN ISRAEL IMBUT-MBUT NYEN 14:21

Noro dipai tug hon neheng bit leu nok diyaijo bijo ninno bijo kikau ba, bit leu nok dingat rin bidem ei dihyei nisurti-nipekti cem bipia,

NINGAT-HI-NGAT NYA 5:14

Leu api mindhe nya ningut bitai ibuhup “Igbit ri!” Leu api nibou nya ikuk yok bak binggei sut.

YOHANES GI NICAN 1:7

Niris kep mun cig nya imang bibor ikieng kep dihyeisi bisrig tungwatu nyati. Itri tut bipia tirigi Yesus Kristus kwei ei dihyeisi dini ne Noni tungwatu nijit bi. No dima ne niris kep mun cig kin No Di Ba Nitok Bak Kristus cem ri.

ZEFANYA 2:9

Da di tuhan diyaijo ba, dinyohou minu Israel de limwa nya. Gima rino midicok tut mben Moab kin Amon nya nipwoi leu ide minu noyam kin gi dicok tut minu ndig Sodom kin Gomora nya. Minu dima yok mimpung tut jui nsim bousi kin mpia ninggek sinsiousi di war nggig-nggwen com niti he nya. Ditde limwa niken-ken di ingwes ngun nya micut igkep timiei minu dima bipos ndigban leu yok bigyai dihyei di ide nya bigyati.”

YEHEZKIEL 5:11

Dani ne Allah di niyaijo kin tuhan Di Ninyeng Jei Bibor cem rin ba, ditri tut bipia midikes hukum ei na dip. Dikos ser ade sisar bi. Lewo abindei ba, map kui Ditde Ig tug hon ayai munti di kinei bibor nya di bindei ba, diyai ttin ningat tu.

MBEN ISRAEL IMBUT-MBUT NYEN 14:28

Disok dihyet ei na dip bak yo dima nok gini. Dipai tug hon neheng bit leu nok diyaijo ninno bijo kikau bipia midibirop ighyet bit leu nok yahara Dati tu. Dani ne tuhan rin ba, disimbot dat tu.

YEREMIA 22:24

tuhan pai bak Nibou Ndig Yoyakhin di Yoyakim nipmot di nok nibou ndig mem minu Yehuda “Dipai bina tug hon Da di Allah di niyaijo dinyeng bipia mbro nok gino adem kep srak mas nibitak buk di jo dinda comti lo, midijuk na leu dinda,