ROMA 14:1 - ALLAH NIHYET MEM TUNGWATU NYA

¹ Ma jiya um no di Kresten di ba ningon com Yesus bibor bigyo ba, bikum je ei jide mbusyameisi. Ma jisrep noni drek dip ningon kanti nya au.

ROMA 14:1 ပူးပေါင်းရင်းမြစ်များ

AYUB 4:3

Na di Ayub angginau tungwatu nya imang bibor ba, asindem tut yo di inghuisi jet nya tu.

YESAYA 40:11

Noni minyohou Nide domba nya dem kep nok no di gembala bibie tut yok. Noni mikon domba mien nya bibong ei ninda kroisi lene ba ningon di nggriu-nggrop bijem niwek di ibep nya.

YESAYA 42:3

Noni midahat bika di nggom bimu mini di njeng kinei bi noro mita nibou eisi bibou ningon sren-srausi mitak kep tungwatu nya yahagom ug e.

YEHEZKIEL 34:16

Midinggok ser gi hi di imbut ariwace. Dingot kep gi hi di ibok bidiyai obat bak gi hi di inggwen cem. Noro midibui gi hi di immau ndok kin imbut sindem hagom ba, imai bingwig lewo Dani ne gembala di nijoi bibor ri.

YEHEZKIEL 34:4

Jittei gi hi di inghuisi jet ei jinggibi dip bi. Jiyai obat bak gi hi di inggwen bi. Jingot kep gi hi di imig bok bi. Jinyohou jem gi hi di imbut ariwace bi. Jinggok ser gi hi di israwir cem bi. Noro jimbuk tut domba dima yok.

ZAKHARIA 11:16

Lewo dibindei ba, adem kep nok gembala di kinei. Angat i! Ditin ei mem dita gembala gom ei minu dini. Noni miba nikou yai domba di srawir nya buug teu domba di ipror nya bingwes ngun bi lene biyai obat bak domba di ibok nya bi. Noni miyai njita bak domba nya bigyem bindei yok bi. Noro noni miyem domba di nimmau ndok bibor nya inghui bitiba mindhe dima yok injou leu yok.

MATIUS 12:20

Noni midahat pika di koi ba, mu mini njeng di kinei bi noro mita nibou eisi bibou ningon srenti mikieng kep tungwatu nya yahagom ug e.

MATIUS 14:31

Yesus su ninda biteu noni leu lene pai “Petrus e, aba angon com Da haigtu bi e? Ahig angon tut Da leu binggon i?”

MATIUS 18:10

“Ma jingon sok kep jenti ser nhyema jingwes pri gau munggwom mien dini hi au. Lewo jiyok ngon kep bipia ide malaikati nya igya hacan mem yok ei Dicig Noho bei ei gwamti bijo ninno. [

MARKUS 7:19

Lewo mun dima coi ug ei ningonti bi noro coi ug ei ninghopti ba, jei bi lene oi sut hanyen.” Tug hon nipaisi dima lene Yesus sindui sut tungwatu nya igyem kep njita kin mikwau hagom apino map kui yokti drek dip bi.

LUKAS 17:2

Nnaba tungwatu nya ikim tig mma nindig bibor ba, ibisrou no dima nikimam binjei sut ug ei muk jou leu gima noni bindei ba, munggwom mien dini hi bon sisar a.

YOHANES 13:20

Dipai nijit bije bipia no di ya um no di Dani dipinak ya um Dani cem. No di ya um Dani ya um No di cuk Da kwei cem.”

KISAH 28:2

Yo dima ingondut nye nindig bibor. Igya um nye ba, isingat tut nye cem. Indig hum bindei nye lewo mpia but ba, nidigok.

ROMA 11:15

Lewo Allah kou sut Nide limwa nya lene gima bon nikwesti mem ngkiai nya igyai ingon di kwes kin Noni hanyen. Gino Noni joi sut Nide limwa nya hanyen bu ne jo nibreisi bipia gima midem kep nok nimai nya di ikiju hanyen leu imai eisi!

ROMA 14:2

No di ba ningon com Yesus bibor yem njita kin mikwau bit leu ningon kanti. Noro gi hi di ba ningon com Yesus bibor bigyo yem kep njita nitu he yo.

ROMA 14:21

Gi kei mem jimbres jenti leu mikwau di jiyem kin ba anggur ningei di jidut kin jiyai munti nindigsi nya di bindei dino jisut no di ningon jo kep cut ei sisarti.

ROMA 14:3

Harin dima no di yem njita nyeng hagom ningwes pri gau gi hi di yem njita nitu he yo a. Harin dima no di yem njita nitu he ba nihyet biyai no di yem njita nyeng hagom a. Lewo Allah joi sut no dima cem.

ROMA 15:1

Gino iba ingon com Tuhan bibor ne ma yoom ingon tut yo di ingon jo kep Yesus bibor bi nya bimpu yok tut mun di buhun tak yok. Ma ita ibou ei mun di bindei ba, nyenti ingon kei bibor he au.

ROMA 15:7

Gima rino suar jiba jingon gom biya um yam bit leu nok gi Kristus ya um je. Tug hon nisinati dima ne tungwatu inggei sut Allah.

ROMA 4:19

Mbro nok gino Abraham kan tut bipia niyati nddong ba, nide njap ug ei dideu ari bingwam sratus gom tu ba, bit bon nitnem Sara srek tut nimunggwom hi bu kan bi lo, noni ba ningon gom bicom Allah.

KORINTUS GI NIGOM 9:22

Tut yo di ingon nddong bi nya ne diyaijo tereu nok no di ningon nddong bi leu binhyepo dibindei ba, ikuk yok bak Kristus. Dindo diyaijoti bak tungwatu nya bit leu nok igyai munti nya leu binhyepo diba nisinati hi gom hi gom bindei ba, igyai niteu leu sisarti kin niyaijo nijep.

FILIPI 2:29

Ma jiba jingon di llei biya um noni noyam kin jikindig ei Kristusti. Ma jikon yo di igyai bram Epafroditus niyai kepti nya yahagom inyeng,

TESALONIKA GI NIGOM 5:14

Disut bat jen, nitigtai je leu binhyepo jiba jingon di kwes bisok kep yo di inghen nya ba, jibiwin kep yo di ingwes mien ingonti. Ma jimpu yo di isindem bi nya ba, jingon jo nyahan tut yahagom.

IBRANI 5:14

Noro yo di imahan tu igyem kep mikwau lewo ibingon ei dip nok gi dem ba, ingon ki tut mun di kei kin mun di kinei niter leu yamti.

YOHANES GI NICAN 1:10

Gima rino gino no di krau kep Kristus nipingok nyeti bi kwei cem kep je lene ma jicigit noni kui ig bijipigo noni au.