ROMA 13:8 - ALLAH NIHYET MEM TUNGWATU NYA

⁸ Ma jibon ningwam biyam au. Noro tut ningwam ‘ningon ngakei yamti’ ne ma jibon biyam. Lewo bikwop no di ningon ngakei hi ter ne gima noyam kin nibit leu nok Puig Yahudi niggai serti ri.

ROMA 13:8 ပူးပေါင်းရင်းမြစ်များ

MATIUS 7:12

Ma jibibon yo di hiter bit leu nok gi jijoi sut ibibon hanyen bije. Gima ne Allah niggai serti di tug hon Musa kin nabi nya ighyet ri.”

YOHANES 13:34

Diyai nicukti di nijep bu bije. Ma jingon ngakei yam. Bit leu nok gi dingon ngakei jeni lene ma jingon ngakei yam.

ROMA 13:10

No di ningon ngakei hi ter mimbuk tut no dima hanyen bi sren. Gima rino ningon ngakei tungwatu nyati noyam kin nibit Puig Yahudi niggai serti.

ROMA 13:7

Gima rino ma jirop ningwam di jibon biyok. Gino idahat je tut belasten ninyeng hi gom hi gom ne ma jigo belasten biyok. Ma joom jenti mem yo di inyeng jei nya bijikon inyenga.

GALATIA 5:14

Gini ne nirop ninda ndigsi tut ri. Puig Yahudi niggai serti titut yam coi ei nicukti gom ngat di pai binye “Ma jingon ngakei hiter bit leu nok jingon ngakei jenti.”

KOLOSE 3:14

Mun di bon ninyeng rino suar jingon ngakei yam lewo ningon ngakei yamti dima rino ngot jahagom kin yam leu binhyepo jibicim tindei yam nok gom.

TIMOTIUS GI NIGOM 1:5

Disok dihyet bina leu binhyepo abindei mbut ningon ngakei yamti tug hon ningon di kwes kin Allahti kin ningon mien di pai kep nyeti bi kin niba ningon com Kristus mungkunti.

YAKOBUS 2:8

Gino jiba ningon di gom bibit niggai serti di ntun Allah Ninyeng Tak Kepti him gi ipas ei gi preu nitimieiti “Ma angon ngakei hiter bit leu nok angon ngakei nanti” pima lene gima igbit ri.

YOHANES GI NIGOM 3:10

Allah nimunggwom bat nya kin Bilis nimunggwom bat nya ibon munti niter leu yamti di jo nibreisi. No di yai igbit Allah ningon kanti bi ba, ningon ngakei nisut cem bi ne Allah nimunggwom rin bi.