ROMA 13:7 - ALLAH NIHYET MEM TUNGWATU NYA

⁷ Gima rino ma jirop ningwam di jibon biyok. Gino idahat je tut belasten ninyeng hi gom hi gom ne ma jigo belasten biyok. Ma joom jenti mem yo di inyeng jei nya bijikon inyenga.

ROMA 13:7 ပူးပေါင်းရင်းမြစ်များ

NIBOU NDIG NYA GI NIGOM 3:17

Lene sop gom pai bak “Andigpoi e, dani kin disut dini nahacem nibong ser ig gom. Mpe di gom tirigi noni ningat rin bit da ei ig bei lene disrek tut dipmot.

NEHEI LEUSI 20:12

Ma jibou cut bak jicig bat-jipmem bat nya bijibit ighyet. Leu binhyepo mijibong kei mijigwam kei mem nijam di jei ei minu di dindo ei mem je tu.

NIPINGOK NINGONTI 24:21

Dimunggwom na e, ma attin tut tuhan ba, abou cut bak nibou ndig. Ma aba na bikum yo di yaham imbuk kep yok au.

NIPINGOK NINGONTI 3:27

Gino ade nisindemti dem mem gima abibon nindigsi nya nok gi kei drek dip ide mun di isuar nya lene ma arok nituti dima ei au.

IMAM NYA IDE MIDYAI 19:3

Suar jeni bikwop tungwagom-gom kuk no bak nicig bat nipmem bat nya bibit ighyet. Suar jikes tut Njap Nigwam Kep Ninghuisi ei mem Da bit leu nok dicuk jeti tu. Dani ne tuhan bidinok jide Allah ri.

IMAM NYA IDE MIDYAI 19:32

Suar jibou cut bak andigpoi nya bijikon inyenga. Suar jikuk je biDa ba, jingon digit tut Da lewo Dani ne tuhan bidinok jide Allah ri.

MATIUS 17:25

Lene Petrus buhup “I, go gau Nonti.” Tirigi Petrus ngkwei buug ei ig bei lene Yesus hig singgre noni bibie “Simon e, apai igbit angon kanti tut gini ug e. Tou nya rigo belasten gau yonti bak nibou ndig dihyeisi dini yok i? Timiei nya e, he ngkiai nya e?”

MATIUS 22:21

Yoni ibuhup “Kaisar.” Gima rino Noni pai biyok “Gi nok lene ma jikwas mun di Kaisar nyeng tut nya hanyen igbit tut Kaisar lene ma jikwas mun di Allah nyeng tut nya hanyen tut Allah.”

MARKUS 12:17

Gima rino Noni pai biyok “Gi nok lene ma jikwas mun di Kaisar nyeng tut nya hanyen igbit bak Kaisar lene jikwas mun di Allah nyeng tut nya hanyen bak Allah.” Yoni inggap leu tut nibuhupti dima.

LUKAS 20:22

Gino nigo belasten bak nibou Kaisar Roma gau nyenti lene niyaisi dima tunggwei sut Puig Yahudi nidimig sutti e?”

LUKAS 20:25

Gima rino Noni pai biyok “Gi nok lene ma jikwas mun di Kaisar nyeng tut nya hanyen igbit bak noni lene ma jikwas mun di Allah nyeng tut nya hanyen bak Allah.”

LUKAS 23:2

Ikkin kep Yesus ninghapti ei sirima bipai “Nittau kep No dini tirigi Noni kes ningon bak ade limwa nya. Noni pai ser tungwatu nya bipia ma igo belasten bak Kaisar au noro jem Nonti ninyeng bipia Nibou Ndig di teu tungwatu nya biyai niyaijo nijep biyok.”

ROMA 12:10

Ma jiba jingon di gom bingon ngakei yam bit leu nok yo di ikinjoi bat yam ei Kristusti. Ma jiba jibou coi mem yam bijinggei sut yam cem.

ROMA 13:6

Gima cem ma jigo belasten bak nibou nya lewo yoni ne Allah de awak di igyai kep ide midyai nya ri.

EFESUS 5:33

Noro nipas kepti dini bitut jeni cem. Ma bikwop pinai ningon ngakei nitnem bit leu nok ningon ngakei nonti njem. Lene ma bikwop sop kon nijjep ninyeng a.

EFESUS 6:5

Awak jen! Ma jibit jiceu bat dihyeisi dini nya ide nicukti nya. Ma jikon inyeng bijingon gom tut yok tereu nok gi jingon gom tut Kristus.

TIMOTIUS GI NIGOM 5:13

Tut gima cem inda jo kep ide midyai nya bi. Noro ihwou ningnai cem isuglai biyam cem ikwek dat mun nyeng hi cem isimbot kep biyam tut mun di igbit bi cem.

TIMOTIUS GI NIGOM 5:17

Tut nibou di ibie tut ide mbusyamei mungkun kei lene ma jibirop imuhup hanyen biyok mbican bram yam. Gini bon ninyeng mem yo di ita ibou ei nitri nihyetti kin ningginau tungwatu nyati.

TIMOTIUS GI NIGOM 6:1

Suar awak di ingon jo kep nya ibou cut bak iceu bat nya bikon inyenga leu binhyepo ibindei ba, Allah ninyeng kin side niba ningon com Kristusti di sitri tut kinei bi.

PETRUS GI NIGOM 3:7

Nok gima cem je di pinai nya e, ma jiba jingon bisrip huk bipia jitnem bat nya ne pung di isindem bi nya ri. Ma jibibon yok nok gi igbit lewo jeni kin yoni mijiyai niyaijo nijep di jo kikau tug hon Allah nisingat tut jeti. Ma jibit dicukti dini leu binhyepo tirigi jingat nadi lene mun nyeng hi sigi ser jingonti bi.

SAMUEL GI NIGOM 12:18

Gima rino Samuel ngat nadi lene tuhan bindei ba, kru cut lene mpia but mem njap dima. Apino yo dima yahagom ittin tut tuhan kin Samuel cem.