ROMA 13:11 - ALLAH NIHYET MEM TUNGWATU NYA

¹¹ Bitut gi pima hagom ne jikan tut bipia tto bou dem mem jida jiyaia. Leu gino ibinai sut njap di sindi ingon jo kep Yesus ei nimbie him kin njap dino Allah miteu nye leu dihyeisi dini ne Allah De njap dideu su.

ROMA 13:11 ပူးပေါင်းရင်းမြစ်များ

NIBA NINGON SRIP HUKTI 9:10

Ma ata abou ei ade midyai nyati sri lewo tungwatu nya igyai midyai cem ikan-kan nyen cem ingon dor niti cem ingon ki cem ei minu nimai nya ide bu bi. Ba, mporo ador ug ei sirima.

YUNUS 1:6

Leu api kiten kibar juk ba, ngat Yunus biwin bipai “Nggon rino abong mai nok i? Akiju ba, ahara ade kwar di akuk na bak leu binhyepo noni mpu nye leu gi misar a.”

MATIUS 16:3

Ba, gino jingat nggrau kin mpia nghek mem njap bigyoti lene jipai biyam bipia njap di ammani mpia but ri. Tirigi jitou kep mpia-bbed him lene jikan tut nindo-bindoti noro jikan tut bindo kin mun di pek kep mem nijam dini nibindo-bindoti bi!”]

LUKAS 21:28

Tirigi jingat mun dini yok hagom sindi cut igkep je lene ma jikiju ba, jikon jibou bijitou kep ginyo kug lewo tto bou dem mem Allah niteu jeti dideu su.”

KORINTUS GI NIGOM 10:11

Mun di cut igkep yo dima hagom ndo bindo bak yo di hiter. Ba, tungwatu nya ipas kep hagom nok nihyet di bisok kep nye. Lewo nyeni igyaijo mem nijam di son dideu njap ningwig honti.

KORINTUS GI NIGOM 15:34

Joom jingon ba, ma jibon kep sisar bu au. Ma jimmai sut jenti lewo ibou poi di isrig jikieti ingon kwes kin Allah bi.

EFESUS 5:14

Lewo mun hagom di tungwatu nya ingat biput kei dima ne nipigati ngat ri. Gima rino tungwatu nya itri tut a He na di abong mai e, ma ada ayai ba, akiju leu nimai eisi! Kristus ninjeng mipiga digai na ri!

YAKOBUS 5:8

Ma jeni cem jibet jingon ba, jingon nddong cem lewo Tuhan nikwei hanyenti dideu su.

PETRUS GI NIGOM 4:7

Son dideu njap ningwig honti tu. Gima rino ma joom kep jingonti ba, jiyai ngkiem cem leu binhyepo bon nituti mem gima jingat nadi.

PETRUS GI NICAN 3:11

Gino mun dima yok hagom misar bitimek bingwig tug hon nisinati dima ne notou mem je di jiyaijo mem nijam dini i? Suar jiyaijo mem Allah kin jingon di kwes ba, jikuk je bijinok awak mem Allah cem,

PETRUS GI NICAN 3:9

Mbro nok gino tungwatu nya ikan bipia Tuhan binyen tut mun di Noni preu ei mem nye biyai binye bi lo, Noni om ningon tut je lewo joi sut tungwatu nya isar bi. Noni joi sut yahagom ittin ser ide sisar bikiek ndam Allah.

YOHANES GI NIGOM 2:18

Dimunggwom bat jen, nijam dini son dideu njap ningwig honti tu! Jimiap tut No Di Ba Nitok Bak Kristus ninghapti tu. Noni mittau kep nye lo, yo di iba nitok bak Kristus imang bibor ittau kwei su. Gima rino ikan tut bipia nijam dini son dideu njap ningwig honti tu.

NINGAT-HI-NGAT NYA 1:3

Bikwop no di kwop srat dini ei nuhui him kin yo di imiap tut mun di mipek kep ei nidipti bibit mun di joti nya ingon nggei-hi-nggei. Lewo tto bou tirigi mun dini yok hagom mipek kep mem nye dideu su.

NINGAT-HI-NGAT NYA 22:10

Lene noni sok kep da “Ma aku mimun tut nihyet di jo ei srat bokti dini au. Lewo son dideu tto bou dima hagom pek kep mem nye tu.

NINGAT-HI-NGAT NYA 22:12

Yesus pai “Jimiap e, jei bi lene midihwou hanyen! Midihwou sut Ditde munkwas ba, dibirop hanyen bak tungwagom-gom bit leu igyai munti nya.

NINGAT-HI-NGAT NYA 22:20

No di tri tut nihyet di jo ei srat diniti pai “Igbit ri! Jei bi lene midihwou hanyen!” Igbit ri! Tuhan Yesus e, ma akwei!