ROMA 12:9 - ALLAH NIHYET MEM TUNGWATU NYA

⁹ Ma jiba jingon di gom bingon ngakei tungwatu nya. Ma jingon mpo tut mun di kinei leu ba, jikrau kep mun di kei.

ROMA 12:9 ပူးပေါင်းရင်းမြစ်များ

MAZMUR 101:3

Midiba diyai ngat mun di kinei bi sren. Dingon mpo tut yo di ingkwei kep inghim dip hanyen ide nibon munti nya. Dikou sut gima ide mun di kinei rap dani cem a.

MAZMUR 119:104

Ade niggai serti nya bindei bidingon ki. Gima rino dingon mpo tut nibon mun hacicanti.

MAZMUR 119:163

Dingon sibui sut niris mun cig nya yahagom noro dingon ngakei Ade nikos tutti nya.

MAZMUR 34:14

ma noni pijuk nidwep ser nhyema pai tungwatu nya kinei biris mun au.

MAZMUR 36:4

Nihyet di simbot kep nya kinei bibor bimpung tut niris munti cem. Leu ba, nibon mun di keisi nya gibon ninyeng mem noni bi.

MAZMUR 45:7

Allah yai nisindemti bina mem gima anyeng tak kep limwa nya. Ade nisindemti jo ngkiem bijo ninno bijo kikau. Aba angon srenti binyeng tak kep ade limwa nya.

MAZMUR 55:21

Disut timiei pima kiju kep nisut bat nya bihwen yok. Nonti bikep ser nipreu eisi nya tu.

MAZMUR 97:10

Je di jingon ngakei tuhan e, suar jingon mpo tut mun di kinei nya! Lewo tuhan cuon Nide limwa nya igyaisi bikwek yok leu yo di itunggwei tuhan nihyet inda nsi.

NIPINGOK NINGONTI 26:25

Mbro nok gino no dima hig nisut bit na lo, ma aba angon com noni au. Lewo nigga biborti mpung ei ningonti tu.

NIPINGOK NINGONTI 8:13

Nikon tuhan ninyengti noyam kin ningon mpo tut mun di kinei. Dingon mpo tut yo di ingon jei nya kin yo di illei-lau sut yonti kin yo di igyai kep mun di sibut kin yo di iris mun igkei yahagom.

YEHEZKIEL 33:31

Induk yam bingwig ttai na ba, intu kep ahyet noro ibit acuk yokti nya bi. Iba ighyet di mmau bibuhup ahyet noro idrui bou ngwak ba, ikan-kan nyen tut mun di kei mem yonti he idrui bou ngwak kikau.

AMOS 5:15

Suar jingon mpo tut mun di mbuk bibor bijingon ngakei mun di kei bibor. Suar jahati tut nikei nikos tutti di sren kei nya. Mpaba tuhan mingondut mben Israel nindigsi di imai bigyo drek dip jiyai munti dima e?

MATIUS 26:49

Yudas kwei krau mpia ttou nsi dima lene bisau ndam Yesus bipigo “Guru e, acem!” Lene noni mei Yesus ningyoia.

YOHANES 12:6

Noni pai nok drek dip gi ngondut nuhui mbum nya bi noro drek dip gi noni nok ninggimang kep mun cig ri. Noni krau mitiei bousi di yo di igya kui Yesus ide ba, ninda ngwa-ngwa wai kep.

KISAH 11:23

Tirigi noni kwei krau bingat lo, Allah singat tut yok lene ningon llei bibor. Lene noni pingok yo dima ingonti leu binhyepo iba ingon titut yam bingon gom tut Tuhan.

KORINTUS GI NICAN 6:6

Nindo nyenti nok Allah de awak di kei nya tug hon ningon gom kin ningon ki kin ningon di jo nyahan kin nisingat tut tungwatu nyati hagom ba, tug hon nisindemti leu Allah Ninnei kin niba ningon di gom bingon ngakei tungwatu nya.

KORINTUS GI NICAN 8:8

Gi dipai dini ne nicukti rin bi. Noro yo di hiter ita ibou ei ningondut yamti. Gima rino diba ide ningondut yamti binai jide ningondut yamti.

TESALONIKA GI NIGOM 2:3

Tirigi nitri tut Nihyet Di Kei bije lene ningon kiowi eisi ba, ningon can biniris bak tungwatu nya bi.

TESALONIKA GI NIGOM 5:15

Ma hi ba nimbuk birop hanyen bak no di yai mun tunggwei sut noni au. Noro ma jita jibou ei gi jiba jingon di kwes birop hanyen biyam ba, birop hanyen bak tungwatu nya yahagom cem.

TESALONIKA GI NIGOM 5:21

Ma jibinai sut nihyet hagom bijibit gi hi di kei nya.

TIMOTIUS GI NIGOM 1:5

Disok dihyet bina leu binhyepo abindei mbut ningon ngakei yamti tug hon ningon di kwes kin Allahti kin ningon mien di pai kep nyeti bi kin niba ningon com Kristus mungkunti.

IBRANI 1:9

Angat angwes ei yo di ingon sren nyati noro angon mpo tut yo di isibut nya. Gima rino Tuhan di nok Ade Allah dimig Na leu binhyepo bindei ba, ayai ningon llei biborti tug hon anyeng di jei dor njiriek asut bat nya.”

IBRANI 12:14

Ma jita jibou ei ningon kwes kin tungwatu yahagomti kin jide niyaijo kwes-kwausi kin Tuhanti. Leu gino tungwatu nya ikwes-kwau bi ne bit bon ingat Tuhan bou igyai him kan bi.

YAKOBUS 3:17

Noro ningon kiti di srek kwei leu gwamti bindei ba, ingon kwes-kwau bibie leu api ingon jo nyahan cem ingon nggriu cem ingon ngakei tungwatu nya cem ba, ningat di kei ntun nyeni him lene nok kikau. Nimig mbus tungwatu nyati kin ningon canti ntun him bi.

PETRUS GI NIGOM 1:22

Jibit Nihyet Di Kei nicuk jeti tu. Gima rino Allah kos ser jide sisar bijingon kwes tu. Jiba ningon di gom bingon ngakei jisut bat yo di ingon jo kep nya. Ma jiba jingon titut yam bikum ei jide ningon ngakei yamti.

PETRUS GI NIGOM 4:8

Gi bon ninyeng dor njiriek nindigsi nya rino nicukti di bidip huk je leu binhyepo jingon ngakei yam mungkun kei. Lewo ningon ngakei yamti dima mibindei ba, jikos ser sisar di jibon biyam.