ROMA 12:8 - ALLAH NIHYET MEM TUNGWATU NYA

⁸ Suar no di yai nisindemti mem gima biwin kep yo di hiter ingonti biwin kep ingonti hak ug. Suar no di yai nisindemti mem gima kwas mun di ma nya tut hiter ngondut yok bikwas mun di ma nya tut yok. Suar no di yai nisindemti mem gima bie tut tungwatu nya ta nibou ei nibie tut yokti. Suar no di yai nisindemti mem gima ngondut hiter ba ningon di llei bingondut yok.

ROMA 12:8 ပူးပေါင်းရင်းမြစ်များ

NITRITI 18:19

Sidimig noni leu binhyepo noni micuk nimunggwom bat nya kin nide nintun him yamti di bram yam nya leu binhyepo ibit sihyet ba, igyai mun di igbit cem ingon sren cem. Gino igyai gima hagom nok lene misiyai bit leu nok gi sipreu ei mem noniti pima ri.”

MAZMUR 112:9

Noni kwas mun di nyeng tut nya tut hiter bikwas mun tut yo di yuhui mbum cem ba, niyai munti nya hagom kei kikau. Gima rino ninyeng jei ba, tungwatu nya ikon ninyeng cem.

MAZMUR 37:21

No di sibut dahat ndiyok leu tungwatu nya lene rop ningwam hanyen bi. Noro no di ningon sren ba ningondut yokti bikwas mun tut tungwatu nya.

NIPINGOK NINGONTI 22:9

tuhan njei ningat di kei bak no di ngondut hiter drek dip gi po kwas nide ningat di kei tut no di nimati dem bi pima.

NIBA NINGON SRIP HUKTI 11:6

Ma jindim ningan mem njap bigyoti lene ma jikes hon mem mmunti au. Lewo bit bon ikan bidem tut gi hi di nnum kei kin gi hi di ngoi-nga kan bi. Mpaba hacem hei kin gi gohou kei.

NIBA NINGON SRIP HUKTI 9:10

Ma ata abou ei ade midyai nyati sri lewo tungwatu nya igyai midyai cem ikan-kan nyen cem ingon dor niti cem ingon ki cem ei minu nimai nya ide bu bi. Ba, mporo ador ug ei sirima.

YESAYA 32:5

Tungwatu nya minggei sut no di ningkek ndok ba, igisimbot dat bipia niris kep mun cig ningon kwes bu bi.

YESAYA 32:8

Noro no di singat kei ningon gom lene ba ningon bisrip huk mun di singat kei ba, niyai munti nya cem singat kei.

YESAYA 64:5

Aya um yo di ingon sren kin yo di igyaijo bit leu angon kanti nya. Mbro nok gino angon sibui sut nye lo, nibon kep sisar ba, niyai mun tunggwei habiei kwei bipek ammani kep.

MATIUS 25:40

Nibou Ndig mibuhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok lene gima dem kep nok jingondut Dani!’

KISAH 11:23

Tirigi noni kwei krau bingat lo, Allah singat tut yok lene ningon llei bibor. Lene noni pingok yo dima ingonti leu binhyepo iba ingon titut yam bingon gom tut Tuhan.

KISAH 13:12

Tirigi nibou mios dima ngat mun di cut igkep Elimas bou niyai him lene ningon jo kep Yesus lewo nggap leu tut Tuhan ningginausi nindig bibor.

KISAH 13:15

Niabiati nibou mbusyamei gom kwop ayat leu Puig Yahudi nicukti nya kin srat nabi nya ide cem tu lene nibou nya icuk hi bihig ser Paulus nya bipai “Nisut bat jen, gino jikwei sut nihyet di biwin kep tungwatu ingonti lene ma jitri tut nihyet dima binye hak ug.”

KISAH 15:32

Yudas Silas nya ne nabi rin ba, yuhuk ighyet bibiwin kep yo di ingon jo kep nya ei minu ndig Antiokhia ingonti bibindei ba, yo dima igyai ningon di ngkiem kin nisindemti cem.

KISAH 20:2

Noni ya bidem minu dima hagom bipingok yo di ingon jo kep Yesus ingonti bibiwin kep ingonti cem. Lene noni kwei ei hanjop Akhaya.

KISAH 20:28

Ma jinyohou jenti kin jide domba nya di Allah Ninnei ba ningon com je tut cem yahagom. Ma jinyohou jide mbusyamei nya noyam kin gembala di nyohou domba nya lewo Allah bindei ba, Nonti nok niceu mem mbusyamei nya tug hon Nipmot nimaisi.

KISAH 4:36

Nok gima tut Yusuf cem. No dini ntun pung Lewi him ba, nitimieisi leu Mios Siprus. Yo di igya kui Yesus ijem ninyeng hi Barnabas (ninyeng dima noyam kin niwin kep tungwatu ingonti),

ROMA 12:13

Ma jikwas jide mun di jima nya tut jisut bat yo di Kresten di yuhui mbum nya ba, jicigit tungwatu nya kui ig cem.

ROMA 13:6

Gima cem ma jigo belasten bak nibou nya lewo yoni ne Allah de awak di igyai kep ide midyai nya ri.

KORINTUS GI NIGOM 12:28

Nok gima cem Allah ta nimbumbati hagom bintun mbusyamei nya him bit leu ningon kanti. Noni ta yo di igya kui Yesus bigya bibie. Leu api ta yo di imbot kep tut Allah ningon kanti abia kep yok bu. Leu api ta guru nya abia kep yok bu. Leu api ta yo di ibon mindur nya kin yo di ibindei yo inggwen nya ikei hanyen kin yo di ingondut nuhui mbum nya kin yo di ibie tut tungwatu nya kin yo di iba nihyet mindur bimbrap nya cem yahagom ei mbusyameisi.

KORINTUS GI NIGOM 14:3

Noro no di tri tut Allah nihyet tri tut bak tungwatu nya leu binhyepo biyai sindem yok ba, ibrim ingkek lene biwin kep ingonti cem.

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

KORINTUS GI NICAN 11:3

Noro dikrau dingon tut je leu ma hi muhum jinsi leu ba, jingon gom tut Kristus bu bi. Gima noyam kin mun di cut igkep Hawa mpe di wou di ningon mang hum ninsi ba, ris noni.

KORINTUS GI NICAN 8:12

Gino jitin ei bijikwas munkwas tut yo di hiter kin jingon di gom lene Allah mijoi sut jide munkwas di jiyai bit leu jimati. Gino jima mun hi bi lene Noni yok ningon mem munkwas leu je bi.

KORINTUS GI NICAN 9:11

Allah mibindei ba, jinyeng tut mun di jisuar nya leu binhyepo jiba jide ningondut yamti bikwas munkwas tut tungwatu nya bikwop njap ngwa hagom. Lene tungwatu nya imang bibor mipai sigyo bak Allah drek dip mun di jikwas tut yok tug hon nyeni.

KORINTUS GI NICAN 9:13

Ba, yo di ingon jo kep nya imang bibor ei hanjop Yudea minggei sut Allah drek dip jide nisingat tut tungwatu nyati di ndo bindo di kei bibor biyok. Lewo ingat bipia jingon gom tut Nihyet Di Kei tut Kristus bijibit nihyet cem. Gi jikwas mun di jimati dor njiriek tut yoni kin jisut yo di ingon jo kep nya cem bindei ba, inggei sut Allah drek dip je.

KORINTUS GI NICAN 9:7

Suar tungwagom-gom kwas munkwas bit leu nijoi sutti. Ma noni ba nikou biyai bikan bipia hi wit huk noni tut au. Lewo Allah joi sut no di ba ningon di llei bikwas munkwas.

EFESUS 6:5

Awak jen! Ma jibit jiceu bat dihyeisi dini nya ide nicukti nya. Ma jikon inyeng bijingon gom tut yok tereu nok gi jingon gom tut Kristus.

NINDAT KEP TUHAN NICUKTI NYA 15:14

Ma aba angon di mba bikwas mun di ade tuhan Allah yai bina nok kambir kin domba kin gandum kin ba anggur ngei tut noni.

NINDAT KEP TUHAN NICUKTI NYA 16:11

Suar jiyai nillei bit jimunggwom bat nya kin awak jide nya kin keret Lewi nya kin ngkiai nya kin moibihi nya kin kibom nya di ibong ei jide minu ndig nya. Ma jibon midut dima ei jide tuhan Allah Noho bei ei mpia ttou nsi di Noni ndo ei mem je tu.

KOLOSE 3:22

Awak jen! Ma jibit jiceu bat dihyeisi nya ighyet tut mun nyeng hagom. Ma jibibon yok nok gima tirigi igyai bong kep je leu binhyepo jibinggok tut gi ijoi sut je he au. Noro ma jiba jingon di gom bibit ighyet ba, jibikon Tuhan ninyeng.

TESALONIKA GI NIGOM 2:3

Tirigi nitri tut Nihyet Di Kei bije lene ningon kiowi eisi ba, ningon can biniris bak tungwatu nya bi.

TESALONIKA GI NIGOM 2:8

Nitin ei mem gima nitri tut Nihyet Di Kei di kwei leu Allah bije he bi noro ninggok nimai eisi mem je cem lewo ningon ngakei je nindig bibor ba, ningon kieti rijeni.

TIMOTIUS GI NIGOM 4:13

Ei nijam di dihwou ngat na bigyo dini lene ma ata abou ei nikwop kep Allah nihyetti brei bak yo di ingon jo kep nya lene arok kik yok ba, angginau yok cem.

TIMOTIUS GI NIGOM 5:17

Tut nibou di ibie tut ide mbusyamei mungkun kei lene ma jibirop imuhup hanyen biyok mbican bram yam. Gini bon ninyeng mem yo di ita ibou ei nitri nihyetti kin ningginau tungwatu nyati.

TIMOTIUS GI NIGOM 6:18

Ma asok kep yok leu binhyepo isingat cem inyeng tut midyai di kei nya cem ingondut tungwatu nya cem ikwas mun di jo biyoni tut hiter cem.

IBRANI 10:25

Suar idem yam ei nok gom lene ma ibon nyenti nok yo di inghen di idem yam ei bi nya au. Noro ma inyohou pingok yam ngonti bikum eisi bu lewo ikan tut bipia njap di Tuhan mbus tungwatu nya ingonti dideu su.

IBRANI 13:17

Ma jibit jide nibou nya ide nicuk jeti nya ba, jibou cut biyok. Yoni inyohou jingonti bikwop mmun-njap lewo suar ibuhup hanyen bak Allah drek dip igyai munti nya. Gino jibit ighyet lene yoni miba ingon di llei biyai midyai nya. Gi bi lene iba ingon di buhun binyohou jingonti apino gima bindei bijiyai mun di kei nya hi bi.

IBRANI 13:22

Disut bat jen, ditigtai je leu binhyepo tirigi jikwop srat bokti tut mun di dipingok jingonti tut dini ne ma joom jingon tut lewo srat dini jei bi.

IBRANI 13:24

Nipigo jide nibou nya kin Allah de limwa nya jahagom. Yo di inggre kin mbusyamei ei Italia cem ipigo je.

IBRANI 13:7

Ma jiyok ngon kep jide nibou timiei nya di itri tut Allah nihyet bije. Ma jikan-kan nyen tut igyai munti nya kin imaisi bijiyai bram ide niba ningon com Allahti.