ROMA 12:7 - ALLAH NIHYET MEM TUNGWATU NYA

⁷ Suar no di yai nisindemti mem gima mpu tungwatu nya mpu yok hak ug. Suar no di yai nisindemti mem gima ngginau tungwatu nya ngginau yok hak ug.

ROMA 12:7 ပူးပေါင်းရင်းမြစ်များ

MAZMUR 34:11

Mindhe singa inggum bibor lewo ide mun di igyem hi jo bi noro yo di iba yoho rok tuhan indwau sut mun nyeng hi bi.

MAZMUR 51:13

Ma acom da bihigom leu Aho bei ba, akus Ade ninnei gi kwes leu dingonti au.

NIBA NINGON SRIP HUKTI 12:9

Nikan-kan Nyen Tut Mun Cig dima nintin kimbo ba, ningon ki. Gima rino ngginau limwa nya tut mun di kan tut nya hagom. Noni yok niyai kep nihyet nibiti ninda mang bibor ba, bingon bikan tut mun di igbit a.

YESAYA 21:8

Leu api no di ya bitindei ser dima hara “Andigpoi e, diya biditindei ser bikwop mmun-njap ninno tu.”

MATIUS 28:19

Gima rino ma je juug ba, jibindei tungwatu dihyeisi dini hagom bibit Da leu api jitur yok ei minyeiti tug hon ninyeng Nicig kin Nipmot kin Ninnei Gi Kwes.

YOHANES 3:2

Mpe di gom lene noni ug ngat Yesus mem mmun bihig ser Noni “Guru e, nikan tut bipia Nani ne guru di Allah cuk kwei ri. Gino Noni ningat rin bit Na bi ne bit bon abibon mindur nok gi abibon dima kan bi.”

KISAH 13:1

Nabi nya kin guru nya ibou poi yo rinaha ei yo di mbusyamei minu ndig Antiokhia nya ikieti. Yo dini ne Barnabas kin Simeon di ijem ninyeng hi Motrom kin Lukius leu minu ndig Kirene kin Menahem ndig bit Nibou Ndig Herodes ba, ningon kieti noni tirigi inok munggwom yo kin Saulus.

KISAH 20:20

Jikan tut bipia dingon tak kep nihyet gom di biwin kep jingonti leu je tirigi ditri tut nihyet bi ba, dingginau je brei ei ig mbusyameisi kin jide ig bei nya cem.

KISAH 20:28

Ma jinyohou jenti kin jide domba nya di Allah Ninnei ba ningon com je tut cem yahagom. Ma jinyohou jide mbusyamei nya noyam kin gembala di nyohou domba nya lewo Allah bindei ba, Nonti nok niceu mem mbusyamei nya tug hon Nipmot nimaisi.

KISAH 6:1

Jei bi lene yo di ibit Yesus imangti bikum eisi ba, ningot ndig bu. Noro mben Yahudi di imbrap nihyet Yunani ingon dindi tut timiei mben Yahudi nya. Gi hi di imbrap nihyet Yunani ilua sok bipia ide kibom nya ima mun di bahati tut yok bikwop njap-njap sur yam kin kibom nindigsi nya bi.

KORINTUS GI NIGOM 12:28

Nok gima cem Allah ta nimbumbati hagom bintun mbusyamei nya him bit leu ningon kanti. Noni ta yo di igya kui Yesus bigya bibie. Leu api ta yo di imbot kep tut Allah ningon kanti abia kep yok bu. Leu api ta guru nya abia kep yok bu. Leu api ta yo di ibon mindur nya kin yo di ibindei yo inggwen nya ikei hanyen kin yo di ingondut nuhui mbum nya kin yo di ibie tut tungwatu nya kin yo di iba nihyet mindur bimbrap nya cem yahagom ei mbusyameisi.

KORINTUS GI NIGOM 12:5

Midyai di Tuhan ndo binyeni nya ter leu yam noro nyeni igyai midyai dima hagom mem Tuhan Yesus gom ngat.

KORINTUS GI NIGOM 14:26

Disut bat jen, gini ne ditde nipingok jeti nya ri. Tirigi jidem yam ei mem jikuk je bak Tuhan ba, hi kon doia lene hi ngginau tungwatu nya lene hi tri tut nihyet gom di Allah mbot kep tut binoni lene hi ba nihyet mindur bimbrap lene hi luei nihyet mindur dima hanyen brei bak tungwatu nya lene nok. Noro ma jiba nisindemti dini yok hagom bingginau yo di mbusyamei nya leu binhyepo ingwes gwam yamti tut.

GALATIA 6:6

Ma no di pikor leu Kristus ningginausi kwas nide nimati di kei bibor nya ndrim hi tut guru di pikor noni tut.

EFESUS 4:11

Kristus rima njei nisindemti nya bak tungwatu nya. Noni ta yo di igya kui Noni kin nabi nya kin yo di itri tut Nihyet Di Kei kin gembala nya kin guru nya cem.

NINDAT KEP TUHAN NICUKTI NYA 33:10

Yoni mingginau Ade limwa nya leu binhyepo ibit Ade nicukti nya. Yoni mibui mindhe-ndhe nya bindig kep hum ei nimbar hum dokti.

KOLOSE 4:17

Ma jisok kep Arkhipus bijipai “Ma anda jo kep midyai di ayai mem Tuhan biput kep.”

TIMOTIUS GI NIGOM 2:7

Gima rino Noni cuk da nok no di ya kui Yesus leu binhyepo ditri tut Nihyet Di Kei bak ngkiai nya ba, dingginau yok tut niba ningon com Kristusti di nijit. Mun di dipai sut dini ne nijit-jau ri. Diris bi!

TIMOTIUS GI NIGOM 3:2

Suar nibou mbusyamei ningon sren ba, bit bon hi pai noni kinei kan bi. Suar noni wak sop gom ngat he ba, om kep ningon kan. Suar ningon nddong ba, nyohou dimig niyaijoti cem. Ma noni cigit ngkiai nya kui ig ba, ningon dorti tut ningginau tungwatuti cem.

TIMOTIUS GI NIGOM 4:16

Ma asok kep nanti tut ayai munti nya kin ade ningginau tungwatu nyati. Leu gino aba angon di gom biyai gima yok hagom kikau ne abiteu nanti bitut yo di intu kep ahyet cem ba, jahagom jingwes ngun.

TIMOTIUS GI NIGOM 5:17

Tut nibou di ibie tut ide mbusyamei mungkun kei lene ma jibirop imuhup hanyen biyok mbican bram yam. Gini bon ninyeng mem yo di ita ibou ei nitri nihyetti kin ningginau tungwatu nyati.

2 TIMOTIUS GI NICAN 2:2

Ma aba ditde ningginausi nya di ditri tut bak tungwatu nya imang bibor bitri tut hanyen bak yo di ingon gom nya leu binhyepo ibingginau yo di hiter bu sindam.

2 TIMOTIUS GI NICAN 2:24

Ma Tuhan de awak nya itte tut tungwatu nya nyen au. Noro ma isingat tut hiter bingginau yok kan cem ba, ingon jo nyahan.

2 TIMOTIUS GI NICAN 4:2

ma atri tut Allah nihyet ba, abidip huk yok leu binhyepo intu kep ahyet mem mpe di ijoi sut e, he ijoi sut bi e, cem. Aba angon di jo nyahan binyohou ngginau yok leu binhyepo abiyai bingon nddong. Ma ando itunggweisi biyok ba, abiwin kep ingonti cem.

SAMUEL GI NIGOM 12:23

Noro tut dani ne dikou sut gi dibon sisar tut Allah tug hon gi dikes hon ba, dingat nadi tindei je bu bi. Noro midingginau je tut jiyai munti di kei bibor kin mun di suar jiba jingon gom biyai cem.