ROMA 12:6 - ALLAH NIHYET MEM TUNGWATU NYA

⁶ Bikwop nyeni imbun nisindemti di ter leu yam. Allah kwas nisindemti dima tut nye tug hon nisingat tut nyeti. Gima rino ma ikrau kep nisindemti dima mem midyai di igyai nya. Gino igyai nisindemti mem itri tut Allah nihyet lene ma itri tut nihyet bit leu ide niba ningon comti.

ROMA 12:6 ပူးပေါင်းရင်းမြစ်များ

MATIUS 23:34

Gima rino ma jiyok ngon kep bipia midicuk nabi nya kin yo di ingon ki nya kin guru nya yahagom ndam je noro jikimukep bihi bijipek bihi ei biei salibti cem. Jimbas bihi ei jide ig mbusyameisi bijuhuk yok leu minu ttou nsi hi ug ei minu ttou nsi hi kin bu.

MATIUS 25:22

Lene awak di yai mitiei mas sribu can cem pwoi mitiei mas sribu bitai kwei bipai ‘Andigpoi e, akwas mitiei mas sribu can tut da lo, diba mitiei mas sribu can bikum eisi bu.’

LUKAS 11:49

Gima rino Allah Di Ningon Ki pai ‘Midicuk nabi nya kin yo di itri nihyet ndam yok noro mikimukep bihi lene mihwen bit bihi kin bu.’

KISAH 13:1

Nabi nya kin guru nya ibou poi yo rinaha ei yo di mbusyamei minu ndig Antiokhia nya ikieti. Yo dini ne Barnabas kin Simeon di ijem ninyeng hi Motrom kin Lukius leu minu ndig Kirene kin Menahem ndig bit Nibou Ndig Herodes ba, ningon kieti noni tirigi inok munggwom yo kin Saulus.

KISAH 15:32

Yudas Silas nya ne nabi rin ba, yuhuk ighyet bibiwin kep yo di ingon jo kep nya ei minu ndig Antiokhia ingonti bibindei ba, yo dima igyai ningon di ngkiem kin nisindemti cem.

KISAH 2:17

Allah pai, ‘Son dideu nijam ningwig honti ne miduhug Dinnei bikwop ei tungwagom-gom ningonti. Jipmot bat-jipmisop bat nya mitri tut dihyet bak tungwatu nya, jide pinai pilei nya mingat-hi-ngat lene jide andigpoi nya mimumpriem.

KISAH 21:9

Filipus yai nipmisop bat sop gwam nitta pilei nya ibou bitai di igyai nisindemti leu Allah mem gima itri tut Allah nihyet.

ROMA 1:11

Lewo dingon bisau sut gi dingat je bou diyai him leu binhyepo dibippiet mun di kei di kwei leu Allah Ninnei bije ba, mun dima mibiyai jingon nddong kei.

ROMA 12:3

Allah singat tut da. Gima rino disok kep jahagom bipia ma jiba jingon di jei bisrip huk tut jenti au. Noro ma jibisrip huk tut jenti mmuti. Ma bikwop tungwagom-gom ba nisindemti di Allah yai binoni bisrip huk tut nonti drek dip nide niba ningon com Yesusti.

KORINTUS GI NIGOM 12:18

Noro Allah nyohou dimig nimbumbati hagom bintun ningut him bit leu ningon kanti.

KORINTUS GI NIGOM 13:2

Mbro nok gino ditri tut Allah nihyet cem dingon ki cem dingon dor mimunti kin nimbot kepti nya hagom cem diba dingon com Allah nindig bibor bidibindei ba, nungug ttou son leu niyati cem lo, gino dingon ngakei tungwatu nya bi lene dibon dinyeng bi!

KORINTUS GI NIGOM 14:1

Ma jita jibou ei ningon ngakei yamti. Ma juhuk bram nisindemti nya di Allah Ninnei yai binye lo, ma juhuk bram nisindemti di bindei ba, jitri tut Allah ningon kanti dor njiriek nisindemti nindigsi nya.

KORINTUS GI NIGOM 14:24

Gino jahagom jitri tut Allah nihyet lene ngkiai nya hi e, he no di ningon mbum hi e, coi bit je lene nihyet di jitri tut mitot ningonti lene gima bindei ba, ningon muhukti tut nide sisar nya.

KORINTUS GI NIGOM 14:29

Gino jibou poi jitri tut Allah nihyet lene ma jibou can jibou ningai he ba, jimbrap kikep sindam lene yo di mbusyamei nya iba ingon srip huk nihyet di itri tut dima ug e.

KORINTUS GI NIGOM 3:5

Tut gima ne tou rino Apolos i? Tou rino Paulus i? Nyeni ne Allah de awak nya ri. Jiba jingon com Noni tug hon nyeni. Niyai kep midyai nya di Tuhan ndo bibikwop nye.

KORINTUS GI NIGOM 7:7

Ningat ne dijoi sut ma tungwatu nya yahagom igyai bram diyai kepti. Noro Allah yai nisindemti hi gom hi gom bak bikwop tungwagom-gom. Hi yai nisindemti dini lene hi yai nisindemti dima lene nok.

KORINTUS GI NICAN 8:12

Gino jitin ei bijikwas munkwas tut yo di hiter kin jingon di gom lene Allah mijoi sut jide munkwas di jiyai bit leu jimati. Gino jima mun hi bi lene Noni yok ningon mem munkwas leu je bi.

EFESUS 3:5

Nipou ne hi mbot kep tut nimimun dima bak tungwatu nya bi. Noro tini bu ne Allah Ninnei mbot kep tut nimimun dima bak yo di igya kui Yesus kin Nide nabi nya.

EFESUS 4:11

Kristus rima njei nisindemti nya bak tungwatu nya. Noni ta yo di igya kui Noni kin nabi nya kin yo di itri tut Nihyet Di Kei kin gembala nya kin guru nya cem.

FILIPI 3:15

Ma nye dino imahan ei ingonti kin innei yahagom ingon mien paisi noyam kin Nide ningon mien paisi. Lene gino bihi ingon mien paisi titer ne Allah mipingok gima bije bijingon dorti tut yo.

TESALONIKA GI NIGOM 5:20

Ma jingwes pri gau nihyet di kwei leu Allah Ninnei au.

PETRUS GI NICAN 1:20

Gi bon ninyeng rino ma jiyok ngon kep bipia gino Allah Ninnei pingok hi ningonti bi lene bit bon ningon dorti tut mun di nabi nya ipas kep ei Allah Nihyetti kan bi.