Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ROMA 12:3 - ALLAH NIHYET MEM TUNGWATU NYA

3 Allah singat tut da. Gima rino disok kep jahagom bipia ma jiba jingon di jei bisrip huk tut jenti au. Noro ma jibisrip huk tut jenti mmuti. Ma bikwop tungwagom-gom ba nisindemti di Allah yai binoni bisrip huk tut nonti drek dip nide niba ningon com Yesusti.

အခန်းကိုကြည့်ပါ။ ကော်ပီ




ROMA 12:3
47 ပူးပေါင်းရင်းမြစ်များ  

Niyem ahwei lon ngei di nindig bibor mipijuk ansi ba, anggwen. Niyok ningon mem gima tungwatu nya inggei sut nati cem kei mem bi.


No di ningon mbum bibor kei njiriek no di pai sut nonti nok no di ningon ki noro ningon ki bi.


Gima rino ma asingat bibor ba, angon ki bibor cem au. Nggon rima ayai nimai binanti drek dip i?


Nok bi! Lewo tuhan ndo brei binye tut mun di kei di Noni joi sut tu. Noni yok ningon mem gima igyai munti nya hagom sren kei kin gi ibrim ingkek mem ningondut yamti bingon ngakei Noni cem buug hon nohonti bi lene igyaijo nok gom bit ide Allah ba, iba ibou coi mem Noni cem.


Farisi kiju biya ter lene nggei-nggwang tut nonti bipai ‘Allah e, dipai sigyo biNa lewo dinok yo di igyem kep hiter imuhup kin yo di iris igkei nya kin yo di icut tut sop nya kin no di ya tindei belasten biyem tungwatu nya imuhup dima bi.


No di Allah cuk kwei tri tut nihyet di kwei leu Allah lewo Allah kes Nonti Ninnei titut yam ei ningonti.


Allah bindei ba, Yesus Kristus singat tut da bikon dinyeng nok no di ya kui Noni bidinok awak mem Noni cem leu binhyepo dibuwak mben dihyeisi dini hagom ndam Yesus leu api iba ingon com Noni bibit nihyet.


Igbit ri. Noro Noni sriot ninda dima leu drek dip gi ingon jo kep Noni bi. Lo, jiluei niceti lewo jingon jo kep Noni. Noro ma jingon jei sut au. Ma jidigit tut.


Disut bat jen, ma jikan kep bipia jingon ki bijikan bidem mun nyeng hagom au. Lewo Allah De mimun nyeng gom no rinaha lo, tungwatu nya ikan tut bi. Noro handei kon ba, jikan tut Nide mimun dima. Mben Israel bihi ingkek ndok noro ide ningkek ndokti dima jo kikau bi. Noro mijo nijoti nok bibou ngkiai nya di mitti kin Allah imangti dem ug e.


Ma jahagom jingon kwes kin yam lene ma jingon jei au. Noro ma joom jenti sur yam kin yo di igyai inyeng bi nya. Ma jiba jingon bisrip huk tut jenti bipia jingon ki dor njiriek mun di dem mem jeni au.


Noro nogindini diya diyati nok no di ya kui Yesus tug hon Allah nisingat tut dati. Diyai nisingat tut dati mikuisi bi. Ningat ne dita dibou ei Allah de midyaiti dor njiriek yo di igya kui Yesus nindigsi nya yahagom. Nisindemti di bindei bidita dibou ei midyai dimati kwei leu danti bi noro kwei leu Allah nisingat tut dati lene ba No bikum da mem midyai dima.


Diba nisindemti di Allah yai bida biprion tig mma mem ig nitriti dem kep ningot kep ig cig lo, hiter kon ninggilai ei nitriti dima dip bu. Noro ma tungwagom-gom ba ningon di sok kep nonti bikon ninggilai eisi.


Ma bikwop tungwagom-gom nyohou dimig niyaijoti bit leu Allah nibie tut noti ba, noyam kin Allah ningon kanti tirigi Allah hig noni ba, ningon jo kep Allah. Ditri tut ditde nipingok jeti dini ei mbusyameisi hagom bidem minu.


Noro niyai nok gima bi. Gino ningon jei ne nipigau hanjop hi bi. Noro ningon jei sut nyende midyai nya di niyai ei hanjop nsi di Allah pek binye nipou su he. Ba, hanjop nsi dima bitut jeni cem.


Gino jibinai jenti kin mbusyamei hiter nya lene dibibon je haigtu bi sut mindei i? Tut gi dibindin je tut munkwas di jibahati tut da bi e? Nnaba jikos ser ditde niyai mun tunggwei sut jeti!


Noro mun di biyai dinghuisi wei cut igkep da ser nhyema dingon jei drek dip mun di mipbor ngat di dingat bou diyai him au. Mun di bindei di dinghuisi wei tereu nok Bilis de awak di hwen bit da ser nhyema dingon jei au.


Gino tungwagom kan bipia ninyeng jei lo, ningat ne ninyeng jei haigtu bi ba, noni krau tunggwei ningonti.


Ningat ne jimiap tut bipia Allah di singat tut da ta da leu binhyepo diyai kep midyai dini ei jikieti.


Gino jikwop kep srat dini nitriti igbit lene mijikan tut notou dingon dorti tut Allah nimimun di Noni kos tut ei nipou su di Yesus bindei ba, pek kep mem tungwatu nya.)


Kristus nipingokti bindei ba, nimbumbati di ter leu yam hagom bicim tindei yam ba, nituti nya gom-gom bikrau yam nok gom. Gima rino gino bikwop nimbumbati yai igbit niyai kepti lene ningut titut mahan bikum ei nisindemti tug hon ningon ngakei yamti.


lewo Allah Nonti ripingok ei jingonti leu binhyepo jingon llei bijiyai nisindemti mem jibindei ba, Noni joi sut je.


Dita dibou ei midyai diniti bidigruap-gruap nyen tug hon nisindemti di Kristus kwas tut da lewo Nide nisindemti dima yai midyai sindem bibor ei dingonti.


Nipou ne mun di bitut jinnei mai ei sisarti. Jicoi bit midut sunat di ntun Puig Yahudi niggai serti him bi. Noro tini bu ne Allah win je bijiyai niyaijo nijep bit Kristus. Allah kos ser ide sisar hagom tu ba,


Ide Tuhan Yesus Kristus singat tut da nindig bibor bibindei ba, diba dingon com Noni ba, dingon ngakei tungwatu nya cem. Noni yai nisindemti ninyeng can dini bak yo di inok gom kin Kristus yahagom.


Mbro nok gima lo, gino sop hi ta nibou ei nide niba ningon com Yesus Kristusti cem ningon ngakei yo di hiter cem ningon kwes kin Allah cem yai midyai mmuti cem lene noni miyai niteu leu sisarti kin niyaijo nijep tug hon nisrek tut munggwomti.


Ma sop nya igyai mun mmuti bijuk sinsun nok sop di isingat nya. Ma iku ibou di bindei tungwatu nya inga leu yok tut au. Iba mas kin sriou tiei njep bimau yok au. Ijuk sinsun di nibok kak bibor au.


Nisingat tut nyeti dima pingok ingonti leu binhyepo ikes hon ba, isrep tut Allah ningon kanti bibit ingut kanti di igbit bi nya bu au. Nipingok nyeti dima bindei ba, tirigi ingat rin ei dihyeisi dini ne yoom kep ingon cem ingon sren cem ingon gom tut Allah cem,


Ma apingok andig-ndau nya ingonti leu binhyepo yoom kep ingon ba, ingon nddong cem isingat cem. Ma ikrau kep ide niba ningon com Kristusti kin ide ningon ngakei yamti kin ide ningon nddongti.


bipingok sop wak cam nya ingonti tut gima ingon ngakei ijjep bat nya kin imunggwom bat nya ba,


Nok gima cem ma asok kep pinai wak cam nya leu binhyepo ingon nddong.


Mbro nok gima lo, nisingat tutti di Allah yai binye sindem bibor dor njiriek bu. Bit leu nok gi ipas ei Allah nihyetti “Allah timbe tut yo di ingon jei noro singat tut yo di iba ibou coi mem yam.”


Gima rino ma jitin ei jibou ngwakti mem mun di mipek kep mem je nya hagom. Ma jiyai ngkiem cem leu api jiyok jingon mem mun di kei di Allah miyai bije ei mpe dino Yesus Kristus ttau hanyen kwei.


Ma no di tri tut nihyet tri tut Allah nihyet. Ma no di mpu hiter ba nisindemti leu Allah bimpu yok leu binhyepo jiyai munti nya hagom bindei ba, tungwatu nya ikon Allah ninyeng tug hon Yesus Kristus. Allah rino nyeng tut nikei-kau-keisi kin nisindemti kikau buug hon nohonti bi. Igbit ri.


Son dideu njap ningwig honti tu. Gima rino ma joom kep jingonti ba, jiyai ngkiem cem leu binhyepo bon nituti mem gima jingat nadi.


Je di pinai pilei nya e, ma jibou cut bak andigpoi nya. Ma Allah de limwa nya yahagom iba ibou coi mem yam ba, inok awak mem yam. Bit leu nok gi ipas ei Allah nihyetti “Allah hwen bit yo di ingon jei nya noro singat tut yo di iba ibou coi mem yam.”


Ma jehek tut jenti ba, jiyai nggrop nggan lewo jide siceu di Bilis lus-lus nyen nok singa di niten-pos di yau binggok tungwatu tereu nok nide mun di yem.


Dipas kep srat cun ningat gom bidipinak hwou ndam ade mbusyamei tu noro Diotrefes di ningon pri kep ninyeng nibou mbusyamei kou sut ditde nipingok noti.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ