ROMA 12:2 - ALLAH NIHYET MEM TUNGWATU NYA

² Ma jiyai bram mun di bon ninyeng mem tungwatu dihyeisi dini kin igyai kepti nya au. Noro ma jisindui sut ba, Allah bibon jenti njem nok nijep bu. Tug hon nisinati dima mijikan tut Allah ningon kanti di kei bibor di biyai Allah ningon llei bibor bikwes-kwau mem jenti.

ROMA 12:2 ပူးပေါင်းရင်းမြစ်များ

EZRA 10:11

Gima rino ma jipai jit jide sisar dima bak tuhan Allah di idigup bat-idigai bat nya ikuk yok bak leu lene jibon mun di biyai tuhan ningon di kei hanyen. Ma jimbres jenti ei minu ting leu ngkiai nya di ibong srig jikieti ei jitimieisi dini lene ma jikes jitnem bat ngkiai nya dima bingkwei hanyen leu jikieti ug ei itimieisi hak ug.”

MAZMUR 119:103

Ahyet ui-gwang kei ba, nyop kei dor njiriek ahwei lon ningei cem!

MAZMUR 119:128

Gima rino dibit Ade nipingokti nya bidingon mpo tut niyai mun tunggweisi nya hagom.

MAZMUR 119:174

Diyok dingon mem Ade niteu da bidingwes ngunti. Ade nikos tutti nya biyai dingon nggei-hi-nggei.

MAZMUR 119:72

Nikos tutti di ayai bida bon ninyeng dor njiriek mas kin perak ei dihyeisi dini hagom.

MAZMUR 119:97

Dingon ngakei Ade nicukti nindig bibor. Dikan-kan nyen tut bikwop mmun-njap hagom.

MAZMUR 34:8

Nide malaikati ya srak ko hagau yo di ikuk yok bak tuhan biteu yok bingwes ngun leu mun di om kep yok.

MAZMUR 51:10

Asindui sut ba, nihyet di bindei di dingon llei bibor hanyen tibim kwei ei ditingou nsi. Lene mbro nok gino aco kep da tu lo, dingon minggan-triot kei hanyen bu.

NEHEI LEUSI 23:2

Mbro nok gino tungwatu nindigsi yahagom ibon mun di tunggwei tirigi iba ide nimbrap gausi di nijit bi ba, ibiyoom ser ei nikei noho bei lo, ma jitti kin yok au.

YEHEZKIEL 18:31

Ma jimbres jenti leu jiyai munti di mbuk bibor di jita jibou eisi nya leu api jisindui sut ba, jingonti kin jikan-kan nyenti nok nijep bu. Nggon rino jingon llei sut gi jiyai nimai i?

YEHEZKIEL 36:26

Midiyai ningon di nijep kin nibou ngwakti di nijep bije. Midiba ningon di bit dihyet biluei ningon di tindak di noyam kin tigya.

MATIUS 13:22

Njita ngan di cut ug ei bohousi bindo tut yo di ipwoi nihyet ei ingonti noro ingon ku yonti tut ndigban di mipror yon ba, iba yoho rok mitiei nindig bibor apino gima yok hagom ceu nihyet leu api ningat ntun him bi.

MARKUS 4:19

noro ingon ku yonti tut mun di pror yon ba, iba yoho rok mitiei nindig bibor apino gima yok hagom ceu nihyet leu api ningat ntun him bi.

YOHANES 14:30

Dimbrap bit je kikau bi lewo tto bou mem no di ninyeng tak kep dihyeisi dini dideu su. Noro noni sindem mem gima om kep Da bi.

YOHANES 15:19

Gino jinok gom kin tungwatu dihyeisi dini lene ingon ngakei je lewo jinok yoni. Noro didimig je bijo ter leu tungwatu dihyeisi dini bijinggre kin yok bu bi. Yo dima ingon mpo tut je drek dip gi jinggre kin yok bu bi.

YOHANES 17:14

Ditri tut ahyet bak yo di ibit Da apino tungwatu dihyeisi dini ingon mpo tut yok lewo inggre kin tungwatu dihyeisi dini bi. Gima bit leu nok Dani cem dinggre kin tungwatu dihyeisi dini bi.

YOHANES 7:7

Bit bon tungwatu dihyeisi ingon mpo tut je kan bi. Noro ingon mpo tut Da drek dip gi dipai biyok bipia igyai munti nya kinei bibor.

ROMA 12:1

He disut bat jen, Allah singat tut nye nindig bibor. Gima rino dibidip huk je leu binhyepo jikes jenti njem ei mem Allah noyam kin mun di imam nya ikes ei nimbar hum dokti. Ma jidimig jenti njem ei mem Nide midyai nya leu api Noni mijoi sut je. Suar jiba nisinati dima bikuk je biNoni mungkun kei.

ROMA 13:14

Noro ma ikrau kep Tuhan Yesus Kristus de minggwen nya lene ma jikes hon ba, jiba joho rok jingut kanti nya di ntun sisar him ba, jisindui sut jingut kanti nya bindei cut je bu au.

ROMA 7:12

Puig Yahudi niggai serti dima ntun Allah him ne niggai ser dati nya hagom kwei leu Noni ba, sren bibor kin kei bibor cem.

ROMA 7:14

Ikan tut bipia Puig Yahudi niggai serti ntun Allah Ninnei him noro dani ne tungwatu dihyeisi dini rin ba, sisar ubon da bidinok awak.

ROMA 7:22

Dingon mien llei sut Allah niggai serti.

KORINTUS GI NIGOM 3:19

Lewo ningon kiti di ntun dihyeisi dini him dem kep nok ningon mbum bou Allah niyai him. Bit leu nok gi ipas ei Allah nihyetti “Allah ba ide ningon mangti bisrou yo di ingon ki nya.”

KORINTUS GI NICAN 4:4

Ingon jo kep bi lewo Bilis sibut bibor ba, ninyeng tak kep tungwatu dihyeisi dini. Noni rino biyai ingon di dor mun di bitut ninneiti bi. Apino bit bon ingat igbit nikei-kau-keisi di piga kwei leu Nihyet Di Kei dima kan bi. Ba, Kristus dima ningat ndo Allah ningwes brei binye.

KORINTUS GI NICAN 5:17

Tungwa tou rino nok gom kin Kristus tu lene no dima nok tungwatu di nijep-jau bu. Ba, niyaijoti nitimiei pror leu su leu api niyaijoti di nijep-jau luei bu.

GALATIA 1:4

Kristus kes Nonti ningut ei noyam kin mikwau di ibui bibam ei nimbar hum dokti mem ide sisar bit leu Icig Allah ningon kanti ba, teu nye leu nijam di sisar ttei nimig eisi ei dihyeisi dini.

EFESUS 1:18

Handei kon ba, Allah bindei ba, jintin kimbou ba, Nide nipigati piga digai jingonti leu binhyepo jingon dorti tut mun di jiba jingon com Noni tut tirigi Noni dimig je bijiyok jingon mem mun di kei bibor nya di Allah preu ei mem Nide limwa nya ba,

EFESUS 2:2

Mpe dima lene jibit-bit nyen niyai kepti di kinei di ntun dihyeisi dini him nya kin nibou ndig di ninyeng tak kep nisindemti nya ei mpia-bbed him. No dima ne ninnei di pingok ei yo di ibit Allah nihyet bi nya ingonti ri.

EFESUS 5:17

Gima rino ma jingkek ndok au. Noro ma jinggok tut Allah ningon kanti mem je.

KOLOSE 1:9

Gima rino ningat nadi tindei je habiei ei nimbie him tirigi nimiap tut jinghapti kikau kwei bipek ammani kep. Nahara Allah leu binhyepo Nide Ninnei yai jingon ki bijingon dorti tut ningon kanti mem je.

KOLOSE 3:10

Nogondini ba niyaijo nijep bijuk je tu. Jeni ne tungwatu di nijep bu rin ba, Allah di pai tes mun nyeng hagom yai jide niyaijo nijep bije ba, pindi-pindi nyen je bijinok nijep bijidat Nonti nimbaiti bikwop mmun-njap leu binhyepo jingon bit Allah mungkun kei.

KOLOSE 4:12

Epafras cem pigo je ba, noni cem nggre kin jide nimpung ba, noni ne awak mem Kristus Yesus ri. Noni ta nibou ei naditi bingat nadi tindei je leu binhyepo Allah yai jingon di nddong cem jimahan ei Kristusti cem jiba jingon di gom bibit Allah ningon kanti cem.

TESALONIKA GI NIGOM 4:3

Allah ningon kanti mem je rinok gini. Suar jingon kwes-kwau bijimbres jenti leu sisar nicut tut yamti.

TITUS 3:5

Noni teu nye leu sisar biyai niyaijo nijep binye drek dip igyai munti di kei bibor nya bi. Noro drek dip Nide ningondut nyeti. Allah ba Nonti Ninnei de nisindemti bipiap nye ba, srek tut nye nok nijep bu cem apino igyai niteu leu sisarti kin niyaijo nijep.

YAKOBUS 1:27

Allah kan tut yo di ibit Nonti ningon kanti mem yok nya rinok gini. Inyohou moibihi nya kin sop kibom di ihwap mbum nya cem ba, ingon hek tut yonti ser nhyema mun di suwok ei dihyeisi dini rap yok bi.

YAKOBUS 4:4

Mei! Jingon gom tut Allah bi. Jikan tut bipia yo di inggre kin mun di pror yon ei dihyeisi dini iba nitok bak Allah bi e? Tungwa tou rino nggre kin mun di pror yon ei dihyeisi dini lene noni ba nitok bak Allah.

PETRUS GI NIGOM 1:14

Ma jibit Allah ningon kanti mem je. Ma jingkwei kep jingon kanti kin jingut kanti timiei nya di jiyai tirigi jingon tindur yo pima au.

PETRUS GI NIGOM 1:18

Lewo jikan tut bipia Allah ba mitiei kin mas di mipror yon bipek je hanyen leu jiyai munti di kinei di jiyai leu jidigup bat-jidigai bat nya bi.

PETRUS GI NIGOM 2:3

Bit leu nok gi ipas ei Allah nihyetti “Jingat Kristus nisingat tut jeti di pek kep mem je tu.”

PETRUS GI NIGOM 4:2

Hon kep ammani kui ne ma Allah ningon kanti om kep jiyaijoti ei dihyeisi dini lene ma jingut kanti nya om kep je bu au.

PETRUS GI NICAN 1:4

Tug hon nisinati dima lene Allah njei nisindemti di mindur kin gi nibok kui di Noni preu ei mem nye binye tu. Nisindemti dima mibindei kwek nye leu ingut kanti di kinei di kieng kep dihyeisi dini hagom leu api ipriet kin Allah niyaijoti di kei-kau-kei.

PETRUS GI NICAN 2:20

Gino tungwatu nya ingwes ngun leu mun di kinei di srou yok ei dihyeisi dini tug hon gi ingon dorti tut ide Tuhan Yesus Kristus di teu nye leu sisar biyai niyaijo nijep binye ningon kanti lo, ingkwei kep mun di kinei di srou yok dima hanyen bu lene puig di ikak ei niabiati kinei bibor dor njiriek puig di ikak ei nibieti.

YOHANES GI NIGOM 3:13

Gima rino disut bat jen, ma jinga leu sut tungwatu dihyeisi dini di ingon mpo tut je au.

YOHANES GI NIGOM 5:19

Mbro nok gino No Di Ba Nitok Bak Allah ninyeng tak kep tungwatu dihyeisi dini yahagom lo, ingon dorti tut Allah di ninyeng tak kep nye.

NINGAT-HI-NGAT NYA 12:9

Yoni injei naga di nindig bibor tut nide malaikati nya ug ei dihyeisi mu. Naga ne wou di ningat rin ei nimbie him di ninyeng Bilis kin Ninnei Di Sibut ri. Noni rino ris bak tungwatu dihyeisi dini yahagom.

NINGAT-HI-NGAT NYA 13:8

Tungwatu dihyeisi dini hagom ikuk yok bak mindhe dima binggei sut. Noro tut yo di inyeng jo ei srat niyaijoti habiei ei nimbie him tirigi Allah pai tes dihyeisi dini bigyo ne ikuk yok bak bi. Srat dima ne Domba Pmot di ibui bimai De srat ri.