ROMA 12:13 - ALLAH NIHYET MEM TUNGWATU NYA

¹³ Ma jikwas jide mun di jima nya tut jisut bat yo di Kresten di yuhui mbum nya ba, jicigit tungwatu nya kui ig cem.

ROMA 12:13 ပူးပေါင်းရင်းမြစ်များ

SAMUEL GI NICAN 17:29

kin ahwei lon ningei kin njita keju kin sapi do ngei nintan nidip ba, ijem ide domba nya ningut poi cem bikwei sut. Igyai hagom nok lewo ikan tut bipia Daud kin nide limwa nya minggum ba, minggobiau cem ba, inghuisi wei tirigi imbut-mbut nyen ei iggum ndigsi.

NIBOU NDIG NYA GI NICAN 4:10

Nnaba sitap nghim nsi gom ei ig ninjek dip hu kwei mem noni. Ma sikon nibongti kin meja kin bilen kin njeng mbrei eisi leu binhyepo tirigi noni kwei cem kep sa lene mibong ei nghim nsi dima.”

MAZMUR 41:1

Doia Daud mem no di bie tut doia nimpung.

NIPINGOK NINGONTI 31:20

Noni drui bou ngwak tut mun di nyeng tut bi noro ngondut nuhui mbum nya bimpu yok tut indwausi nya.

MATIUS 25:35

Lewo tirigino dinggum lene jikwas njita hi tut Da. Tirigino dinggobiau lene jitin kau tut minyei hi biDa. Tirigino dinok ngkiai lene jicigit Da kui ig.

KISAH 10:4

Kornelius tou kep malaikati dima nggilun ba, ninghuisi mpig sut lene buhup “Andigpoi e, anggo?” Malaikati dima buhup “Allah joi sut na drek dip ade nadi kin ade nisingat tut tungwatu nyati cem. Gima rino Noni tin ei mem birop bina.

KISAH 4:35

bigyai bak yo di igya kui Yesus leu api yoni ikwas mitiei dima tut yo di ihwap mbum nya.

ROMA 12:8

Suar no di yai nisindemti mem gima biwin kep yo di hiter ingonti biwin kep ingonti hak ug. Suar no di yai nisindemti mem gima kwas mun di ma nya tut hiter ngondut yok bikwas mun di ma nya tut yok. Suar no di yai nisindemti mem gima bie tut tungwatu nya ta nibou ei nibie tut yokti. Suar no di yai nisindemti mem gima ngondut hiter ba ningon di llei bingondut yok.

KORINTUS GI NIGOM 16:15

Disut bat jen, jikan tut Stefanus kin nide bat nya di ingon jo kep Tuhan nok mighumbou mem hanjop Akhaia hagom. Yoni ita ibou ei midyai nahati tut yo di mbusyamei yahagomti.

KORINTUS GI NICAN 9:1

Ningat ne suar dibinut ei srat di dipas kep bije tut munkwas di mbusyamei nya ikwas tut Allah de limwa nya ei hanjop Yudea bi.

KORINTUS GI NICAN 9:12

Lewo jiyai munti di kei bibor dini bimpu Allah de limwa di yuhui mbum nya he bi noro bindei ba, tungwatu nya imang bibor ipai sigyo bak Allah cem.

GALATIA 6:10

Gima rino biken tiri bon nituti ne ma impu tungwatu yahagom lo, impu isut bat yo di iba ingon com Kristus nya nipou ug e.

TIMOTIUS GI NIGOM 3:2

Suar nibou mbusyamei ningon sren ba, bit bon hi pai noni kinei kan bi. Suar noni wak sop gom ngat he ba, om kep ningon kan. Suar ningon nddong ba, nyohou dimig niyaijoti cem. Ma noni cigit ngkiai nya kui ig ba, ningon dorti tut ningginau tungwatuti cem.

TIMOTIUS GI NIGOM 5:10

ba, tungwatu nya yahagom ikan tut bipia noni ne sop di niyai munti nya kei bibor tug hon gi miep nimunggwom bat nya ingon nok mungkun kei cem cigit tungwatu nya kui ig cem ba nibou coi mem yo di ingon jo kep nya cem ngondut yo di yuhui mbum nya cem. Nirop ninda ndigsi tut rino noni ndo nijoi biborti tug hon niyai midyai di kei biborti nya.

TITUS 1:8

Suar noni cigit tungwatu nya kui ig cem ta nibou ei mun di kei nyati cem om kep ningon cem ningon sren cem ningon kwes kin Allah cem yai mun di hagom mmuti cem.

TITUS 3:14

Ma yo di ingon jo kep nya di inggre kin nye ita ibou ei ide midyai di kei biborti nya leu binhyepo iba mun di ibon bou inda him bahati tut yo di yuhui mbum nya. Ma ibong biei nda dip kep ig au.

FILEMON 1:7

Disut na, ade ningon ngakei Allah de limwa nyati biyai dingon di llei lene biwin kep dingonti cem. Abindei ba, Allah de limwa nya yahagom ingon llei bibor.

IBRANI 13:16

Ma jingon prion ser nituti mem jahati tut yam kin jingon dut yam au. Lewo jiyai munti dima tereu nok midut nibui mindheti di bindei ba, Allah joi sut je.

IBRANI 13:2

Ma jiba jikou bicigit ngkiai nya kui ig au. Tug hon nisinati dima lene bihi iba ningon di hukti bi bicigit malaikati nya kui ig tu.

IBRANI 6:10

Allah ningon sren-srau. Ningon miprion ser jiyai munti nya kin jide ningondut yamti di jindo biNoni tirigi jahati tut jisut bat yo di Kresten nipou cem nogindini cem bi.

PETRUS GI NIGOM 4:9

Ma jicigit yam kui ig lo, jilua sok tut au.

YOHANES GI NIGOM 3:17

Gino no di nyeng tut ndigban ngat nisut di nuhwap mbum bingondut noni bi ne bit bon noni kon nihyet tut nonti bipai bipia Allah ningon ngakei yamti jo ei ningonti kan bi.

YOHANES GI NININGAI 1:5

Disut na di dingon kieti e, dinggei sut na tut ayai munti dino abrim angkek ba, angondut asut bat yo di ingon jo kep nya kin ngkiai nya di ingon jo kep nya.