ROMA 12:11 - ALLAH NIHYET MEM TUNGWATU NYA

¹¹ Gino jiyai midyai lene ma jibong biei nda dip kep ig au noro ma jijoi bibor. Ma jiba jingon di gom tut Allah Ninnei biyai kep midyai nya mem Tuhan.

ROMA 12:11 ပူးပေါင်းရင်းမြစ်များ

NEHEI LEUSI 5:17

Lene Firaun buhup “Jinghen bibor bijiba jikou yai midyai nya. Gima rino jahara da leu binhyepo disindui sut je ba, juug bon midut nindig mindhe kep hum bit leu nok tuhan nicuk jeti.

NIPINGOK NINGONTI 10:26

Ma abingon mem gima ando midyai bak no di mbris au. Lewo noni mibindin-ndin nyen na drek dip. Nimbristi dima dem kep mun di bindei di akwai hyenha kin hum mmup di tot ayaisi.

NIPINGOK NINGONTI 13:4

Mbro nok gino no di bong biei nda dip ningon pri kep mun nyeng hi lo, bit bon noni yai kan bi. No di nijoi bibor miyai mun di noni suar nya hagom.

NIPINGOK NINGONTI 18:9

No di nghen noyam kin ninggek kep mun cig.

NIPINGOK NINGONTI 22:29

Angat no di ba nijoi bibor biyai midyai ei ayai him tu e? Nibou ndig miba no dima biyai midyai ei nide ig. Noni minok awak mem no di bon ninyeng bi he bi sren.

NIPINGOK NINGONTI 31:15

Noni kiju mem ha yausi bingei njita mem nide ig bei nsi nya leu api ndo midyai nya bak nide awak nya.

NIBA NINGON SRIP HUKTI 9:10

Ma ata abou ei ade midyai nyati sri lewo tungwatu nya igyai midyai cem ikan-kan nyen cem ingon dor niti cem ingon ki cem ei minu nimai nya ide bu bi. Ba, mporo ador ug ei sirima.

YESAYA 56:10

Noni pai “Nibou di ibie tut Ditde limwa nya ne nibou di igyai tu nya ri! Igikan tut mun nyeng hi bi cem. Idem kep nsien di bbwe di tai mun hi bi di bong he bimumpriem. Nibou dima yok ijoi sut gima ibong mai he!

MATIUS 24:12

Sisar kin mun di mbuk mikieng kep tungwatu nya apino bit bon imang bibor ingon ngakei yam bu kan bi.

MATIUS 25:26

Andigpoi buhup ‘Nani ne awak di sibut bibor di nghen cem ri! Akan tut bipia dipuk biei ngat di dita bi bidiket gandum di dahap bi e?

KISAH 18:25

Apolos pikor tut Yesus ningginausi ba, ta nibou ei nitri nihyetti lene ngginau tungwatu nya mungkun tut Yesus cem. Mbro nok gima lo, noni kan tut nitur tungwatu ei minyeiti di Yohanes de he yo.

KISAH 20:19

Mbro nok gino mben Yahudi igyok ingon gom mem gima ihwen bit da lo, diba dingon di jei sut danti bi kin diyai nggwei di kibor nyen-nyen biyai kep midyai noyam kin Tuhan de awaga.

KORINTUS GI NIGOM 7:22

Lewo awak di ningon jo kep Tuhan ne no di niyati kwes tug hon Tuhan ri. Nok gima cem no di niyati kwes ba, ningon jo kep Tuhan ne Kristus de awak ri.

EFESUS 4:28

Ma ninggimang kep mun cig kes hon binggimang bu au. Noro ma kinyon ei midyai di kei bibor nyati biyai leu binhyepo ba ningon di sren bitug ndei nimuhup ba, bingondut nuhui mbum nya.

KOLOSE 4:1

Niceu bat jen! Ma jiba jingon sren bibon jide awak nya lene ma jibimangkrei yok au. Ma jiyok ngon kep bipia jijem jiceu bit Tuhan ei gwamti.

TIMOTIUS GI NIGOM 5:13

Tut gima cem inda jo kep ide midyai nya bi. Noro ihwou ningnai cem isuglai biyam cem ikwek dat mun nyeng hi cem isimbot kep biyam tut mun di igbit bi cem.

IBRANI 12:28

Gima rino ma ipai sigyo bak Allah lewo Noni bindei ba, iba nyekep ninyeng tak kepti di bit bon ugwa-kwei kan bi. Ma inggei sut bittin tut Noni bipai sigyo biNoni tug hon nisinati di bindei ba, joi sut nye.

YAKOBUS 5:16

Gima rino ma jipai jit jide sisar brei biyam leu api jingat nadi tindei yam leu binhyepo Allah bindei ba, jikei hanyen. Nadi di tibim ei no di ningon sren nuhui him sindem bibor.

PETRUS GI NIGOM 1:22

Jibit Nihyet Di Kei nicuk jeti tu. Gima rino Allah kos ser jide sisar bijingon kwes tu. Jiba ningon di gom bingon ngakei jisut bat yo di ingon jo kep nya. Ma jiba jingon titut yam bikum ei jide ningon ngakei yamti.

PETRUS GI NIGOM 4:8

Gi bon ninyeng dor njiriek nindigsi nya rino nicukti di bidip huk je leu binhyepo jingon ngakei yam mungkun kei. Lewo ningon ngakei yamti dima mibindei ba, jikos ser sisar di jibon biyam.

NINGAT-HI-NGAT NYA 2:4

Noro diwok je drek dip gi jingon ngakei Da nok gi nipou tirigi jingon ngakei Da ei nimbie him pima bi.