ROMA 11:36 - ALLAH NIHYET MEM TUNGWATU NYA

³⁶ Lewo Allah pai tes mun nyeng hagom ba, mun nyeng hagom jo nijoti tug hon Noni lene jo ei mem Noni cem. Ma tungwatu yahagom inggei sut Allah bijo ninno bijo kikau! Igbit ri.

ROMA 11:36 ပူးပေါင်းရင်းမြစ်များ

MAZMUR 115:1

Suar nyeni ninggei sut Na di tuhan lene ma ninggei sut nyenti bi sren. Lewo Ade ningon ngakei nyeti ug hon nohonti bi sren ba, angon gom cem.

MAZMUR 33:6

tuhan pai tes mpia-bbed him tug hon nicukti. Noni pai tes mpia njap kin bed mmun kin ham mpia-bbed him nya hagom tug hon nihyet di tibim ei nuhui him.

NIPINGOK NINGONTI 16:4

tuhan niyai kepti nya hagom muug bipek nipekti. Yo di isibut nya yuug dor nipekti dino nisar ningwigsi.

YESAYA 42:12

Ma yo di ibong bidem minu ting bibor nya yahagom inggei sut tuhan bikon ninyenga!

DANIEL 4:3

Mbenjen! Nide bindo di ndo brei binye nindig bibor! Mbenjen! Nide mindur di bibon mem nye cem mipbor ngat! Allah ne nibou ndig bijo ninno bijo kikau ri. Ninyeng tak kepti ug hon nohonti bi sren.”

DANIEL 4:34

Mpe dino nijam ari bingwam muhwindacan ngwig leu lene dikon dibou biditou kep mpia-bbed him leu api dingon tungwatu hanyen bu. Gima rino dinggei sut Allah Di Ninyeng Jei Bibor. Dikon No di niyaijo bijo ninno bijo kikau ninyeng. Allah nok nibou ndig bijo ninno bijo kikau. Ninyeng tak kepti ug hon nohonti bi sren.

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

LUKAS 19:38

Iba ighyet nindig bipai “Allah e, anjei mun di kei bak Nibou Ndig di kwei ndam nye tug hon Tuhan ninyeng! Timiei gwamti nya ibong kei igwam kei o! Ma tungwatu nya inggei sut Allah ei gwamti o!”

LUKAS 2:14

“Ma inggei sut Allah di Ninyeng Jei ei gwamti o! Ma yo di Tuhan joi sut yok nya ibong kei igwam kei ei dihyeisi dini o!”

KISAH 17:28

Bit leu nok tungwagom pai ‘Igyaisi jo ba, ingon bingmai lene ingat rin ei dihyeisi dini cem tug hon Allah de nisindemti.’ Nikon doia cig di inggre kin je cem ibinut bu bipai ‘Nyeni yahagom Allah nimunggwom bat nya ri.’

ROMA 16:27

Nongkom ne Allah gom ngat rin ba, ningon dorti tut mun nyeng hagom. Handei kon ba, tungwatu yahagom inggei sut Allah drek dip Yesus Kristus niyai munti nya bijo ninno bijo kikau! Igbit ri. Nipigo leu dani, Paulus, Kristus Yesus de awak

KORINTUS GI NIGOM 11:12

Mbro nok gino Allah ba no di pinai ninggang bipai tes no di sop habiei ei nimbie him lo, niabiati bu ne sop rino srek tut no di pinai. Ba, yahacem intun Allah di pai tes mun nyeng hagom him.

KORINTUS GI NIGOM 8:6

Noro mem nyeni ne Allah gom ngat he ba, Noni ne Icig ri. Noni pai tes mun nyeng hagom ba, igyaijo tug hon Noni. Tuhan cem gom ngat ba, Noni ne Yesus Kristus ri. Allah pai tes mun di hagom tug hon Noni. Ba, igyai niyaijo nijep tug hon Noni cem.

GALATIA 1:5

Gima rino ma tungwatu dihyeisi dini hagom inggei-nggwang tut Allah bijo ninno bijo kikau! Igbit ri.

EFESUS 3:21

Handei kon ba, nye di inggre kin mbusyamei di inok gom kin Kristus Yesus inggei sut Allah bijo ninno bijo kikau lene ma tungwatu yahagom ikon Allah ninyeng buug hon nohonti bi! Igbit ri.

FILIPI 4:20

Handei kon ba, tungwatu yahagom ikon Icig Allah ninyeng kikau buug hon nohonti bi! Igbit ri.

TIMOTIUS GI NIGOM 1:17

Dem mem gima inggei sut Allah Nongkom di Nibou Ndig bidem nijam hagom. Niyaijo kikau ba, bit bon tungwatu nya ingat Noni bou igyai him kan bi. Ma ikon ninyeng kikau buug hon nohonti bi! Igbit ri.

TIMOTIUS GI NIGOM 6:16

Nongkom niyaijo kikau. Noni ningat rin ei nipigati di sieng-siau kei di bit bon tungwatu nya icem kep kan bi. Hi ngat Noni bou niyai him bi sren lene bit bon hi ngat Noni kikau bi sren. Tungwatu nya yahagom mikon ninyeng ba, Nide nisindemti ug hon nohonti bi sren! Igbit ri.

2 TIMOTIUS GI NICAN 4:18

Jo nibreisi bipia Tuhan Yesus Kristus miteu da bidingwes ngun leu yo di itin ei mem ikos da yahagom inda nsi. Noni minyohou buwak da ba, dicoi bit Ninyeng Tak Kepti ei gwamti. Gima rino suar yahagom inggei sut Noni bijo ninno bijo kikau! Igbit ri.

IBRANI 13:21

Handei kon ba, Noni njei mun nyeng di kei hagom di jisuar mem gima jibibit Nonti ningon kanti bak jeni. Handei kon ba, Noni yai Nide midyai di joi sut ei ingonti tug hon Yesus Kristus di ya hacan mem nye. Ma inggei sut Kristus kikau buug hon nohonti bi! Igbit ri.

IBRANI 2:10

Dem mem gima Allah di pai tes binyohou mun nyeng hagom bindei ba, No di brim ningkek biteu tungwatu nya leu sisar biput kei tug hon gi tug ndei ninghuisi wei. Tug hon nisinati dima lene Allah cigit tungwatu nya bibindei ba, imang bibor ipriet kin Nide nikei-kau-keisi noyam kin Yesus. Lewo Yesus ritin puig mem gima igyai niteu leu sisarti kin niyaijo nijep.

PETRUS GI NIGOM 4:11

Ma no di tri tut nihyet tri tut Allah nihyet. Ma no di mpu hiter ba nisindemti leu Allah bimpu yok leu binhyepo jiyai munti nya hagom bindei ba, tungwatu nya ikon Allah ninyeng tug hon Yesus Kristus. Allah rino nyeng tut nikei-kau-keisi kin nisindemti kikau buug hon nohonti bi. Igbit ri.

PETRUS GI NIGOM 5:11

Allah ninyeng tak kep mun nyeng hagom buug hon nohonti bi sren! Igbit ri.

PETRUS GI NICAN 3:18

Ma jibikum ei gi jimahanti tug hon ide Tuhan Yesus Kristus di teu nye leu sisar biyai niyaijo nijep binye nisingat tut nyeti. Ma jingon dorti tut Noni dor njiriek bu. Jikwei ba, inggei sut Noni bikon ninyeng mem nijam dini kin nijam di jo ninno bijo kikau! Igbit ri. Nipigo leu dani, Petrus

YUDAS 1:25

Nongkom ne Allah di teu nye leu sisar biyai niyaijo nijep binye tug hon ide Tuhan Yesus Kristus ri. Noni ne nibou ndig di kei-kau-kei rin ba, sindem bibor cem. Ninyeng tak kep mun nyeng hagom habiei leu nimbie him kikau kwei bipek ammani kep kikau buug hon nohonti bi! Igbit ri.

NINGAT-HI-NGAT NYA 19:1

Gima ngwig leu lene dimiap mun di nok tungwatu nya ningot ndig ighyet di kui yam ei gwamti bipai “Jikwei ba, inggei sut Allah! Noni teu tungwatu nya leu sisar biyai niyaijo nijep biyok ba, ninyeng jei bibor ba, Noni sindem bibor cem!

NINGAT-HI-NGAT NYA 21:6

Noni pai bu “Hagom put tu! Dingat rin ei nimbie him kin ningwig honti. Dani ne Tuhan ei nimbie him kikau ug ei nohon keti ri. Midibindei ba, yo di inggobiau nya idem mem gima idut minyei leu minyei bousi di bindei bigyai niyaijo mikuisi.

NINGAT-HI-NGAT NYA 7:10

Yo dini iba ighyet nindig bibor bahara “Niteu leu sisarti kin niyaijo nijep tug hon ide Allah di gwam banggo mbrei dip kin Domba Pmot cem.”

NINGAT-HI-NGAT NYA 7:12

bipai “Igbit ri! Jikwei ba, inggei sut ide Allah lewo ninyeng jei ba, ningon ki cem. Ma ipai sigyo bikuk nye bak Noni lewo Nongkom sindem bibor kikau buug hon nohonti bi! Igbit ri.”