ROMA 11:31 - ALLAH NIHYET MEM TUNGWATU NYA

³¹ Nok gima cem mem mben Yahudi. Nogindini ibit nihyet bi leu binhyepo bon nikwesti mem Allah yai jingon ngun bu. Noro gima bindei ba, igyai Nide ningon nggriu sut yokti hanyen bu.

ROMA 11:31 ပူးပေါင်းရင်းမြစ်များ

ROMA 11:25

Disut bat jen, ma jikan kep bipia jingon ki bijikan bidem mun nyeng hagom au. Lewo Allah De mimun nyeng gom no rinaha lo, tungwatu nya ikan tut bi. Noro handei kon ba, jikan tut Nide mimun dima. Mben Israel bihi ingkek ndok noro ide ningkek ndokti dima jo kikau bi. Noro mijo nijoti nok bibou ngkiai nya di mitti kin Allah imangti dem ug e.

ROMA 11:15

Lewo Allah kou sut Nide limwa nya lene gima bon nikwesti mem ngkiai nya igyai ingon di kwes kin Noni hanyen. Gino Noni joi sut Nide limwa nya hanyen bu ne jo nibreisi bipia gima midem kep nok nimai nya di ikiju hanyen leu imai eisi!

ROMA 10:16

Tungwatu nya imiap Nihyet Di Kei dima noro yahagom ijoi sut bi. Lewo Nabi Yesaya pai “Na di Tuhan e, tou riba ningon com nyeni nihyet i?”

ROMA 11:30

Mbro nok gino nipou kwei bipek ammani kep je di ngkiai nya jibit nihyet bi lo, tini bu ne Allah yai jingon di ngun drek dip mben Yahudi di ibit nihyet bi.

ROMA 11:32

Lewo Allah nggam tungwatu yahagom ba, isima noyam drek dip gi ibit nihyet bi. Ninggam yokti dima bon nikwesti mem Noni ngondut yahagom.