ROMA 11:25 - ALLAH NIHYET MEM TUNGWATU NYA

²⁵ Disut bat jen, ma jikan kep bipia jingon ki bijikan bidem mun nyeng hagom au. Lewo Allah De mimun nyeng gom no rinaha lo, tungwatu nya ikan tut bi. Noro handei kon ba, jikan tut Nide mimun dima. Mben Israel bihi ingkek ndok noro ide ningkek ndokti dima jo kikau bi. Noro mijo nijoti nok bibou ngkiai nya di mitti kin Allah imangti dem ug e.

ROMA 11:25 ပူးပေါင်းရင်းမြစ်များ

LUKAS 21:24

Lewo siceu nya iba simeda bitot bihi bikri bihi ug ei ingkiaisi cem leu api ngkiai nya mico kep minu ndig Yerusalem binnir-wap kikau bibou nijam di Allah kos tut mem yok ngwig ug e.”

ROMA 16:25

Ma inggei sut Allah! Noni bon nisindemti mem gima sindem tut je leu binhyepo jiba jingon com Noni bibor. Gi dipai dini bicim tindei Nihyet Di Kei di ditri tut Yesus Kristus. Nihyet di ditri tut bicim tindei mimun nyeng gom di Allah mbot kep tut. Ingon dorti tut mimun di jo nding leu tungwatu mem nijam di mimbrek ngan dima bi.

ROMA 12:16

Ma jahagom jingon kwes kin yam lene ma jingon jei au. Noro ma joom jenti sur yam kin yo di igyai inyeng bi nya. Ma jiba jingon bisrip huk tut jenti bipia jingon ki dor njiriek mun di dem mem jeni au.

NINGAT-HI-NGAT NYA 10:7

Lewo tirigi malaikati gi nimuhwindacan miep nide pun mbrei lene Allah yai igbit ningon kanti di jo nding bit leu nok Noni tri tut bak Nide awak di nabi nya nipou su pima.”

NINGAT-HI-NGAT NYA 7:9

Gima ngwig leu lene dingat tungwatu ningot ndig krop di idem yam ei ba, bit bon hi kwop imangti kan bi. Yo dini ikwei leu keret nya kin minu nya kin nihyet nya kin mben nya hagom. Ijuk sinsun ndok di jei di tiei kei bikrau dui meng ei indati ba, yahagom igya keyam ei banggo mbrei nuhui bitou kep Domba Pmot Noho bei nggilun.

EFESUS 3:9

Ditde midyai nya hi bu rinok gini. Dibindei ba, tungwatu nya ingon dorti tut notou nimimun di Allah tin ei nipou su mipek kep mem nye. Allah di pai tes mun nyeng hagom ku nimimun dima nyahan habiei ei nimbie him kikau kwei bipek ammani kep,

MAZMUR 22:27

Nuhui mbum nya mikwei yem njita bindei yok bit leu ingon kanti. Yo di induk yam kwei ndam Na yahagom minggei sut Na di tuhan. Dijoi sut gima jibong kei jigwam kei bijo ninno bijo kikau!

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”

PETRUS GI NICAN 3:8

Noro disut bat jen, ma jingon prion ser mun nyeng gom dini au. Njap gom ngat kin ari bingwam nitindur sribu gom ter leu yam ba, hi cun hi jei ei Allah niyai him bi.

KORINTUS GI NIGOM 10:1

Disut bat jen, ma jiyok ngon kep mun di pek kep mem idigup bat-idigai bat nya di ibit Musa. Bumbuhui ttou nyohou yok ba, yahagom isigon Muk Ngwoi bikwei dihip ei nite dini kwei.

ROMA 1:13

Disut bat jen, ma jiyok ngon kep bipia dipi bidihwou ngat je mbirimang tu noro mun nyeng hi bigen ser da. Midihwou ngat je leu binhyepo diyai midyai ei jikieti bibindei ningat ntun him noyam kin midyai di diyai ei ngkiai nya ikieti dima di ningat ntun him ei minu hi ter tu.

HOSEA 14:9

Mben Israel micom ide kwar di ikuk yok bak nya bingwig leu yok leu api dinyohou yok bidibuhup ide nadi. Midiya srak ko hagau yok noyam kin biai mbrei di bon nimbrinap di nggrou kei lewo Dani ne nibousi mem ide mun di kei nya hagom. Da di tuhan disimbot dat tu.”

YESAYA 5:21

Buhun bibor mem je di jikan bipia jingon ki ba, jintin kimbo bibor cem a!

MAZMUR 72:17

Abindei ba, tungwatu nya ingon prion ser nibou ndig ninyeng bi sren. Lene nikei-kau-keisi kum eisi kikau mem nijam di mpia njap com nimig. Ma abindei ba, ngkiai nya yahara Allah leu binhyepo Noni minjei mun di kei bak yoni bit leu nok Noni njei mun di kei bak nibou ndig ba, yo dima yahagom ingat nadi tindei ningon llei biborti mem noni.

KORINTUS GI NIGOM 12:1

Nogindini dibuhup jide srat di bitut Allah Ninnei de nisindemti nya. Tut gima ne dijoi sut jingon dorti tut ningginausi di nijit-jau nya.

NIPINGOK NINGONTI 26:16

No di nghen kan bipia ningon ki nindig dor njiriek ibou muhwindacan di ibuhup igbit.

NIPINGOK NINGONTI 26:12

No di ningon mbum bibor kei njiriek no di pai sut nonti nok no di ningon ki noro ningon ki bi.

MAZMUR 127:1

Salomo de doia nikui ug ei Mbigdip Sion Gino tuhan win ig bi ne tukan di ingot nya iwin ig mikui-kausi. Gino tuhan ya srak ko hagau minu ndig bi ne tentara di igya ser minu ndig nya igya ser mikui-kausi.

MAZMUR 107:43

Dijoi sut gima yo di ingon ki nya ikan-kan nyen tut gima yok hagom ba, iba ingon srip bram tuhan de ningon ngakei nyeti di ug hon nohonti bi sren a.

MATIUS 13:11

Noni buhup “Allah mbot kep mimun tut Ninyeng Tak Kepti bije tu noro Noni mbot kep mimun dima bak yo di hiter bi.

YOHANES 10:16

Ditde domba nindigsi di icoi kwei ei sar nsi dini bigyo yo rinaha. Suar dijem yoni cem kwei leu api imiap dihyet apino domba nya yahagom inok gom ba, ide gembala cem gom ngat.

ROMA 9:18

Gima rino Allah ngondut igom bit leu ningon kanti bibindei igom ningon tindak bit leu ningon kanti.

ROMA 11:12

Allah njei mun di kei bak ngkiai nya drek dip mben Yahudi di igyai mun tunggwei bibit Allah ningon kanti bi. Gima rino Allah mikum ei ninjei mun di keiti bak tungwatu nya bu drek dip mben Yahudi di ingon kwes kin Noni hanyen bu!

ROMA 11:24

Tirigi Noni sriot je di ngkiai nya leu biei zaitun sisron ninjem leu api ngot jeni kin biei zaitun nitu ninjem lene Noni yai gima njiriek niyai kepti. Mben Yahudi inok ninda nitu nya. Krop kei mem Allah ngot yok hanyen kin ide biei zaitun nitu dima ninjema.

KORINTUS GI NIGOM 2:7

Noro ningon di ki di nijit-jau di dingginau je tut dima ne ningon di ki di kwei leu Allah ri. Ningon di ki di nijit-jau dima jo nding leu tungwatu nya igyai him. Nipou tirigi Allah pai tes dihyeisi dini bigyo ne Noni kos tut bipia ba ningon di ki di nijit-jau dima bipriet kin Nide nikei-kau-keisi.

KORINTUS GI NIGOM 4:1

Ma jiba jingon bisrip huk tut nye bipia ninok awak mem Kristus. Allah ba ningon com nye tut Nide ningon kanti di tungwatu dihyeisi dini ikan tut bi.

EFESUS 1:9

Allah yai midyai bibit leu Nonti ningon kanti. Gima rino Noni mbot kep tut nimimun di Noni tin ei nipou su binye. Allah kos tut nipou su bipia ningon kanti mipek kep mem tungwatu nya tug hon Kristus.

EFESUS 4:18

ingon tindur mpung tut nidinditi. Yoni inggre kin niyaijo nijep di Allah yai binye bi lewo ingon dorti tut mun di bitut Noni bi ba, ingkek ndok.

NINGAT-HI-NGAT NYA 1:20

Gini ne mimun tut ham mpia-bbed him ningat muhwindacan di dikrau ei dinda com bou ayai him kin mini njeng nidihim ningat muhwindacan di iba mas bibon ri. Ham ningat muhwindacan dima ne malaikati nya ibou muhwindacan di ibuhup tut mbusyamei ningat muhwindacan ri. Ba, mini njeng nidihim ningat muhwindacan ne mbusyamei ningat muhwindacan ri.”