ROMA 11:22 - ALLAH NIHYET MEM TUNGWATU NYA

²² Mun dima yok ndo binye bipia Allah ningon nggriu cem nggwes cem. Ningon nggwes tut yo di ibon sisar noro ningon nggriu sut je gino jiyai munti nya biyai Allah ningon nggriu sut je. Gi bi ne Noni misriot je hanyen leu.

ROMA 11:22 ပူးပေါင်းရင်းမြစ်များ

MAZMUR 31:19

Atak kep ser yo di iris mun igkei nya yuhui hak leu gi iba ingon di jei bipai yo di ingon sren nya kinei a.

YESAYA 66:14

Tirigi mun dima pek kep mem jeni ne mijingon nggei-hi-nggei ba, jinghuisi sindem cem kwes cem ba, jidem kep minta di nimeng ngun-ngau kei. Leu api Ditde nisindemti mimpung ei Ditde awak nyati noro Ditde siceu nya mitug ndei Ditde nigga yoti.”

YEHEZKIEL 18:24

Gino no di ningon kwes kes hon ba, yai mun di igbit bu bi noro sindi ngkwei hanyen kep mun di mbuk bibor di mpiei bibor biyai bram yo di imbuk bibor nya igyai kepti nya ne no dima hek tut niyaisi e? E bi! Midiyok ngon kep niyai munti di kei bibor nya bu bi leu api noni miyai nimai drek dip ningon di gom bi kin nide sisar nya cem.

YEHEZKIEL 3:20

Gino no di ningon kwes-kwau sindi ngkwei hanyen ndam mun di mbuk bibor leu api disindui sut ba, mun di buhun cut igkep noni lo, asok kep noni bi lene noni mitug midut drek dip nide sisar. Midiyok ngon kep niyai munti di kei bibor nya pima bu bi noro suar abiang nimaisi nibuhunti hanyen.

LUKAS 8:15

Njita ngan di cut ug ei dihyei suti bindo tut yo di imiap nihyet leu api ipwoi ei ingon di gomti kin ingon di kwes keiti. Yo dini ita ibou eisi bikui dip ningat di kei ntun him.”

YOHANES 15:2

Bikwop ninda di tug Da lo, ningat ntun him bi ne Noni sriot leu hak ug. Noni kot ninggrupti bipe nimeng bihi leu ninda di ningat ntun him leu binhyepo ningat hi kin ntun him bu.

YOHANES 8:31

Gima rino Yesus pai bak mben Yahudi di iba ingon com Noni “Gino jibit Ditde ningginausi lene jeni ne yo di itti kin Da nijit-jau ri.

KISAH 11:23

Tirigi noni kwei krau bingat lo, Allah singat tut yok lene ningon llei bibor. Lene noni pingok yo dima ingonti leu binhyepo iba ingon titut yam bingon gom tut Tuhan.

KISAH 14:22

Yoni ibiwin kep yo di ingon jo kep nya ingonti ei minu ndig dima yok leu binhyepo igya ngkiem ba, iba ingon com Yesus kikau. Yoni ingginau timiei nya ei minu ndig dima yok bit leu nok Yesus nipaisi “Mun di buhun mang bibor cut igkep nye di ikak puig di bie ug ei Allah Ninyeng Tak Kepti.”

ROMA 11:21

Leu gino Allah sindui sut mben Yahudi di inok ninda nitu nya ba, intun ninjem him bi lene ma jikan bipia Noni misindui sut jeni ba, jintun ninjem him kikau au!

ROMA 2:7

Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok.

KORINTUS GI NIGOM 15:2

Gino jikrau kep Nihyet Di Kei di ditri tut bije lene nihyet dima bindei ba, jiyai niteu leu sisarti kin niyaijo nijep. Gi bi ne jingon jo kep nihyet dima mikui-kausi.

GALATIA 6:9

Gima rino ma ingon cut leu ide niyai munti di kei bibor nya au. Leu gino ingon cut leu bi lene mpe di gom mingat ningat leu igyai munti dima yo.

TESALONIKA GI NIGOM 3:5

Leu api gi mbun doom kep dingonti bu kan bi. Gima rino dipinak Timotius hwou ngat je leu binhyepo ngig niyai kep jide niba ningon com Yesus Kristusti. Lewo dikrau dingon tut je gino jicut bak Bilis lene gima bindei ba, nicom nahanggwap tut je mikui-kausi e?

TESALONIKA GI NIGOM 3:8

lene jinghapti tibim tut gi jingon nddong kei tug hon jide ninok gom kin Tuhanti kikau. Lene gima biyai ningon di nggan-triot kei hanyen.

IBRANI 10:23

Ma ikrau kep ide niyok ngon memti di tibim ei nyenti yuhui him lewo ingon ngkiem tut bipia Allah miyai hagom bit leu nok Nonti nipreu ei mem nyeti tu.

IBRANI 3:14

Gino ikrau kep ide niba ningon comti di igyai ei nimbie him kikau bipek ningwig honti lene inok Kristus nisut bat nya ri.

IBRANI 3:6

Noro Kristus ningon gom ba, Noni ne Nipmot di nyohou Allah de ig ri. Ba, nye dini ne Allah de ig rin gino ibrim ingkek ba, ingon ngkiem tut mun di igyok ingon mem.

YOHANES GI NIGOM 2:19

Yo dini inok gom kin nye di mbusyamei bi. Gima rino ikes nye ei bimbut leu nye tu. Gino inok gom kin nye di mbusyamei ne igwam bit nye kikau kwei bipek ammani kep. Noro ikes nye bimbut leu nye tu ba, gini bindo bipia inok gom kin nye bi.

NINGAT-HI-NGAT NYA 2:5

Gima rino ma jibisrip tut notou jingkwei hanyenti ug e! Ma jittin ser jide sisar leu api jiyai bram niyai munti nya di jiyai ei nimbie him. Gi bi ne midihwou pos jide mini njeng nidihim leu nijoti.