ROMA 11:20 - ALLAH NIHYET MEM TUNGWATU NYA

²⁰ Igbit ri. Noro Noni sriot ninda dima leu drek dip gi ingon jo kep Noni bi. Lo, jiluei niceti lewo jingon jo kep Noni. Noro ma jingon jei sut au. Ma jidigit tut.

ROMA 11:20 ပူးပေါင်းရင်းမြစ်များ

NIBOHON MBEN ISRAEL GI NICAN 20:20

Njapti kui lene limwa timiei Yehuda nya injei mem njap tekti ba, yuug ei iggum ndigsi dideu Tekoa pima. Tirigi ikiju bimbut rin lene Yosafat sok kep yok “Timiei Yehuda kin Yerusalem jen! Ma jiba jingon com jide tuhan Allah leu api mijiya ngkiem mem gima jikon pran bit yok! Ma jice tut bijibit nabi jide nya ipingok jeti leu api mijibindei cut jide siceu nya!”

MAZMUR 138:6

Mbro nok gino akei-kau-kei lo, angig ayai kep yo di ikinei-kinau nya. Bit bon yo di ingon jei nya iku yonti nding leu ayai him kan bi.

NIPINGOK NINGONTI 28:14

Ma akuk na bak tuhan ba, abit nihyet kikau api angon minggei-hi-nggei. Gino angkek ndok tut tuhan ne atug ndei mun di buhun bibor.

NIPINGOK NINGONTI 28:26

No di ba ningon com nonti ningon kanti nya nintin kiek. No di bit yo di ingon ki nya ide nipingokti nya miningwes ngun leu mun di buhun.

YESAYA 2:11

Yo di inggei sut yonti inyeng micut leu api yo di ingon jei mikuk yok bak tuhan lewo suar tungwatu nya ikon Nongkom ninyenga.

YESAYA 2:17

Yo di inggei sut yonti inyeng micut ba, yo di ingon jei mikuk yok bak tuhan lewo suar tungwatu nya yahagom ikon Nongkom ninyenga.

YESAYA 66:2

Dangkom dipai tes mun dima yok hagom bou dinda him! Dijoi sut yo di iba ibou coi mem Da kin yo di ittin ser ide sisar kin yo di ittin tut Da kin yo di ibit dihyet.

YESAYA 7:9

Mben Israel ide nisindemti nindig dor njiriek minu ndig Samaria bi ba, minu ndig Samaria de nisindemti nindig dor njiriek Nibou Ndig Pekah bi. Gino aba angon titut bicom Da bi lene acut bak ade siceu nya.”

HABAKUK 2:4

Ma apas kep ‘Yo di imbuk bibor mingwes ngun bi noro yo di ingon sren nya migyai niyaijo drek dip ide ningon gom tut Allahti.’ ”

ZEFANYA 3:11

Ditde limwa jen e, dem tut gima jingkek kan nimmai ei njap dima drek dip gi jikiek jimig jou tut da bi. Midijji bikwop ngkiai nya di illei-lau kin yo di ingon jei nya bingwig ug. Noro tut jeni ne mijaham jimbuk kep Da ei Ditde nungug di kwes bu bi.

LUKAS 18:14

Ma jingon jo kep bipia tirigi no dini ngkwei hanyen ug ei ig bei lene Allah cigit noni noro cigit Farisi pima bi. Lewo Allah moom kep bikwop no di joi sut ninyeng jei noro Noni mikon bikwop no di om kep ningonti dima ninyeng.”

KISAH 18:6

Noro isrep tut bipai noni kinei. Gima rino noni kit nide sinsun tut dihyei ndung di dimbos leu nok mun di bindo di bipingok yok tut igyai munti di kinei dima leu lene pai biyok “Gino jenti jibindei jenti bijisar ne gima tug hon jenti lene tug hon dani bi. Hon kep ammani kui ne midipwoi Nihyet Di Kei biduug sut ndam ngkiai nya.”

ROMA 11:18

Gima rino ma jingwes pri gau ninda nya di Allah sriot leu biei zaitun nitu dima au. Ma jiyok ngon kep bipia jeni ne ninda nya he. Ninda nya yai njita hi bak nigau nya bi noro nigau nya igyai njita bak ninda nya.

ROMA 11:21

Leu gino Allah sindui sut mben Yahudi di inok ninda nitu nya ba, intun ninjem him bi lene ma jikan bipia Noni misindui sut jeni ba, jintun ninjem him kikau au!

ROMA 12:16

Ma jahagom jingon kwes kin yam lene ma jingon jei au. Noro ma joom jenti sur yam kin yo di igyai inyeng bi nya. Ma jiba jingon bisrip huk tut jenti bipia jingon ki dor njiriek mun di dem mem jeni au.

ROMA 12:3

Allah singat tut da. Gima rino disok kep jahagom bipia ma jiba jingon di jei bisrip huk tut jenti au. Noro ma jibisrip huk tut jenti mmuti. Ma bikwop tungwagom-gom ba nisindemti di Allah yai binoni bisrip huk tut nonti drek dip nide niba ningon com Yesusti.

ROMA 3:3

Mbro nok gino mben Yahudi bihi ingon gom bi lo, gini ndo bipia Allah ningon gom tut tungwatu nya bi e?

KORINTUS GI NIGOM 10:12

Ma no di kan bipia ningon nddong kei ningon sok kep nonti leu binhyepo cut ei sisarti au.

KORINTUS GI NIGOM 15:1

Disut bat jen, nogindini dipus kiek jingonti tut Nihyet Di Kei di ditri bije nipou su. Jiyai nihyet dima bijipwoi ei jingonti lene jiba jingom com Kristus tug hon Nihyet Di Kei dima.

KORINTUS GI NIGOM 16:13

Ma jiyai ngkiem bijiba jingon di nddong bingon jo kep Kristus ningginausi nya. Ma jiba jingon di nddong biyai jibou tut yo di itte tut je lene ma jiyai nisindemti.

KORINTUS GI NICAN 1:24

Diwit huk je tut mun di suar jingon jo kep nya bi. Lewo nikan tut bipia jingon nddong kei sut jide niba ningon com Kristusti. Noro diyai midyai ei jikieti leu binhyepo dibiyai jingon llei bibor.

KORINTUS GI NICAN 10:5

ninggek nisindem nibousi nya di yo di ingon jei nya ingot bisrin ser puig di bie ndam Allah. Nikat ningon kanti nya di ntun dihyeisi dini him binikuk hagom bibit Kristus nihyet cem.

FILIPI 2:12

Gima rino disut bat di dingon kieti jen, nipou tirigi dingat rin bit je ne jibit dihyet. Tini bu tirigi dibong minu ting leu je lene ma jibit dihyet dor njiriek bu lewo gini bon ninyeng mem je. Allah teu je leu sisar bijiyai niyaijo nijep tu. Noro ma jiba ningon di gom tut Noni kin nibit ningon kanti mem je binyohou jide niyaijo nijep kikau,

KOLOSE 2:7

Ma jicom jigau kikau ug ei Noniti. Ma jingot jide niyaijo tereu nok jingot ig ei Kristus di nok nikiou di nddong keiti. Ma jikum ei jide niba ningon com Kristusti bit leu nok jide nibou ngginau je tut tu. Ma jinggok biken tirigi jipai sigyo.

TESALONIKA GI NICAN 2:4

No dima mitte tut mun di tungwatu nya ibikuk yok bak kin nung nya di ikuk yok bak hagom leu api mikon ninyeng jei dor njiriek ninyeng hagom bigwam jug ei Tuhan De Ig bitri tut bipia noni ne Allah ri.

TIMOTIUS GI NIGOM 6:17

Ma asok kep yo di inyeng tut ndigban di mipror yon mem nijam dini. Ma ingon jei sut biba ingon com mun di inyeng tut au. Noro ma iba ingon com Allah di yai mun nyeng hagom binye leu binhyepo ingon kei drek dip.

IBRANI 3:12

Disut bat jen, ma jisok kep jenti ser nhyema jigom ningon rom ba, ningkek ndokti bindei mbres nonti ei minu ting leu Allah di Niyaijo au.

IBRANI 3:19

Jo nibreisi bipia bit bon icoi ug ei mpia dima bi drek dip ingkek di ndok kin gi igiba ingon com Allah cem bi ri.

IBRANI 4:11

Gima rino suar ibrim ingkek mem gima igyai nibong kep ninghuisi di Allah preu ei mem nye dima leu binhyepo jigom krau tunggwei puig noyam kin yo di itunggwei drek dip ide ningkek ndokti di iba ingon com Allah bi dima bi.

IBRANI 4:6

Yo di imiap Nihyet Di Kei habiei icoi ug ei mpia dima bibong kep inghuisi bit Allah bi lewo iba ingon com Noni bi. Gi nok ne jo nibreisi bipia Allah sindui sut hiter ba, icoi ug ei mpia dima bibong kep inghuisi bit Noni.

YAKOBUS 2:19

Angon jo kep bipia Allah Nongkom ngat he e? Kei bibor! Ninnei rom nya cem ingon jo kep nok lo, gima bindei ba, inghuisi mpig sut ba, ittin tut.

YAKOBUS 4:6

Mbro nok gima lo, nisingat tutti di Allah yai binye sindem bibor dor njiriek bu. Bit leu nok gi ipas ei Allah nihyetti “Allah timbe tut yo di ingon jei noro singat tut yo di iba ibou coi mem yam.”

PETRUS GI NIGOM 1:17

Tirigi jingat nadi bak Allah lene jindat kep ninyeng Arigya. Noni mbus nggok tungwatu nya bibit leu nok yonti njem di Noni ngat bou niyai him bi. Noro buhup biyok bit leu nok igyai munti nya. Gima rino ma jiba jiyaijoti ei dihyeisi dini bikon Allah ninyeng.

PETRUS GI NIGOM 5:12

Disut Silas mpu da bipas kep srat dini. Dikan tut bipia noni ne no di Kresten di ningon gom ri. Dibiwin kep jingonti bidipai jit bipia mun di nipas kep ei srat diniti ndo tut Allah nisingat tut nyeti di nijit. Ma jikrop jinda ei Allah nisingat tut nyeti kikau.

PETRUS GI NIGOM 5:9

Ma jiba jide niba ningon com Yesus Kristusti di nddong kei bihwen bit noni lewo jikan tut bipia jisut bat yo di ingon jo kep nya bidem dihyei nisurti-nipekti hagom igyai ninghuisi di wei noyam kin jeni.

NINGAT-HI-NGAT NYA 18:7

Ma jibindei ba, ninghuisi wei nindig bibor ba, ningon ngguk bibor cem sur nide ningon jei sut nonti kin ndigban nindig bibor di noni mbus keyam ei mem nonti. Lewo noni kan a ‘Sani ne sop nibou ndig rin ba, sinyeng tak kep mun nyeng hagom. Sani ne sop kibom rin bi ba, misingon ngguk bi sren.’

NINGAT-HI-NGAT NYA 3:17

Jipai sut jenti bipia jinyeng cem jibong kei jigwam kei cem ba, jisuar mun nyeng hi bi. Noro jingon ngat gi jikinei-kinau ba, jindwau cem bi. Ningat ne juhui mbum ba, jingat ngu bijiyai tu tu.