ROMA 11:13 - ALLAH NIHYET MEM TUNGWATU NYA

¹³ Nogindini dipai dihyet gom bak je di ngkiai nya. Ei nijam di diya kui Yesus ei ngkiai nya ikieti diba dingon srip huk bipia midyai di diyai nya bon ninyeng nindig bibor.

ROMA 11:13 ပူးပေါင်းရင်းမြစ်များ

KISAH 13:2

Mpe di gom tirigi ikuk yok bak Tuhan bigyem njita bi mem nituti poi lene Allah Ninnei pai biyok “Ma jidimig Barnabas kin Saulus ei mem Da leu binhyepo igyai midyai di dikos tut ei mem yok tu.”

KISAH 22:21

Noro Tuhan pai bida ‘Aug hak ug lewo dicuk na ug ei minu ting ndam ngkiai nya.’ ”

KISAH 9:15

Noro Tuhan buhup “Akiju ba, ambut hak ug lewo didimig noni nok Ditde awak leu binhyepo noni tri tut Dani bak ngkiai nya kin nibou ndig nya kin mben Israel yahagom.

GALATIA 1:16

Tirigi Noni kos tut bipia ndo Nipmot brei bida leu binhyepo ditri tut Nihyet Di Kei tut Nipmot bak ngkiai nya lene duug nggok tungwatu nya mem gima ipingok dingonti tut bi.

GALATIA 2:2

Dingkwei hanyen ug ei minu ndig Yerusalem lewo Allah bie tut da nok. Ba, dani kin nibou mbusyamei nya ninduk yam ei binyengkom leu api dipui sut Nihyet Di Kei gi ditri tut bak ngkiai nya. Dikrau dingon tut yok leu ma ijoi sut ditde midyai di nipou kin midyai di diyai kikep nya bi. Leu gi nok ne bindo bipia diyai midyai mikuisi he.

EFESUS 3:8

Allah de limwa nindigsi nya yahagom inyeng jei dor njiriek da lewo dibon dinyeng bi. Mbro nok gima lo, Allah ba ningon com da tut midyai di bon ninyeng. Midyai dima ne midyai nitri tut Nihyet Di Kei tut mun di bitut Kristus di bon nibok di bit bon ug hon nohonti kan bi bak ngkiai nya.

TIMOTIUS GI NIGOM 2:7

Gima rino Noni cuk da nok no di ya kui Yesus leu binhyepo ditri tut Nihyet Di Kei bak ngkiai nya ba, dingginau yok tut niba ningon com Kristusti di nijit. Mun di dipai sut dini ne nijit-jau ri. Diris bi!