ROMA 10:17 - ALLAH NIHYET MEM TUNGWATU NYA

¹⁷ Gima rino tungwatu nya iba ingon com Kristus ei mpe dino imiap nihyet lene imiap nihyet ei mpe dino hi tri tut Kristus biyok.

ROMA 10:17 ပူးပေါင်းရင်းမြစ်များ

AYUB 42:5

Ei nipou pima ne dikan tut mun di hiter nya ipingok dingonti tut he. Noro tini bu ne dingat angat bou diyai him tu.

MARKUS 4:24

Ma jiyok ngon kep mun di tibim ei jitingou nsi. Allah mibinai je bit leu nok jibinai nindigsi nya lo, Noni mibinai je dor njiriek bu.

LUKAS 11:28

Noro Yesus buhup “Yo di imiap Allah nihyet bibindei mbut nihyet dima ingon nggei-hi-nggei nindig dor njiriek bu.”

LUKAS 8:11

“Nihyet nibiti nindati pima ningginausi pai binye bipia njita ngan dima ne Allah Nihyet ri.

LUKAS 8:21

Noro Yesus buhup “Yo di imiap dihyet bigyai igbit Allah ningon kanti ne dipmem kin dikinjoi bat nya ri.”

YOHANES 1:37

Ibou can di igya kui Yohanes pima ikes noni ei leu bibit Yesus.

ROMA 1:16

Diba dingon com Nihyet Di Kei nindig bibor lewo Allah ndo Nide nisindemti tug hon Nihyet Di Kei di bindei yo di iba ingon com Noni igyai niteu leu sisarti kin niyaijo nijepti. Gini mem mben Yahudi nipou leu api mem ngkiai nya cem.

ROMA 10:14

Noro notou tungwatu yahara Noni gino ingon jo kep Noni bi i? Notou ingon jo kep Noni gino imiap nihyet tut Noni bi i? Notou imiap nihyet tut Tuhan gino hi tri tut nihyet biyok bi i?

KORINTUS GI NICAN 2:17

Nyeni ninoyam kin yo di hiter di iba Allah nihyet bikek noyam kin ndigban di nitri-binibipek ndiyok bi. Niba ningon srenti kin ningon gomti biyai kep Allah de midyai nya bou Noni niyai him lewo Noni cuk nye. Noni ngat bipia ninok awak di tri tut nihyet.

GALATIA 3:2

Ma jibuhup igbit bida. Apo jiyai Allah Ninnei ei jingonti tug hon gi jibit Puig Yahudi niggai serti nya e, he tug hon gi jimiap Nihyet Di Kei leu Allah leu api jingon jo kep Kristus e?

GALATIA 3:5

Allah yai Ninnei bije ba, bibon mindur ei jikieti. Apo Noni yai gima drek dip gi jibit Puig Yahudi niggai serti nya e, he drek dip gi jimiap Nihyet Di Kei leu api jingon jo kep Kristus e?

KOLOSE 3:16

Ma Kristus nihyet di mpung tut mun di kei nya yai jingon bidut nihim. Ma jiba jingon di ki bipingok yam lene bingginau yam ngonti. Ma jikon doia kin mazmur nya ba, jibipai sigyo bak Allah ei jingonti.

TESALONIKA GI NIGOM 2:13

Mun nyeng gom kin bu di bindei dino nijem sigyo bak Allah rinok gini. Tirigi nitri tut Nihyet Di Kei leu Allah bije lene jimiap ba, jice tut nihyet dima tereu nok mun di tibim leu tungwatu nya yuhui him bi noro nok mun di nijit-jau di kwei leu Allah Nonti. Noni yai midyai ei je di jingon jo kep Kristus jingonti.

IBRANI 4:2

Lewo imiap Nihyet Di Kei bit leu nok gi yoni cem imiap. Noro nihyet di tibim ei itingou nsi bon ninyeng mem yok bi lewo ingon jo kep Allah De nipreu ei mem yokti bi.

PETRUS GI NIGOM 1:23

Jiyai niyaijo nijep leu Allah di nok Jicigya. Noni ne tungwatu di mai hak rin bi noro niyaijo kikau buug hon nohonti bi. Allah ribindei dino jiyai niyaijo tug hon Nonti nihyet di niyaijo ba, bit bon sar kan bi cem.

NINGAT-HI-NGAT NYA 1:9

Dani ne Yohanes ba, dinok jisut no di Kresten ri. Dibicom yam bit je mem nijam di iba ibou coi mem ninghuisi wei di cut igkep Nide limwa nya di inok gom kin Kristus. Disima ei Mios Patmos drek dip gi ditri tut Allah nihyet di Yesus ba Nonti nihyet bibindei sindem bibor.