ROMA 10:15 - ALLAH NIHYET MEM TUNGWATU NYA

¹⁵ Notou hi tri tut nihyet gino Allah cuk noni bi i? Lewo Allah Nihyet pai “Yo di ikwei sut Nihyet Di Kei leu Allah inghapti biyai tungwatu nya ingon kei bibor!”

ROMA 10:15 ပူးပေါင်းရင်းမြစ်များ

YESAYA 40:9

Ma akui ug ei nungug di jei bibor leu api atri tut nihyet di kei bak minu ndig Yerusalem! Aba ahyet nindig bitri tut nihyet di kei bak Sion! Ahap aji lene ma angwes mien tut au. Ma atri tut bidem minu ndig nya hagom ei minu Yehuda bipia ide Allah dideu su!

YESAYA 52:7

Yo di ingat no di ttau kep yok ei nungug him igyai nillei nindig bibor lewo no dima kwei sut nihyet di kei kin nihyet tut ningon kwes kin yamti kin nihyet tut niteu ningwes ngunti bak Sion bipai “Jide Allah ne Nibou Ndig ri!”

YESAYA 57:19

Midibindei yo di yahagom bitut yo di ibong dideu kin yo di ibong ting cem mibong nyahan. Midibindei ba, Ditde limwa nya ikei hanyen.

YESAYA 61:1

tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.

YEREMIA 23:32

Da di tuhan ditte tut nabi di itri tut ide mun di imumpriem nya di mpung tut mun di igbit bi. Iba ide mumpriem dima biris mun bak tungwatu nya. Iba ingon di jei bindei ba, Ditde limwa nya israwir. Dipinak nabi dima yok bi ba, impu Ditde limwa nya bi sren. Da di tuhan disimbot dat tu.”

NAHUM 1:15

Angat i! Dipinak tungwagom di kak puig ei nungug him kwei ba, mikwei sut nihyet di kei. Nihyet di kei dima bindei timek siceu nya. Timiei minu Yehuda e, ma jibon midut kep jide njap ndig ba, jigo jide nitto ei mem Allahti. Yo di isibut nya minyeng tak kep jide minu bu bi. Lewo itimek bingwig bibor bihigom tu.

MATIUS 9:38

Gima rino ma jingat nadi bak miai niceu leu binhyepo noni micuk nide awak nya biyuug kos njita hagom kwei ei igudanti.”

LUKAS 10:1

Mpe hi bu lene Yesus dimig yo di ibit Noni ibou ningot muhwindacan bu leu api cuk ibou can ibou can lene nok ba, yuug ya bibie bidem minu ndig di Noni tin ei mem gima ug cem kep nya.

LUKAS 2:10

Noro malaikati pai ser yok “Jittin au! Lewo dikwei tri tut nihyet di kei bije ba, nihyet dima mibiyai tungwatu nya yahagom ingon llei bibor.

LUKAS 2:14

“Ma inggei sut Allah di Ninyeng Jei ei gwamti o! Ma yo di Tuhan joi sut yok nya ibong kei igwam kei ei dihyeisi dini o!”

LUKAS 8:1

Njap poi kin bu lene Yesus mbut nimig bidem minu ndig nya kin minu mien nya hagom bitri tut Nihyet Di Kei tut Allah ninyeng tak kepti. Ibou simnaibrimigcan di igya kui Noni ibit-bit nyen.

YOHANES 20:21

Lene Yesus pai biyok mbigom kin bu “Ma jingon jo nyahan. Dicuk je ug ei dihyeisi dini noyam kin Dicig cuk Da kwei ei dihyeisi.”

KISAH 10:36

Disut bat jen, jikan tut nihyet di Allah sok bak mben Israel. Nihyet Di Kei dima bie ndam ingon di kwes kin Noni tug hon Yesus Kristus di nok Tuhan mem tungwatu yahagom.

KISAH 13:26

Disut bat je di jintun Abraham him kin je di nindigsi di jikuk je bak Allah e, Allah sok nihyet tut niteu leu sisarti kin niyaijo nijep kwei bak nyeni yahagom.

KISAH 22:21

Noro Tuhan pai bida ‘Aug hak ug lewo dicuk na ug ei minu ting ndam ngkiai nya.’ ”

KISAH 9:15

Noro Tuhan buhup “Akiju ba, ambut hak ug lewo didimig noni nok Ditde awak leu binhyepo noni tri tut Dani bak ngkiai nya kin nibou ndig nya kin mben Israel yahagom.

ROMA 1:15

Gima rino dingon bisau sut gima ditri tut Nihyet Di Kei bak je di jibong ei minu ndig Roma cem.

ROMA 15:20

Dingon bisau sut gima ditri tut Nihyet Di Kei bidem minu di tungwatu nya ikan tut Kristus bigyo. Tug hon nisinati dima ne dikon ig ninggilai ei yo di hiter ide cou nipmemti bi.

EFESUS 2:17

Tut gima rino Kristus kwei tri tut Nihyet Di Kei di bindei ba, tungwatu nya igyai ingon di kwes kin Allah bak tungwatu yahagom. Bak je di ngkiai nya di jingat rin ei minu ting leu Noni kin mben Yahudi di ingat rin dideu Noni.

EFESUS 3:8

Allah de limwa nindigsi nya yahagom inyeng jei dor njiriek da lewo dibon dinyeng bi. Mbro nok gima lo, Allah ba ningon com da tut midyai di bon ninyeng. Midyai dima ne midyai nitri tut Nihyet Di Kei tut mun di bitut Kristus di bon nibok di bit bon ug hon nohonti kan bi bak ngkiai nya.

EFESUS 6:15

Ma jiba nice tut nibit nihyetti bitri tut Nihyet Di Kei di biyai ningon jo nyahan kin je nok srop di jijuk ser jimig joua.

PETRUS GI NIGOM 1:12

Allah mbot kep tut bak nabi dima yok bipia mun di itri tut dima mem yonti bi noro mem jeni. Mun di itri tut habiei dima tibim kwei leu yo di itri tut Nihyet Di Kei yuhui him. Ba, yo dini itri tut Nihyet Di Kei bije tug hon Allah Ninnei di Allah pinak kwei leu gwamti nisindemti. Gino malaikati nya ingon dorti tut mun di yo dima itri tut nipek kepti ne ingon llei bibor.