ROMA 1:8 - ALLAH NIHYET MEM TUNGWATU NYA

⁸ Nimbie him ne dipai sigyo bak Allah tug hon Yesus Kristus mem jahagom lewo tungwatu bidem minu imiap tut jiba jingon com Yesus Kristusti tu.

ROMA 1:8 ပူးပေါင်းရင်းမြစ်များ

MATIUS 24:14

Lene tungwatu nya mitri tut Nihyet Di Kei tut Allah Ninyeng Tak Kepti bidem dihyei nisurti-nipekti leu binhyepo tungwatu nya yahagom imiap tut nihyet nipou ug e leu api ningwig honti mitau kep je.”

LUKAS 2:1

Ei mpe dima Kaisar Agustus tri nihyet bipai bipia suar bikwop nide limwa nya bidem dihyeisi dini hagom yuug ei kintrorti di jo ei itimieisi bindat kep inyeng leu binhyepo noni kan tut yahagom imangti sok yam.

KISAH 11:28

Nabi Agabus cem ningat rin bit yok. Noni kiju biya lene ba nisindemti leu Allah Ninnei bimbot kep tut ninggum nindig bibor di mikieng kep dihyei nisurti-nipekti. (Ba, nimbot kepti dima cut igkep tungwatu nya ei mpe dino Klaudius nok nibou ndig mem yok.)

KISAH 28:22

Noro nijoi sut bipia asimbot kep tut angon jo kepti nya binye lewo nahagom nikan tut bipia tungwatu isrep tut nimpung dino anggre kin dima.”

ROMA 10:18

Noro dihig ser je tut mun nyeng gom. Yo dima imiap nihyet bi e? E bi! Imiap nihyet tu! Lewo Allah Nihyet pai “Ighyet tibim kikau ug ei dihyei nisurti-nipekti. Ipaisi tibim bipek minu nohon keti tu.”

ROMA 16:19

Tungwatu nya yahagom imiap tut jinghapti bikan tut bipia jingon gom tut Nihyet Di Kei leu Allah ningginau jeti nya. Gima rino dillei ngwig sut je. Dijoi sut gi jingon ki tut mun di kei nya lo, jingon mbum tut mun di sibut.

ROMA 6:17

Noro ma jikwei ba, ipai sigyo bak Allah! Leu mbro nok gino sisar ubon je bijinok awak nipou su lo, tini bu ne jiba jingon titut yam bibit ningginausi di nijit-jau di Allah yai bije tu.

KORINTUS GI NIGOM 1:4

Dipai sigyo bak Allah bikwop njap ngwa hagom drek dip Allah di singat tut je tug hon Kristus Yesus.

KORINTUS GI NICAN 2:14

Noro nipai sigyo bak Allah di bindei ba, nicoi bit nimpung yo di ibindei timek sisar nisindemti tug hon nyende niyaijo nok gom kin Kristusti. Allah ba nyeni bitri tut Kristus ningginausi leu api nihyet dima ntek gimahap nok ninghap di ui-gwang kei di nuui kieng kep mpia.

EFESUS 1:15

Gima rino tirigi dimiap tut jide niba ningon com Tuhan Yesusti kin jide ningon ngakei Allah de limwa nyati

EFESUS 1:16

lene dipai sigyo bak Allah drek dip je bidikes dihyet hon kan bi. Dikwop kep jinyeng nya bidingat nadi tindei je,

EFESUS 3:21

Handei kon ba, nye di inggre kin mbusyamei di inok gom kin Kristus Yesus inggei sut Allah bijo ninno bijo kikau lene ma tungwatu yahagom ikon Allah ninyeng buug hon nohonti bi! Igbit ri.

EFESUS 5:20

Ma jiba ide Tuhan Yesus Kristus ninyeng bipai sigyo bak Icig Allah tut mun nyeng hagom di pek kep mem je bikwop mmun-njap.

FILIPI 1:11

Apino hon kep njap dima ne jiyaijoti singat kei tug hon jide niyai munti di kei bibor kei nya di ntun Yesus Kristus Nongkom him ba, ibikon Allah ninyeng bibinggei sut Noni.

FILIPI 1:3

Bikwop mpe dino dingon huk niti tut je ne dipai sigyo bak Allah.

KOLOSE 1:3

Bikwop mpe dino ningat nadi tindei je lene nipai sigyo bak Allah dino Tuhan Yesus Kristus Nicigya.

TESALONIKA GI NIGOM 1:2

Nijem sigyo bak Allah tut jahagom ba, ningat nadi tindei je bikwop njap-njap.

TESALONIKA GI NIGOM 2:13

Mun nyeng gom kin bu di bindei dino nijem sigyo bak Allah rinok gini. Tirigi nitri tut Nihyet Di Kei leu Allah bije lene jimiap ba, jice tut nihyet dima tereu nok mun di tibim leu tungwatu nya yuhui him bi noro nok mun di nijit-jau di kwei leu Allah Nonti. Noni yai midyai ei je di jingon jo kep Kristus jingonti.

TESALONIKA GI NICAN 1:3

Disut bat jen, suar nijem sigyo bak Allah bikwop njap-njap mem je. Gi nijem sigyo mem je dima ne igbit rin lewo jikum ei jide niba ningon com Yesus Kristusti ba, jikum ei jide ningon ngakei yamti cem.

2 TIMOTIUS GI NICAN 1:3

Dijem sigyo bak Allah. Dinok Nide awak di ningon mien kwes kei dem kep nok didigup bat-didigai bat nya di inok awak mem Noni nipou su. Dijem sigyo bak Noni tirigi dingat nadi tindei na bikwop mmun-njap.

FILEMON 1:4

Disut na di Filemon e, bikwop mpe dino dingat nadi lene dindat kep anyeng bidijem sigyo bak Allah drek dip na.

IBRANI 13:15

Gima rino ma inggei sut Allah tereu nok midut nibikos ser sisarti tug hon Yesus. Iba midut dima binggei sut Allah tirigi ipai jit bipia Noni ne ide Tuhan ri.

PETRUS GI NIGOM 2:5

Jinok tig di Allah bindei ba, niyaijo. Gima rino ma jisindui sut Allah ba je di jinok tig bingot Nide Ig di bit bon tungwatu nya ingat bou igyai him kan bi. Jinok imam di igyaijo mem Allah Nongkom ei Ig dimati ba, jibon midut di Noni joi sut ei nimbar hum dokti tug hon Yesus Kristus.

PETRUS GI NIGOM 4:11

Ma no di tri tut nihyet tri tut Allah nihyet. Ma no di mpu hiter ba nisindemti leu Allah bimpu yok leu binhyepo jiyai munti nya hagom bindei ba, tungwatu nya ikon Allah ninyeng tug hon Yesus Kristus. Allah rino nyeng tut nikei-kau-keisi kin nisindemti kikau buug hon nohonti bi. Igbit ri.