ROMA 1:3 - ALLAH NIHYET MEM TUNGWATU NYA

³ Nihyet Di Kei dima pui sut Allah Nipmot bipia Noni ne ide Tuhan Yesus Kristus ri. Tut Yesus ningut ne Nide pung kim Daud,

ROMA 1:3 ပူးပေါင်းရင်းမြစ်များ

NITRITI 3:15

Midibindei ba, na di wou kin no di sop jiba nitok biyam apino yo di intun nani him kin yo di intun no di sop him miba nitok biyam bu kikau. Nipmot mporo mitam abou ngwak lene mporo nani ma aham imig kien.”

MAZMUR 2:7

Nibou ndig dima pai “Miditri tut tuhan nisimbot datti.” Noni pai bida “Nani ne dipmot ri. Njap di ammani ne Dani dinok acigya.”

YEREMIA 33:26

nok gima cem midikrau kep Ditde nipreu eisi mem yo di intun Yakub him kin Ditde awak di Daud bijo kikau. Didimig tungwagom leu yo di intun Daud him sindam ba, ninyeng mitak kep yo di intun Abraham kin Ishak kin Yakub him. Midingondut Ditde limwa nya bidibindei ba, ibong kei igwam kei hanyen bu.”

AMOS 9:11

tuhan pai “Ei nidipti bu ne midipindi Daud ninyeng tak kepti di tti tu di noyam kin ig di nggun ba, kei hanyen. Dikinding ngug tig di krop ttai minu dima binoyam kin ngug tig gi nitimiei hanyen.

MATIUS 1:1

Daptar dini ndo igbit tut pung dino kwei bipek Yesus Kristus di Nide pung ntun Daud him ba, Daud de pung ntun Abraham him.

MATIUS 1:16

Yakub yai nipmot Yusuf dino Maria nijjep lene Maria srek tut Yesus di ninyeng hi Kristus.

MATIUS 1:6

Isai yai nipmot Daud di nok nibou ndig lene Daud yai nipmot Salomo di nipmem wak Uria bibie pima.

MATIUS 12:23

Tungwatu ningot ndig inggap leu tut nindig bibor ba, ihig yam “No dini ne Daud Nipmot di Allah Nihyet preu sut ei mem nye pima rin e?”

MATIUS 15:22

Sindig timiei minu Kanaan gom di bong ei hanjop nsi dima kwei hara Yesus “Na di Daud nipmot e, ma angondut da o! Ninnei rom ya dipmisop ningonti lene bindei ba, duhug-duhug nyen!”

MATIUS 26:63

Noro Yesus buhup bi. Lene imam nibou ndig pai binoni mbigom bu “Dipingok Na tug hon Allah Di Niyaijo ninyeng bipia gino anyeng rino Nibou Ndig di teu tungwatu nya biyai niyaijo nijep biyok di Allah Nipmot rin ne apai hak binye ug.”

MATIUS 27:43

Noni ba ningon com Allah lene pai sut Nonti bipia Noni ne Allah Nipmot ri. Gi nok ne itou kep gino Allah miteu Noni biningwes ngun nogindini e?”

MATIUS 3:17

Nihyet gom cem tibim leu gwamti bipai “No dini ne Dipmot rin ba, dingon ngakei Noni bidingon kei sut Noni cem.”

MATIUS 9:27

Mpe dino Yesus jo leu mpia dima bimbut nimig lene yo di igyai tu ibou can yuum Noni ei puig sinon bijop bram lene yahara “Na di Daud Nipmot e, ma angondut nye o!”

LUKAS 1:35

Malaikati buhup “Ninnei Gi Kwes misrek kwei ei nani dip ba, Allah di Ninyeng Jei cem minggai na yo. Gima rino amunggwom di asrek tut dima miyai ninyeng Gi Kwes-Kwau cem Allah Nipmot cem.

LUKAS 1:69

Noni pinak No di sindem kwei mem gima teu nye leu mun di kinei hagom ba, No dini ntun Daud di Tuhan de awak pima him.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 1:34

Yohanes pai biyok “Dingat mun dima yok hagom bou diyai him tu. Gima rino dipai bije bipia Noni ne Allah Nipmot ri.”

YOHANES 1:49

Natanael buhup “Na di Guru e, jo nibreisi bipia Nani ne Allah Nipmot ba, mben Israel ide Nibou Ndig cem ri!”

YOHANES 10:30

Dicig kin Dani ninok gom kin yam.”

YOHANES 10:36

Dicig dimig Da ei leu api cuk Da kwei ei dihyeisi dini. Nggon rino jipai sut Da bipia dihyet wer mpiahi tut Allah tug hon gi dipai ‘Dani ne Munggwom Allah Nipmot rin’ i?

YOHANES 20:28

Tomas pai bak Yesus “Nani ne ditde Tuhan ba, Allah di dikuk da bak ri!”

YOHANES 20:31

Noro hi pas kep mindur dini yok hagom leu binhyepo jingon jo kep bipia Yesus ne Nibou Ndig di teu tungwatu nya biyai niyaijo nijep biyok cem Allah Nipmot cem ri. Tug hon nisinati dima jiyai niyaijo nijep tug hon jide niba ningon com Noti.

YOHANES 5:25

Ma jiyok ngon kep bipia nituti dem tu ba, mpe dima kwei bu cem yo di imai nya imiap Allah Nipmot nihyet. Leu api yo di imiap nihyet igyai niyaijo nijep.

YOHANES 7:42

Allah nihyet pai ‘Nibou Ndig di teu tungwatu nya biyai niyaijo nijep biyok ntun Nibou Ndig Daud him ba, nipmem srek tut Noni ei minu ndig Betlehem di Daud nitimieisi.’ ”

KISAH 2:30

Allah preu ei mem noni tug hon neheng bipia Noni mikon tungwagom di ntun Daud him binok Nibou Ndig bu ba, No dima miya luei Daud nohoti. Daud kan tut Allah nipreu eisi lewo noni ne nabi rin cem,

KISAH 3:13

Abraham kin Ishak kin Yakub kin nyeni ide pung di intun him nya ide Allah bindei ba, Nide Awak Yesus yai ninyeng jei bibor. Jeni jiba kilak Noni bak nibou nya di inyeng tak kep nye ba, mbro nok gino Pilatus pi bikes Yesus hanyen lo, jikou sut Noni ei Pilatus noho bei.

KISAH 8:36

Yo cin dima imbut kak puig sinon biyuug krau minyei utti gom. Andigpoi pai “Angat i, minyei ut rimo! Mindei bu ribindei dino ma atur da ei minyei ut dimati bi i?” [

KISAH 9:20

Lene noni bipbur buug ei mben Yahudi ide ig mbusyamei sindam ba, kinyon ei nitri nihyetti bipai biyok “Yesus ne Allah Nipmot ri.”

ROMA 1:9

Tirigi dingat nadi lene dingon prion ser je bi. Allah ngat bou niyai him bipia dipaisi dima ne nijit-jau ri. Noni ne Allah di diba dijoi biborti biyai kep Nide midyai nya tirigi ditri tut Nihyet Di Kei tut Nipmot ri.

ROMA 4:1

Gi nok lene dipai notou sut ide pung Abraham di mben Yahudi intun him pima i? Mindei rino pek kep mem noni i?

ROMA 9:3

drek dip disut bat di ditig mbier tut yok nya. Lewo danti dijoi sut Allah sigion da bimbres da leu Kristus mem yoni.

ROMA 9:5

intun idigup bat-idigai bat nya him cem. Kristus di bon ningut noyam kin tungwatu nya ingut ntun yoni him ba, ninyeng jei dor njiriek nindigsi nya yahagom. Ma tungwatu nya inggei sut Allah bijo ninno bijo kikau! Igbit ri.

KORINTUS GI NIGOM 1:9

Dem mem gima jiba jingon com Allah di ningon gom. Noni hig jeni bijinok gom kin Nipmot Yesus Kristus di nok ide Tuhan.

KORINTUS GI NIGOM 10:18

Ma jiba jingon bisrip huk tut mben Israel ug e. Yo dima igyem mikwau ndrim hi leu mindhe di ibui bibam ei nimbar hum dokti nya lene gima bindei ba, inok gom kin nimbar hum dok.

GALATIA 4:4

Lene nok gima kikau bibou tto bou dem mem Allah cuk Nipmot kwei ei dihyeisi dini tug hon no di sop ug e. Ba, Puig Yahudi niggai serti ttei nibou nok nibou di kos tut Noni.

TESALONIKA GI NIGOM 1:10

jimem kep ser Nipmot nikwei hanyenti leu gwamti. Lewo Allah win Nipmot Yesus hanyen leu nimai eisi tu ba, Noni miteu nye leu hukum di mikwei drek dip Allah nigga biborti.

TIMOTIUS GI NIGOM 2:5

Lewo Allah gom ngat he ba, tungwa gom ngat ya hacan mem Noni kin tungwatu nya. No dima ne Kristus Yesus,

TIMOTIUS GI NIGOM 3:16

Bit bon tungwa hi tte tut ide niba ningon com Kristusti di nok mimun di mindur kan bi. Kristus luei nitta bindo Nonti nok tungwatu leu api Allah Ninnei ndo brei bipia Allah joi sut Kristus niyai munti nya leu api malaikati nya ingat Noni bou igyai him. Nide limwa nya itri tut Noni bak mben dihyeisi dini hagom leu api tungwatu nya bidem dihyei nisurti-nipekti hagom iba ingon com Noni leu api Allah kon Noni hanyen ug ei gwamti.

2 TIMOTIUS GI NICAN 2:8

Ma ayok ngon kep bipia Nihyet Di Kei di ditri tut dima tut Yesus Kristus di ntun Daud him. Noni ne Kristus di kiju hanyen leu nimai eisi ri.

YOHANES GI NIGOM 1:3

Nitri tut mun di ningat bou niyai him di nimiap ei nitingou nsi bak jeni leu binhyepo jibicom yam bit nyeni ba, igyaijo nok gom kin Icig Allah kin Nipmot Yesus Kristus.

YOHANES GI NIGOM 3:23

Nicuk nyeti dima ne suar ingon jo kep Nipmot Yesus Kristus ba, ingon ngakei yam bit leu nok Kristus nicuk nyeti.

YOHANES GI NIGOM 3:8

No di bon sisar ninyen jem niceu bit Bilis lewo Bilis bon sisar ninyen habiei leu nimbie him kikau kwei bipek ammani kep. Gima rino Allah Nipmot kwei ei dihyeisi dini leu binhyepo nggek tut Bilis de midyai nya.

YOHANES GI NIGOM 4:15

No di pai jit bipia Yesus ne Allah Nipmot rin lene Allah niyaijo nok gom kin noni ba, noni cem niyaijo nok gom kin Allah.

YOHANES GI NIGOM 5:1

No di ningon jo kep bipia Yesus ne Nibou Ndig di teu tungwatu nya biyai niyaijo nijep biyok rin ne no dima Allah nimunggwom ri. No di ningon ngakei nicig ningon ngakei nicig nimunggwom bat nindigsi nya cem sindam.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.

YOHANES GI NIGOM 5:5

Tou ribindei cut mun di ntun dihyeisi dini him i? No di ningon jo kep bipia Yesus ne Allah Nipmot rin a.

YOHANES GI NICAN 1:7

Niris kep mun cig nya imang bibor ikieng kep dihyeisi bisrig tungwatu nyati. Itri tut bipia tirigi Yesus Kristus kwei ei dihyeisi dini ne Noni tungwatu nijit bi. No dima ne niris kep mun cig kin No Di Ba Nitok Bak Kristus cem ri.

NINGAT-HI-NGAT NYA 2:18

“Apas srat dini bak malaikati di buhup tut mbusyamei ei minu ndig Tiatira. Nipas kepti dini kwei leu Allah Nipmot di niyai njeng-jau nok hum njeng ba, nimig mbom kei dem kep ngkimom-tembaga di indig kep hum di bindei ba, pimbai kei.