ROMA 1:20 - ALLAH NIHYET MEM TUNGWATU NYA

²⁰ Habiei ei nimbie him tirigi Allah pai tes dihyeisi dini ne tungwatu nya ingon dorti tut Allah de nisindemti di ngwig hon nohonti bi ba, ingon dorti tut bipia Noni ne Allah di nijit ri. Ba, bit bon tungwatu nya ingat mun dini yok bou igyai him kan bi noro hagom jo nibreisi mem yok tug hon Allah nipai testi. Gima rino bit bon ibuhup hanyen bipai mun mem ibisu tindei kan bi.

ROMA 1:20 ပူးပေါင်းရင်းမြစ်များ

NITRITI 1:1

Ei nimbie him ngat tirigi Allah kinyon ei nipai tes dihyeisi kin mpia-bbed him kin mun di joti nya hagomti,

NITRITI 21:33

Lene Abraham ta biei tamariska nikioi gom ei Bersyeba. Hon kep njap dima kui lene noni kuk no bak tuhan dino Allah Di Niyaijo Kikau ei sirima.

AYUB 12:7

Ma jihig ser ha nya kin mindhe nindigsi nya leu api yoni mingginau jeni.

MAZMUR 104:31

Dijoi sut gima tuhan de nikei-kau-keisi jo ninno bijo kikau ba, ningon llei sut mun di Noni pai tes nya hagom!

MAZMUR 104:5

Akes dihyeisi dini binddong kei bijo ei cou nipmem dip leu api ugwa-kwei bi bijo ninno bijo kikau.

MAZMUR 119:90

Angon gom tut tungwatuti nya jo kikau bijo nijam jei. Apai tes dihyeisi dini apino dihyeisi dini jo nijoti di bijo a.

MAZMUR 139:13

Apai tes ditde nimbumbati nya hagom leu api aba hagom bicim yamti ei dipmem ninghopti.

MAZMUR 8:3

munggwom nya kin ningwoi-ngwoi nya di inggei sut Nani. Anyeng di tak kep Ade limwa nya nddong kei ba, bit bon tungwatu nya ilor ba, Ade siceu nya kin yo di isrep tut nya yahap iji kan bi.

MAZMUR 90:2

Nipou tirigi apai tes nungug nya kin dihyeisi dini cem bigyo ne Angat rin ba, ayaijo ug hon nohonti bi sren.

YESAYA 26:4

Ma jiba jingon com tuhan bijo kikau lewo tuhan Allah nyohou nye kikau.

YESAYA 40:26

Ma acap ser mpia-bbed him ba, ayok ayai kep! Tou ripai tes ham mpia-bbed him nya i? No di nyohou dimig ham hagom bidem kep nok tentara kan bidem tut nimangti jem inyeng bibikwop hagom! Bit bon ham gom pror kan bi lewo tuhan sindem mem gima nyohou ham nya hagom!

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

YEREMIA 5:21

“Je di jingon mbum ba, jibbwe e, ma jingig jitingou mem dihyet! Jimbun jiyai noro jigingat mpia bi! Jimbun jitingou noro jigimiap mun bi!

YEREMIA 51:15

tuhan ba nide nisindemti bipai tes dihyeisi dini. Noni ba ningon kiti bibon minu nya hagom lene ba nintin kimboti bikes mpia-bbed him cem bijo nijoti.

MATIUS 5:45

leu binhyepo hiter ingat brei bipia jeni ne Jicig Allah ei gwamti nimunggwom bat nya ri. Lewo Noni bindei ba, mpia wam yo di isingat kin yo di isibut nya ba, mpia but mem yo di ingon sren kin yo di ingon rom nya.

MARKUS 10:6

Noro Allah nihyet pai ‘Ei nimbie him tirigi Allah pai tes tungwatu nya lene Noni pai tes no di pinai kin no di sop.

YOHANES 1:18

Hi ngat Allah bou niyai him bi sren. Noro Nipmot nimig gom ngat di ya kui Nicig binok gom kin Allah cem ndo Nicig brei binye.

YOHANES 15:22

Gino dikwei tri nihyet biyok bi lene ingon mui ba, sisar ntun him bi. Noro tini bu ne bit bon ipai mun mem isu tindei ide sisar kan bi.

KISAH 17:29

Gino nyeni intun Allah him nok nimunggwom bat nya lene ma ibibon Noni noyam kin mun di tungwatu iba mas kin perak kin tig bibon bou inda him au.

KISAH 22:1

bipai biyok “Dicig bat kin disut bat jahagom e, dimbrap gau danti ei joho bei. Ma jingig jitingou mem dihyet!”

ROMA 1:19

Mun di nijit-jau di biyai tungwatu nya ingon dorti tut Allah jo nibreisi ei ingon mien lewo Noni ndo hagom brei bak tungwatu nya tu.

ROMA 16:26

Noro tini bu ne Allah di niyaijo kikau mbot kep tut mimun dima brei bak mben dihyeisi dini hagom tug hon srat di nabi nya ipas ei su nya leu binhyepo tungwatu yahagom iba ingon com Noni bibit nihyet.

ROMA 2:1

Gima rino disut bat jen, jitug ndei jinyeng di bindei di jidem mem gima jiba jihyet biyai yo di hiter dima leu hantou i? Bit bon jipai mun mem jibisu tindei kan bi. Leu gino jiba jihyet biyai yo di hiter noro jiyai bram yo dima igyai kepti nya lene gima nok jibindei cut hukum ei jenti dip.

ROMA 2:15

Igyai kepti nya ndo brei bipia Allah nicuk yokti nya dima jo ei ingon mienti tu. Ingon mien ndo bindo tut mun dima yok lewo mpe hi ingon mien pai kep yonti lo, mpe hi bu ingon mien mbrap gau yonti.

KORINTUS GI NIGOM 1:20

Notou mem yo di ingon ki nya i? Notou mem guru puig Yahudi nicukti nya i? Notou mem tungwatu dihyeisi dini di iba ighyet bidahat yam i? Allah ndo brei bipia ningon di ki di ntun dihyeisi dini him ne nihyet minyei ri.

NINDAT KEP TUHAN NICUKTI NYA 33:27

Jiya coi Noni dem kep nok jiya coi tring behei ninno tu lene ninda di sindem hati tut je bijo ninno bijo kikau. Tirigi jimbut-mbut nyen pima lene Noni njei jide siceu nya sindam ei joho bei bicuk je bipia suar jihwen yahagom bingwig ug.

NINDAT KEP TUHAN NICUKTI NYA 4:19

Nok gima cem ma jisindui sut mun di jingat bou jiyai him ei mpia-bbed him nok mpia njap kin bed mmun kin ham nya biris je bijikuk je biyok au. Lewo tuhan di nok jide Allah sindui sut ngkiai nindigsi nya hagom ei gwam nibehei dini bikuk yok bak mun dima yok.

KOLOSE 1:15

Allah ningat jo nding leu tungwatu nya igyai him noro Noni ndo Nonti ningwes brei biyok tug hon Kristus. Kristus ne Nipmot mighumbou di ninyeng jei bidor njiriek Allah nipai testi nya hagom ri.

KOLOSE 2:9

Lewo mun di bitut Allah hagom ningat rin ei Kristusti mem nijam di Noni ningat rin nok tungwatu ei dihyeisi dini.

TIMOTIUS GI NIGOM 1:17

Dem mem gima inggei sut Allah Nongkom di Nibou Ndig bidem nijam hagom. Niyaijo kikau ba, bit bon tungwatu nya ingat Noni bou igyai him kan bi. Ma ikon ninyeng kikau buug hon nohonti bi! Igbit ri.

TIMOTIUS GI NIGOM 6:16

Nongkom niyaijo kikau. Noni ningat rin ei nipigati di sieng-siau kei di bit bon tungwatu nya icem kep kan bi. Hi ngat Noni bou niyai him bi sren lene bit bon hi ngat Noni kikau bi sren. Tungwatu nya yahagom mikon ninyeng ba, Nide nisindemti ug hon nohonti bi sren! Igbit ri.

IBRANI 11:27

Nide niba ningon comti bindei ba, Musa kes minu Mesir bimbut leu. Noni digit tut nibou ndig di ningon sibui sut noni bi. Gima tereu nok noni ngat Allah di bit bon tungwatu nya ingat bou igyai him kan bi. Gini bindei ba, noni kou sut gima ngkwei hanyen.

IBRANI 9:14

Gino mindhe-ndhe inggrom kin atriem ndung sindem mem gima piap yo di map kui yokti lene jo nibreisi bipia Kristus ninggrom sindem bibor dor njiriek gima bu! Lewo Noni ba Allah Ninnei di niyaijo kikau bikes Nonti ei nok mun di kei-kau di ibui bibam ei Allah Noho bei. Kristus ninggrom piap ingon mien leu midut di sindem bi nya leu binhyepo inok awak mem Allah Di Niyaijo.