ROMA 1:16 - ALLAH NIHYET MEM TUNGWATU NYA

¹⁶ Diba dingon com Nihyet Di Kei nindig bibor lewo Allah ndo Nide nisindemti tug hon Nihyet Di Kei di bindei yo di iba ingon com Noni igyai niteu leu sisarti kin niyaijo nijepti. Gini mem mben Yahudi nipou leu api mem ngkiai nya cem.

ROMA 1:16 ပူးပေါင်းရင်းမြစ်များ

MAZMUR 110:2

tuhan mibindei ba, anyeng tak kep timiei Sionti nya mikieng kep minu nindigsi nya cem. Noni pai “Suar anyeng tak kep ade siceu nya!”

MAZMUR 119:46

Miditri tut Ade nicukti nya bak nibou ndig nya leu api midiyai nimmai drek dip bi.

YESAYA 53:1

Tungwatu nya ibuhup “Tou riba ningon com mun di tibim ei nyeni itingou nsi i? Tou riningon dor niti tut tuhan ningon kanti tug hon mun di timon nye dini i?

YEREMIA 23:29

Dihyet noyam kin hum kin apak di ki tig biki kukiau cem!

MARKUS 8:38

No di mmai sut Da bitut Ditde ningginausi nya mem nijam di mpung tut tungwatu nya di ingon rom bingkek ndok cem dini lene Munggwom Tungwatu Nipmot mimmai sut no dima tirigi Noni kwei sut Nicig Nide nikei-kau-keisi kin malaikati di dia-diau nya.”

LUKAS 9:26

No di mmai sut Da bitut Ditde ningginausi nya lene Munggwom Tungwatu Nipmot cem mimmai sut no dima tirigi Noni kwei sut Nide nisindemti kin Nicig Nide nisindemti kin malaikati di dia-diau nya ide nisindemti!

YOHANES 7:35

Lene nibou mben Yahudi nya ihig yam ser “Noni tin ei mem gima mbut ug ei siritou apino ingat Noni bu bi i? Mpaba Noni muug bong bit mben Yahudi di ibong ei mben Yunani ikieti bingginau mben Yunani ei itimieisi e?

KISAH 3:26

Gima rino Allah dimig Nide Awak bipinak Noni ndam je nipou bibie leu binhyepo Noni yai gi kei bije tug hon gi Noni bindei ba, jittin ser jiyai munti di sibut nya.”

ROMA 10:17

Gima rino tungwatu nya iba ingon com Kristus ei mpe dino imiap nihyet lene imiap nihyet ei mpe dino hi tri tut Kristus biyok.

ROMA 15:19

drek dip bindo kin mindur di sindem bibor nya kin nisindemti di kwei leu Ninnei cem dibiyai midyai. Ditri tut Nihyet Di Kei tut Kristus bidem minu tirigi dijo leu minu ndig Yerusalem bidimbut kikau ug ei hanjop Ilirikum.

ROMA 15:29

Mpe di dihwou ttau kep je ne dikan tut bipia dikwei sut Kristus De munkwas di bitut jinnei nindig bibor bak jeni.

ROMA 2:9

Noni mikes niwei kin nidut ei yo di yuhuk bram mun di kinei yahagom dip. Hukum dini mem mben Yahudi nipou leu api mem ngkiai nya cem.

ROMA 4:11

Leu api noni yai midut sunat ei niabiati bu. Midut sunat ne mun di bindo bipia Allah joi sut Abraham nok no di pwoi Allah ningon drek dip niba ningon com Allahti nipou bibie tirigi noni yai midut sunat bigyo ri. Gima rino Abraham ne ide pung di bitut innei mem yo di iba ingon com Allah yahagom intun him ri. Mbro nok gino igyai midut sunat bi lo, iba ingon com Allah lene Noni joi sut yok nok yo di ipwoi ningona.

KORINTUS GI NIGOM 15:2

Gino jikrau kep Nihyet Di Kei di ditri tut bije lene nihyet dima bindei ba, jiyai niteu leu sisarti kin niyaijo nijep. Gi bi ne jingon jo kep nihyet dima mikui-kausi.

KORINTUS GI NIGOM 2:2

Lewo dikos tut bipia mpe dino dingat rin bit je ne dingon prion ser mun nindigsi hagom lo, miditri tut Kristus Nongkom he bitut nimai ei biei salibti.

KORINTUS GI NIGOM 2:4

Diba dihyet mmau di tug hon ningon di ki di ntun dihyeisi dini him bitri tut nihyet bije bi. Noro tug hon nisinati di ndo brei bije bipia Allah Ninnei sindem bibor.

KORINTUS GI NIGOM 9:12

Gino dem mem yo di hiter itindei kep jindati tut mun di pror yon lene dem mem nyeni cem miniyai nok gima lo, dor njiriek bu e? Mbro nok gino dem mem ditindei kep jindati lo, doom dingon tut hak ug. Lewo diba dibou coi mem mun di cut igkep da hagom leu binhyepo dibindei ba, mun nyeng hi bigen ser Nihyet Di Kei tut Kristus bi.

KORINTUS GI NIGOM 9:18

Lene ditug ndei dimuhup nok mindei i? Dimuhup rino ditri tut Nihyet Di Kei ba, dikak tut tungwatu nya tut dimuhup bi. Dibrim dingkek kep yok tut mun di dem mem gima ditug ndei tug hon Nihyet Di Kei cem bi.

KORINTUS GI NICAN 2:12

Tirigi duug krau minu ndig Troas biditin ei mem ditri tut Nihyet Di Kei tut Kristus lene dingat lo, Tuhan bon nikwesti mem diyai kep Nide midyai nya ei mpia dima.

KORINTUS GI NICAN 4:4

Ingon jo kep bi lewo Bilis sibut bibor ba, ninyeng tak kep tungwatu dihyeisi dini. Noni rino biyai ingon di dor mun di bitut ninneiti bi. Apino bit bon ingat igbit nikei-kau-keisi di piga kwei leu Nihyet Di Kei dima kan bi. Ba, Kristus dima ningat ndo Allah ningwes brei binye.

KORINTUS GI NICAN 9:13

Ba, yo di ingon jo kep nya imang bibor ei hanjop Yudea minggei sut Allah drek dip jide nisingat tut tungwatu nyati di ndo bindo di kei bibor biyok. Lewo ingat bipia jingon gom tut Nihyet Di Kei tut Kristus bijibit nihyet cem. Gi jikwas mun di jimati dor njiriek tut yoni kin jisut yo di ingon jo kep nya cem bindei ba, inggei sut Allah drek dip je.

GALATIA 1:7

Nihyet di kei hiter hi bi sren. Noro tungwatu nya iba nihyet di kei di ikiek-kiek nyen dima bitri tut ighyet di bigen ser je.

TESALONIKA GI NIGOM 2:13

Mun nyeng gom kin bu di bindei dino nijem sigyo bak Allah rinok gini. Tirigi nitri tut Nihyet Di Kei leu Allah bije lene jimiap ba, jice tut nihyet dima tereu nok mun di tibim leu tungwatu nya yuhui him bi noro nok mun di nijit-jau di kwei leu Allah Nonti. Noni yai midyai ei je di jingon jo kep Kristus jingonti.

TIMOTIUS GI NIGOM 1:11

Ningginausi dima jo ei Nihyet Di Keiti. Nihyet Di Kei di leu Allah di kei-kau-kei ba, ma ikon ninyenga. Lewo Noni ba ningon com da tut Nihyet Di Kei di ditri tut cem.

2 TIMOTIUS GI NICAN 1:12

Gima rino diyai ninghuisi wei drek dip mun dini yok. Noro dingon nddong lewo dikan tut No di diba dingon com. Gima cem dingon jo kep bipia Noni sindem mem gima nyohou mun di Noni ba ningon com da tut kikau ug bipek Njap Ningwig Honti.

2 TIMOTIUS GI NICAN 1:16

Noro Onesiforus nya igwam ser dingon ninyen. Handei kon ba, Tuhan ngondut yok. Mbro nok gino disima ei ig bui nsi lo, Onesiforus mmai sut da bi.

2 TIMOTIUS GI NICAN 1:8

Gima rino ma ammai sut gima atri tut side Tuhan au. Ma ammai sut gi disima ei ig bui nsi dini drek dip Kristus cem au. Noro Allah misindem tut na mem gima atindei ser nituti tirigi apriet kin ninghuisi wei drek dip Nihyet Di Kei.

IBRANI 4:12

Lewo Allah nihyet ne nihyet di niyaijo ba, sindem bibor ba, nggwen bibor dor njiriek singau simeda di bon ninggwenti bei ninghim-noho cem. Nihyet dima tot kikau ug ei ingwes kin innei nijoti cem kikau ug ei injum tuti kin inggus nipek yamti cem ba, sindem mem gima hit mimun di jo ei ingonti kin ibou ngwakti.

PETRUS GI NIGOM 4:16

Ne gino jiyai ninghuisi wei drek dip gi jinok yo di Kresten lene ma jimmai sut au. Noro ma jipai sigyo bak Allah tut gino ipai sut je bipia Kristus ninyeng tak kep je a.