ROMA 1:14 - ALLAH NIHYET MEM TUNGWATU NYA

¹⁴ Lewo dibon ningwam bak tungwatu nya yahagom. Bak yo di isingat nya kin yo di isingat bi nya cem. Bak yo di ingon ki nya kin yo di ingon tindur nya cem yahagom.

ROMA 1:14 ပူးပေါင်းရင်းမြစ်များ

NIPINGOK NINGONTI 1:22

Bipai “Je di jingon mbum e, mijisindui sut jingon mbumti kikau e? Ug ei mpe di tou leu api jiba nintin kimboti bikek ba, jikou sut ningon di dor niti bu bi i?

NIPINGOK NINGONTI 8:5

Ma je di jimahan bigyo e, jita jibou ei ningon tekti. Je di jingon mbum e, ma jisindui sut ba, jipmem bat nya imiep jingona.

YESAYA 35:8

Puig Di Bie Ndam Niyaijo Nijep Di Jo Kikau mijo ei sirima. Yo di ibon sisar ikak simpak dima bi. Yo di ingkek ndok nya yuhum yo di ikak puig dima insi cem bi.

MATIUS 11:25

Mpe dima lene Yesus pai “Arig e, Nani ne Tuhan mem mpia-bbed him kin dihyeisi dini! Dipai sigyo biNa lewo aku mun dini yok hagom bijo nding leu yo di ingon ki kin yo di ingon tek bibor nya yahagom igyai him leu api ambot kep tut hagom bak yo di ingon ki bi nya.

LUKAS 10:21

Mpe dima lene Yesus ningon llei bibor tug hon Allah Ninnei bipai “Arig e, Nani ne Tuhan mem mpia-bbed him kin dihyeisi dini! Dipai sigyo biNa lewo aku mun dini yok hagom bijo nding leu yo di ingon ki kin yo di ingon tek bibor nya igyai him noro ambot kep tut hagom bak yo di ingon mbum nya. Arig e, ajoi sut nipek kepti dima.

KISAH 22:21

Noro Tuhan pai bida ‘Aug hak ug lewo dicuk na ug ei minu ting ndam ngkiai nya.’ ”

KISAH 28:2

Yo dima ingondut nye nindig bibor. Igya um nye ba, isingat tut nye cem. Indig hum bindei nye lewo mpia but ba, nidigok.

KISAH 28:4

Tirigi timiei mios dima yok ingat wou di ndun Paulus ninda him lene ipai biyam “No dima ne nihwen mun cig ri. Mbro nok gino ningwes ngun leu muk mpoti lo, Birop Hanyen Cig hatap noni lene sindui sut niyaisi jo bu bi.”

KISAH 9:15

Noro Tuhan buhup “Akiju ba, ambut hak ug lewo didimig noni nok Ditde awak leu binhyepo noni tri tut Dani bak ngkiai nya kin nibou ndig nya kin mben Israel yahagom.

ROMA 1:22

Ipai sut yonti bipia ingon ki noro bi lewo ingon mbum yo.

ROMA 11:25

Disut bat jen, ma jikan kep bipia jingon ki bijikan bidem mun nyeng hagom au. Lewo Allah De mimun nyeng gom no rinaha lo, tungwatu nya ikan tut bi. Noro handei kon ba, jikan tut Nide mimun dima. Mben Israel bihi ingkek ndok noro ide ningkek ndokti dima jo kikau bi. Noro mijo nijoti nok bibou ngkiai nya di mitti kin Allah imangti dem ug e.

ROMA 12:16

Ma jahagom jingon kwes kin yam lene ma jingon jei au. Noro ma joom jenti sur yam kin yo di igyai inyeng bi nya. Ma jiba jingon bisrip huk tut jenti bipia jingon ki dor njiriek mun di dem mem jeni au.

ROMA 13:8

Ma jibon ningwam biyam au. Noro tut ningwam ‘ningon ngakei yamti’ ne ma jibon biyam. Lewo bikwop no di ningon ngakei hi ter ne gima noyam kin nibit leu nok Puig Yahudi niggai serti ri.

ROMA 16:19

Tungwatu nya yahagom imiap tut jinghapti bikan tut bipia jingon gom tut Nihyet Di Kei leu Allah ningginau jeti nya. Gima rino dillei ngwig sut je. Dijoi sut gi jingon ki tut mun di kei nya lo, jingon mbum tut mun di sibut.

ROMA 8:12

Gima rino disut bat jen, ibon ningwam noro ibon ningwam bak ingut kanti leu binhyepo igyai mun bit leu nicuk nyeti bi.

KORINTUS GI NIGOM 14:11

Noro gino dimiap nihyet di tibim leu tungwagom nuhui him bi lene no dima ne ngkiai rin ba, noni kan bipia dani cem ngkiai.

KORINTUS GI NIGOM 14:16

Leu gino jiba jinnei he bipai sigyo bak Allah lo, hiter di miap Allah Ninnei nihyet di mindur bi srig jikieti ne bit bon no dima pai “Igbit ri!” hanyen drek dip jide nadi kan bi. Lewo miap igbit jihyet bi.

KORINTUS GI NIGOM 2:13

Gima rino ipingok bram mun di bitut Allah bak yo di igyai Allah Ninnei ei ingonti tu lo, iba ningon di ki di ntun dihyeisi dini him bipingok bram nihyet bi. Iba nihyet di kwei leu Allah Ninnei bipingok bram nihyet.

KORINTUS GI NIGOM 3:18

Ma jikrau tunggwei jingonti au. Gino jigom ba ningon di ki di ntun dihyeisi dini him ba, binai nibou ngwakti bisrip huk bipia ningon ki ne ma noni om nonti tereu nok no di ningon mbum. Tug hon nisinati dima ne noni miyai ningon di ki di nijit-jau.

KORINTUS GI NICAN 10:12

Ningat ne dibinai danti kin yo di ingon jei nya ba, dikon dinyeng bijo anai sur inyeng bi. Mbenjen! Ingon mbum bibor! Iba igyai kepti di ntun dihyeisi dini him nya bibinai yonti ingonti.

KORINTUS GI NICAN 11:19

Jingon llei ba, jiba jibou coi mem yo di intin kiek nya lewo jikan bigya jingon ki!

KOLOSE 3:11

Gi ntun mun dima him ne tungwatu nya ter leu yam bu bi ri. Mben Yahudi kin ngkiai nya titer leu yam bu bi. Yo di icoi bit midut sunat kin yo di icoi bit midut sunat bi kin ngkiai nya kin yo di isingat bi nya kin awak nya kin yo di igyati kwes cem yahagom titer leu yam bu bi. Kristus Nongkom bon ninyeng dor njiriek mun nyeng hagom ba, Noni nok gom kin nyeni yahagom!

2 TIMOTIUS GI NICAN 2:10

Gima rino diba dibou coi mem mun di buhun tak da hagom leu binhyepo yo di Allah dimig yok ei su nya igyai niteu leu sisarti kin niyaijo nijep ba, ipriet kin Allah nikei-kau-keisi di jo kikau tug hon Kristus Yesus.

TITUS 3:3

Lewo nipou ne nyeni cem ingon tindur cem israwir cem ibit nihyet bi cem ba, inok awak mem ingut kanti nya kin mun di ingat ingwes eisi nya. Igyai munti nya sibut bibor cem ingon kinei sut yam cem ingon mpo tut tungwatu nya yahagom ba, yahagom ingon mpo tut nye.