ROMA 1:1 - ALLAH NIHYET MEM TUNGWATU NYA

¹ Srat dini mem yo di mbusyamei ei minu ndig Roma. Allah ningon ngakei je ba, hig je mem gima jinok Nide limwa nya. No di pas srat dini ne da di Paulus rin bidinok awak mem Kristus Yesus lene di ya kui Noni. Allah dimig da leu api ta da mem gima ditri tut Nihyet Di Kei di kwei leu Noni.

ROMA 1:1 ပူးပေါင်းရင်းမြစ်များ

NIBOHON MBEN ISRAEL GI NIGOM 23:13

Amram gi nipou pima ne Harun Musa nya icig ri. (Musa dimig Harun kin yo di intun him nya pijum ei mem gima inyeng tak kep nimbumbati kin ndigban di ibibon midut nya cem iba biei nggrai di ui-gwang kei di indig pima binggei sut tuhan cem bahati tut tuhan de midyai nya cem iba nadi di ingat tug hon tuhan ninyeng bipai ighyet di biyai gi kei bak limwa nya bijo ninno bijo kikau.

YESAYA 49:1

Je di timiei minu ting nya e, ma jingig jitingou mem ba, jiyok ngon kep dihyet. tuhan dimig da ei nipou tirigi dipmem srek tut da bigyo leu api hig da nok Nide awak.

YEREMIA 1:5

“Nipou tirigi dipai tes na ei apmem ninghopti ba, noni srek tut na bigyo lene didimig na bidikon anyeng nok nabi mem mben dihyeisi dini hagom.”

MARKUS 1:14

Niabiati Yohanes sima tu lene Yesus ug ei hanjop Galilea bitri tut Allah Nihyet Di Kei bak tungwatu nya ei sirima.

YOHANES 12:26

No di joi sut jem niceu bit Da lene suar noni bit Da leu binhyepo Ditde awak nya ingat rin bit Da ei mpia di dingat rin eisi. Ba, Dicig mikon Ditde awak nya inyenga.”

YOHANES 15:15

Dijem je awak bu bi lewo awak nya ikan tut iceu niyai munti nya bi. Noro dijem je disut bat di dingon kieti nya lewo ditri tut mun di dimiap leu Dicig hagom bije tu.

YOHANES 15:20

Ma jiyok ngon kep mun di dipai bije. Awak nya inyeng jei dor njiriek iceu ninyeng bi. Gino ihwen bit Dani lene mihwen bit jeni cem. Gino ibit Ditde ningginausi lene mibit jide ningginausi cem.

KISAH 13:9

Noro Saulus di ijem ninyeng hi Paulus pri niyai kep nung dima tug hon nisindemti leu Allah Ninnei,

KISAH 20:24

Noro dinyohou diyaisi bi lewo diyaisi bon ninyeng mem da bi. Noro diyai kep midyai di Tuhan Yesus ba ningon com da tut nya biput lene gima bon ninyeng mem da gino diba dingon gom bitri tut Nihyet Di Kei tut Allah di singat tut nye kikau ug bipek diyaijo ningwig honti.

KISAH 21:40

Nibou dima ce tut Paulus ningon kanti dima lene Paulus kiju biya ei lin mbrei dip bikimut ninda kep yok. Tirigi yahagom ighyet ntus leu lene noni ba nihyet Ibrani bimbrap bit yok,

KISAH 22:21

Noro Tuhan pai bida ‘Aug hak ug lewo dicuk na ug ei minu ting ndam ngkiai nya.’ ”

KISAH 22:7

Tirigi ditti ug ei dihyeisi rino dimiap nihyet di hig ser da ‘Saulus e, Saulus e, nggon rino ahwen bit Da i?’

KISAH 26:1

Agripa pai bak Paulus “Nisindui sut ba, ambrap gau nanti nogindini.” Gima rino Paulus kimut ninda kep yo di idem yam dima leu api mbrap gau nonti bipai biyok,

KISAH 26:14

Nahagom nitti ug ei dihyeisi leu lene dimiap nihyet gom di ba nihyet Ibrani bihig ser da ‘Saulus e, Saulus e, Nggon rino ahwen bit Da bijo kikau i? Gino atte tut No di nok ade nibou bitut ningon kanti mem na kikau ne abindei nanti anggwen.’

KISAH 27:23

Dikuk da bak Allah di ninyeng tak kep da ba, himmun di aponi lene Noni cuk Nide malaikati gom kwei,

KISAH 9:15

Noro Tuhan buhup “Akiju ba, ambut hak ug lewo didimig noni nok Ditde awak leu binhyepo noni tri tut Dani bak ngkiai nya kin nibou ndig nya kin mben Israel yahagom.

ROMA 1:16

Diba dingon com Nihyet Di Kei nindig bibor lewo Allah ndo Nide nisindemti tug hon Nihyet Di Kei di bindei yo di iba ingon com Noni igyai niteu leu sisarti kin niyaijo nijepti. Gini mem mben Yahudi nipou leu api mem ngkiai nya cem.

ROMA 1:5

Allah bindei ba, Yesus Kristus singat tut da bikon dinyeng nok no di ya kui Noni bidinok awak mem Noni cem leu binhyepo dibuwak mben dihyeisi dini hagom ndam Yesus leu api iba ingon com Noni bibit nihyet.

ROMA 1:9

Tirigi dingat nadi lene dingon prion ser je bi. Allah ngat bou niyai him bipia dipaisi dima ne nijit-jau ri. Noni ne Allah di diba dijoi biborti biyai kep Nide midyai nya tirigi ditri tut Nihyet Di Kei tut Nipmot ri.

ROMA 11:13

Nogindini dipai dihyet gom bak je di ngkiai nya. Ei nijam di diya kui Yesus ei ngkiai nya ikieti diba dingon srip huk bipia midyai di diyai nya bon ninyeng nindig bibor.

ROMA 15:16

Noni dimig da bidinok awak mem Kristus Yesus bipinak da leu binhyepo dimpu ngkiai nya. Ditri tut Nihyet Di Kei di kwei leu Allah lene diyai dibou tut yok nok imam leu binhyepo Allah Ninnei dimig yok ei noyam kin mindhe di imam nya ikes ei nimbar hum dokti di bindei ba, Allah joi sut yok. Handei kon ba, Allah Ninnei bindei ba, inok mindhe pima di Noni dimig pijum ei mem Allah.

ROMA 15:29

Mpe di dihwou ttau kep je ne dikan tut bipia dikwei sut Kristus De munkwas di bitut jinnei nindig bibor bak jeni.

ROMA 16:18

Lewo yo di igyai nok gima igyai midyai mem ide Tuhan Kristus bi noro mem yonti ingut kanti nya. Iba ighyet mini kin ighyet di mmau biris ei yo di ingon mbum nya dip.

ROMA 16:25

Ma inggei sut Allah! Noni bon nisindemti mem gima sindem tut je leu binhyepo jiba jingon com Noni bibor. Gi dipai dini bicim tindei Nihyet Di Kei di ditri tut Yesus Kristus. Nihyet di ditri tut bicim tindei mimun nyeng gom di Allah mbot kep tut. Ingon dorti tut mimun di jo nding leu tungwatu mem nijam di mimbrek ngan dima bi.

KORINTUS GI NIGOM 1:1

Da di Paulus dipas srat dini hwou ndam je drek dip Allah di ta da nok no di ya kui Kristus Yesus bit leu ningon kanti. Sostenes di ingon him cem ningat rin bit da.

KORINTUS GI NIGOM 9:1

Diyati kwas bidiya kui Tuhan Yesus ba, dingat Noni bou diyai him tu. Jeni ne ningat di kei di ntun da him tug hon midyai di diyai mem Tuhan ri.

KORINTUS GI NICAN 1:1

Srat dini leu da di Paulus ba, diya kui Kristus Yesus tug hon Allah ningon kanti mem da. Dipas srat dini bak Allah de mbusyamei ei minu ndig Korintus kin Nide limwa nya yahagom ei hanjop Akhaya nisurti-nipekti. Da di Paulus kin isut Timotius ningat nadi leu binhyepo,

KORINTUS GI NICAN 11:5

Dikan tut bipia dani ei bijehei leu nibou di mipbor ngat nya di itri tut nihyet bije bi!

KORINTUS GI NICAN 11:7

Tirigi ditri tut Nihyet Di Kei leu Allah bije lene dahara je mem gima jimpu da poi mien cem bi. Tug hon nisinati dima lene doom da ei bijehei leu binhyepo dibikon jinyeng. Diba nisinati dima biyai mun tunggwei sut jeni e?

KORINTUS GI NICAN 12:11

Diyai mun tereu nok no di nintin kiek noro ningat ne jeni rino jibindei da nok a. Ningat ne ma jeni rino jikon dinyenga. Mbro nok gino dibon dinyeng bi lo, dani ei bijehei leu jide nibou di mipbor ngat dima yok bi!

KORINTUS GI NICAN 2:12

Tirigi duug krau minu ndig Troas biditin ei mem ditri tut Nihyet Di Kei tut Kristus lene dingat lo, Tuhan bon nikwesti mem diyai kep Nide midyai nya ei mpia dima.

KORINTUS GI NICAN 4:5

Lewo nihyet di nitri tut ne nihyet tut nyenti bi noro nitri tut Yesus Kristus ba, Noni ne Tuhan ri. Lene nuubon nyenti nok awak mem je leu binhyepo nibinggei sut Noni.

GALATIA 1:1

Srat dini leu da di Paulus. Diyai dinyeng no di ya kui Yesus tug hon gino tungwatu nya igya hacan mem da bita da nok no di ya kui Yesus bi. Noro tug hon Yesus Kristus kin Nicig Allah di win Noni hanyen leu nimai eisi.

EFESUS 1:1

Srat dini leu da di Paulus ba, dani ne no di ya kui Yesus tug hon Allah ningon kanti mem da ri. Srat dini mem Allah de limwa nya di ingon gom tut Kristus Yesus.

EFESUS 1:13

Jimiap Allah nicuk jeti tug hon Nihyet Di Kei di bindei ba, jiyai niteu leu sisarti kin niyaijo nijep. Jingon jo kep Kristus leu api Allah ba Nonti Ninnei di Noni preu ei mem nye bitak buk kep je bibindei ba, jinok Nide limwa nya.

EFESUS 4:11

Kristus rima njei nisindemti nya bak tungwatu nya. Noni ta yo di igya kui Noni kin nabi nya kin yo di itri tut Nihyet Di Kei kin gembala nya kin guru nya cem.

NINDAT KEP TUHAN NICUKTI NYA 10:8

Ei nungug dima lene tuhan dimig pinai nya leu keret Lewi ba, ta yok nok yo di inyohou Brua Gi Preu ba, igyai midyai nok imam nya ba, ingat nadi tindei mun di kei mem tuhan de limwa nya tug hon ninyeng cem. Yo dima igyai kep midyai dima kikau kwei bipek ammani kep.

FILIPI 1:1

Srat dini leu da di Paulus kin Timotius ba, nyeni ne Kristus Yesus De awak nya ri. Srat dini mem Allah De limwa nya di inok gom kin Kristus Yesus ei minu ndig Filipi bitut nibou mbusyamei nya kin yo di igya kui yok.

FILIPI 2:11

Ba, yahagom mitri tut brei bak tungwatu nya bipia Yesus Kristus ne Tuhan rin ba, inggei sut Icig Allah.

KOLOSE 1:1

Srat dini leu da di Paulus ba, diya kui Kristus Yesus bit leu Allah ningon kanti mem da. Disut Timotius ba no bikum da ba, nipas kep srat dini,

KOLOSE 1:25

Allah dimig da ei nok awak mem Nide mbusyamei leu binhyepo dimpu je. Midyai dima ne nitri tut Allah nihyet nikenti ba, gini bon ninyeng mem je.

TESALONIKA GI NIGOM 2:2

Ba, jikan tut bipia nipou tirigi nihwou ngat je ei minu ndig Tesalonika bigyo ne timiei minu ndig Filipi ihwen bit nye bikucang nye cem. Mbro nok gino tungwatu nya itte tut nye nindig bibor lo, ide Allah bindei ba, nibrim ningkek kep je binitri tut Nihyet Di Kei di kwei leu Nonti bije.

TESALONIKA GI NIGOM 2:8

Nitin ei mem gima nitri tut Nihyet Di Kei di kwei leu Allah bije he bi noro ninggok nimai eisi mem je cem lewo ningon ngakei je nindig bibor ba, ningon kieti rijeni.

TESALONIKA GI NIGOM 2:9

Disut bat jen, jo nibreisi mem da bipia jiyok ngon kep bipia ninda jo kep midyai nitu tirigi ningat rin ei jikieti ba, nigruap-gruap nyen tut midyai dima. Niyai midyai dima bikwop mmun-njap leu binhyepo nibindin je tut mun di bahati nye tirigi nitri tut Nihyet Di Kei bije bi.

TIMOTIUS GI NIGOM 1:1

Srat dini leu da di Paulus ba, diyai dinyeng nok no di ya kui Yesus tug hon Allah di teu nye leu sisar biyai niyaijo nijep binye nicuk dati kin Kristus Yesus di iba ingon com nicuk dati.

TIMOTIUS GI NIGOM 2:7

Gima rino Noni cuk da nok no di ya kui Yesus leu binhyepo ditri tut Nihyet Di Kei bak ngkiai nya ba, dingginau yok tut niba ningon com Kristusti di nijit. Mun di dipai sut dini ne nijit-jau ri. Diris bi!

2 TIMOTIUS GI NICAN 1:11

Allah ta da bidinok no di ya kui Yesus ba, dinok guru cem leu binhyepo ditri tut Nihyet Di Kei.

TITUS 1:1

Srat dini leu da di Paulus. Dinok awak mem Allah bidiyai dinyeng nok no di ya kui Yesus. Allah dimig da leu binhyepo dibiwin kep yo di Noni dimig ei su nya ide niba ningon com Kristusti. Dipingok ingonti leu binhyepo ingon dorti tut nihyet di nijit di bindei ba, igyai munti nya bit leu Allah ningon kanti mem yok.

IBRANI 5:4

Tungwa hi ta nonti nok imam nibou ndig bi. Noro Allah Nonti dimig no dima bita noni nok imam nibou ndig bit leu nok Noni ta Harun nipou su.

IBRANI 7:26

Yesus dem mem gima yai midyai nok Imam Nibou Ndig biya hacan mem nye lewo ningon kwes-kwau cem yai mun tunggwei bibon sisar hi bi cem ba, kes dihyei di kinei dini ei leu api Allah kon Noni bikui njiriek mpia-bbed him.

YAKOBUS 1:1

Srat dini leu da di Yakobus. Dani ne awak mem Allah kin Tuhan Yesus Kristus ri. Ba, srat dini mem Allah de limwa nya di intek gimahap ug ei dihyei nisurti-nipekti hagom. Dipigo jahagom.

PETRUS GI NIGOM 4:17

Nijam mem Allah mbus tungwatu nya ingonti dideu su. Noni mimbus Nide limwa nya ingonti bibie. Gino Noni kinyon ei nimbus ingonti bibie ne notou mem yo di ingon jo kep Allah Nihyet Di Kei bi nya i?

PETRUS GI NICAN 1:1

Srat dini leu da di Petrus ba, dinok awak mem Yesus Kristus bidiya kui Noni cem. Srat dini mem je dino jiyai jide niba ningon comti noyam kin nyeni tug hon ide Yesus Kristus di ningon sren-srau. Noni ne Allah kin No di teu nye leu sisar biyai niyaijo nijep binye cem ri.

YUDAS 1:1

Srat dini leu Yudas. Dinok awak mem Yesus Kristus ba, dikindig rino Yakobus. Ba, srat dini mem je dino Icig Allah dimig je tu di jingon dorti tut Nide ningon ngakei jeti kin Yesus Kristus ninyohou jeti.

NINGAT-HI-NGAT NYA 1:1

Yesus Kristus mbot kep tut mun di mipek kep mem tungwatu nya ei nidipti bu. Allah ndo mun dini yok hagom biNoni leu binhyepo Noni mbot kep tut hagom hanyen bak Nide awak nya. Kristus sok nihyet tut mun di mipek kep ei nidipti bu ei Nide malaikati dip bak Nide awak di Yohanes.

NINGAT-HI-NGAT NYA 22:6

Lene malaikati dima pai bida “Nihyet dini igbit rin ba, suar ma tungwatu nya ingon jo kep. Allah di kes Nonti Ninnei ei nabi nya ingonti pinak Nide malaikati gom kwei leu binhyepo ndo mun di jei bi mipek kep mem Nide awak nya.”

NINGAT-HI-NGAT NYA 22:9

Noro noni srep “Ayai nok au! Akuk na bida au! Ma akuk na bak Allah Nongkom! Dani ne awak rin noyam kin nani kin asut bat nabi nya kin yo di yahagom di ikrau kep nihyet di jo ei srat diniti.”