PETRUS GI NIGOM 4:3 - ALLAH NIHYET MEM TUNGWATU NYA

³ Nipou ne jiyai munti nya dem kep nok yo di ingon tindur nya. Mpe dima lene jikrar kep yam cem jidut mun di pu je kikau cem jikwek njita cem jibihim cem jibon pesta kep jide kwar di jikuk je bak di bindei ba, tungwatu nya igyai ttin cem.

PETRUS GI NIGOM 4:3 ပူးပေါင်းရင်းမြစ်များ

SAMUEL GI NICAN 13:28

Lene sok kep nide awak nya “Jitou kep mungkun ba, gino Amnon dut ba anggur ngei nindig bipu no leu ba, diba diyai nggrop kon je lene suar jiyai nimai bak hak ug. Ma jitin tut au. Lewo midibiang jiyai munti dima nibuhunti. Ma jihig jingon eisi au. Noro jibrim jingkek bijiyai nimai bak hak ug!”

NIBOU NDIG NYA GI NIGOM 21:26

Ahab bon sisar di mpiei bibor tirigi noni kuk no bak kwar nya noyam kin mben Amori po Allah jji yok bingwig leu ide dihyei hanjop nsi tirigi mben Israel sindi ikieng kep minu Kanaan pima.

NIBOHON MBEN ISRAEL GI NICAN 15:8

Tirigi Asa miap Nabi Azarya di Oded nipmot nipaisi dima rino ningon llei bibor mem. Lene kiju binjei kwar nya hagom bingwig leu Yehuda kin Benyamin ninyeng tak kepti. Ba, njei mun dima yok ningwig leu minu ndig ngot di noni bindei timek nya ei nungug him Efraim cem hagom. Leu api kinding tuhan de nimbar hum dok ei mpia di jo bas hak di iba ngug tig bikrop ttai ei tuhan De Ig hanyen.

YESAYA 28:7

Nabi nya kin imam nya cem idut anggur ngei kin pes di pu yok bibor. Yoni imbut bitti-tti nyen ba, indrat mpia lewo ibou buwei bibor. Apino bit bon nabi nya ingon dorti tut ningat-hi-ngat di Allah yai biyok kan bi. Bit bon imam nya igwam nok nikei bimbus tungwatu nya ingonti tut ide munhyet kan bi.

YESAYA 5:11

Buhun bibor mem je! Jide midyai di jiyai kep rino jidut kep mun di pu je ba, gima hwen je bijibou ngwak sibui sut bijo kikau leu njap tekti dimo ug bipek mmun kep.

YESAYA 65:4

Induk yam ei hak mihyeti kin nimai jui dip nya mem mmun leu binhyepo iko binggok tut nimai ingwes nya. Igyem kep na nghui bidut mikwau di ngkiai nya ipigig ser mem ide kwar nya ningei cem.

YEREMIA 16:11

Lene ma apai biyok bipia Da di tuhan disimbot dat ‘Jidigup bat-jidigai bat nya iba inghim biDa. Leu api ikuk yok bak ngkiai nya ide nung nya cem. Iba ikou yai Dani ba, igibit Ditde nidimig sutti nya cem bi.

YEREMIA 16:18

Midiba hukum mbican bram yam bibuhup biyok drek dip ide sisar kin ide nibon mun di kinei biborti lewo ibindei ba, map kui Ditde minu dini tug hon kwar mang bibor tu. Ninnei jo kwar dimati bi noro hagom noyam kin nimai ngut.”

YEHEZKIEL 44:6

Ma apai bak limwa Israel di yaham imbuk kep Da kwop dima bipia Da di tuhan Di Dinyeng Jei Bibor midisindui sut ba, ibon mun di bindei bidiyai ttin ser bu bi.

YEHEZKIEL 45:9

tuhan Di Ninyeng Jei Bibor pai “Je di nibou ndig Israel e, jibon sisar bidem tu! Ma jikes hon jide nisibut biborti kin jide nico kep limwa nyati dima hak ug. Ma jibon mun di igbit kin mun di sren kei nya. Ma jijji Ditde limwa nya leu ide dihyei bu au. Da di tuhan Di Dinyeng Jei Bibor ditri tut dicukti dima bije.

MARKUS 7:22

icut tut hi nitnem cem iris yam cem iba yoho rok mun di mipror yon cem imbuk tut yam cem ikrar kep yam cem ingon kinei sut yam cem ikucang yam cem ingon jei cem ingon tindur cem hagom.

KISAH 17:30

Allah ba niyai ngat nijam ndi po tungwatu nya ingon mbum pima. Noro tini bu ne Noni cuk tungwatu nya ‘Ma yahagom ittin ser ide sisar bikiek ndam Allah hak.’

ROMA 13:13

Ma ibindei mbut niyai munti di singat kei nya tereu nok yo di imbut mem nipigati. Ma ibihim cem idut pes di pu nye cem icut tut yam cem ikrar kep yam cem ibui yam cem ingon kinei sut yam cem bu au.

KORINTUS GI NIGOM 12:2

Jikan tut bipia tirigi jingon tindur yo ne kwar di ibon innei bi nya iris jeni ei nikineisi ba, jisrawir.

KORINTUS GI NIGOM 6:11

Nipou ne jibou poi jibon mun tunggwei nok gima. Noro tini bu ne Tuhan Yesus Kristus kin nisindemti di kwei leu ide Allah Ninnei bindei ba, jiyai nipiap leu sisarti ba, Allah dimig je ei mem Nonti leu api jiyai ningon di kwes kin Allah hanyen tu.

KORINTUS GI NICAN 12:21

Dikrau dingon tut gima dihwou ngat je lene Allah bindei bidimmai sut danti bou jiyai him bidiyai nggwei kibor drek dip imang di ibon kikep sisar lo, ittin ser sisar nikrar kep yamti kin nicut tut yamti kin niba noho rok mun di kinei di ingat ingwes eisi di ikiek ndam Allah bi nya.

GALATIA 5:19

Lewo tungwatu nya ingut kanti di ntun dihyeisi dini him jo nibreisi tug hon igyai munti di kinei nya nok icut tut yam cem ikrar kep yam cem,

GALATIA 5:21

ingon kinei sut yam drek dip mun di imbun nya cem pes pu yok cem ibon pesta tut ide kwar di ikuk yok bak nya cem hagom. Disok kep je hanyen bu noyam kin gi disok kep je nipou su bipia tungwa tou rino bon mun di kinei dini yok micoi bit Allah Ninyeng Tak Kepti bi sren.

EFESUS 5:18

Ma jisindui sut ba anggur ningei pu je au. Lewo gima bindei ba, jiyaijoti kinei bibor. Noro ma jiyai jingon di mpung tut Allah Ninnei nisindemti.

TESALONIKA GI NIGOM 4:5

Lene ma ba niyai can noyam kin yo di ingon tindur di ikan tut Allah bi nya di ikrar kep yam bibong bit nitnem au.

TITUS 3:3

Lewo nipou ne nyeni cem ingon tindur cem israwir cem ibit nihyet bi cem ba, inok awak mem ingut kanti nya kin mun di ingat ingwes eisi nya. Igyai munti nya sibut bibor cem ingon kinei sut yam cem ingon mpo tut tungwatu nya yahagom ba, yahagom ingon mpo tut nye.

PETRUS GI NIGOM 1:14

Ma jibit Allah ningon kanti mem je. Ma jingkwei kep jingon kanti kin jingut kanti timiei nya di jiyai tirigi jingon tindur yo pima au.

YUDAS 1:4

Lewo yo di isibut nya ibou poi imbris nyahan bisrig ikieti ba, ikiek-kiek nyen nihyet tut Allah nisingat tut nyeti leu binhyepo ibimbrap gau yonti ingut kanti di kinei di srou yok. Yo dima itte tut bipai sut Yesus Kristus bipia Nongkom ngat ne Iceu kin ide Tuhan rin bi. Allah nihyet pai sut ide hukum di hatap yok mimbrek ngan tu.