PETRUS GI NIGOM 3:3 - ALLAH NIHYET MEM TUNGWATU NYA

³ Ma jiba mun di tungwatu nya inga leu sut nya bimau jenti au. Gima ne jibou di jipri bikei bibor kin mas di nibok kui di jindei kin sinsun di nibok kui di jijuk ri.

PETRUS GI NIGOM 3:3 ပူးပေါင်းရင်းမြစ်များ

ROMA 12:2

Ma jiyai bram mun di bon ninyeng mem tungwatu dihyeisi dini kin igyai kepti nya au. Noro ma jisindui sut ba, Allah bibon jenti njem nok nijep bu. Tug hon nisinati dima mijikan tut Allah ningon kanti di kei bibor di biyai Allah ningon llei bibor bikwes-kwau mem jenti.

YESAYA 61:10

Minu ndig Yerusalem pai “Dillei ngwig sut tuhan niyai munti nya. Noni ba sinsun nda di ninyeng rino niteu leu sisarti kin nibindei sar siceusi nya bijuk da noyam kin no di pinai kin no di sop di imau yonti mem midut niwak yamti.

YEREMIA 4:30

Je di timiei minu ndig Yerusalem e, tuhan kes je ei su ba, dem mem gima jibon mun nyeng hi bu bi! Nggon rino jijuk sinsun ngwoi bijiba mas kin perak bimau je ba, jiba celak ngwoi bidip jiyai nggrop i? Jimau jenti dima mikui-kausi he. Lewo yo di jiyem njita tut yok ikou sut je ba, ijoi sut gima igyai nimai bije.

YEREMIA 2:32

Bon sop gwam nitta pilei ningon prion ser nide mas di noni bimau nonti e? Bon sop wak cam ningon prion ser sinsun di noni juk mem pesta niwak yamti e? Noro jingon prion ser Da ninno tu. Bit bon dikwop nijam dima nijeisi kan bi.

YESAYA 52:1

Je di mben Yerusalem e, ma jikiju hanyen lene ma jingonti yai nisindem bijijuk jide sinsun di kei-kau hanyen! Je di jinok Allah de limwa di jingon kwes e, ngkiai di irom ndok nya micoi dimbou hui kwei ei jide minu ndig bu bi sren.

NEHEI LEUSI 33:4

Tirigi mben Israel imiap tuhan nihyet dima lene ingon buhun bibor dem kep nok yo di ingon ngguk tut nimai. Gima rino hi di ba mas kin mitingou him bimau no bi.

NITRITI 24:53

Lene noni hit sinsun kin mimau perak kin mas bak Ribka lene njei mimbron di nibok kak bibor bak Ribka nikijam kin nipmem.

NITRITI 24:47

Lene dihig ser noni tut nicig ninyeng. Leu api noni buhup bipia nicig ninyeng Betuel ba, Betuel ne Nahor kin Milka ipmot ri. Lene dipindur mimau mas ei nuhwap jou leu api dikui srak can ei ninda pang.

NITRITI 24:22

Unta nya idut minyei bindei yok tu lene awak di Abraham de hit mbrawin ningat gom bipindur ei misop nuhwap jou leu api kus srak mas ningat can bikui ei ninda pangti.

MAZMUR 45:9

Ade sinsun wer ui-gwang kei nok mur kin gaharu kin cendana di nyop kei cem. Yo di ikek musik ei ig nibou ndig di iba gaja nikwai di jei bibor bimau ibindei ba, angon nggei-hi-nggei.

NEHEI LEUSI 38:8

Lene Bezaleel ba kisina ngkimom-tembaga bibon bokor minyei bitut nidihim cem ba, ninyeng rino Bokor Ngkimom-tembaga. Sop di igyai midyai hammi dimbou tuhan De Prak Meng nuhui nya ikwas ide kisina hagom tut Allah leu binhyepo Bezaleel bibon bokor dima.

NEHEI LEUSI 32:2

Lene Harun pai biyok “Jiyai jitnem bat kin jimunggwom bat nya ide mitingou him mas kwei bida.”

YEHEZKIEL 23:40

Lene iba srat bijem pinai di ibong minu ting nya leu api yo dima ibit srat nijemti dima ba, ikwei. Ba, yahacem ikek minyeiti bipwoi kei. Iba celak bihwen igyai nggrop ba, indei mimau nya cem mem gima ibiya um pinai di ikwei ngat yok nya.

ESTER 5:1

Ug ei njap gi niningai ei njap di niyem njita ba, nidut ndia ngei bi pima rino Ester juk nide sinsun sop nibou ndig leu api ug ngat nibou ndig ei ninsi di jo bas hak di iba ngug tig bikrop ttai ma kwei. Mpe dima lene nibou ndig no gwam kui nide banggo mbrei di birok kik dimbou hui.

NEHEI LEUSI 35:22

Bikwop yo di ingon huk niti nok pinai nya kin sop nya ipwoi ide piniki kin mitingou him mas kin srak mas kin miep kin mimau mas nindigsi nya hagom kwei bidimig ei mem tuhan.

NEHEI LEUSI 3:22

Noro bikwop sop mben Israel miyahara timiei minu Mesir di bong dideu kin nisut sop minu Mesir di bit bong leu binhyepo igyai sinsun kin mimau di iba mas bibon kin perak di indei biyok mikuisi. Lene mben Israel mijuk mun dini yok hagom ei imunggwom bat nipinai nya kin nisop nyati ba, ingwes ngun tut. Tug hon nisinati dima lene mijipos mben Mesir ide ndigban hagom bingwig leu yok.”

NIBOU NDIG NYA GI NICAN 9:30

Lene Yehu ug krau Yizreel. Tirigi Izebel miap tut mun di cut igkep Ahazia nya pima tu lene pri nibou ba, ba buk bidip niyai nggrop cem leu api su nibou ei kendera mihyeti ei ig nibou ndig bimian ser nimo jug.

PETRUS GI NIGOM 3:2

Jiyai munti di kei bibor nya kin jide niba nibou coi mem yokti jo nibreisi mem yok.