PETRUS GI NICAN 2:3 - ALLAH NIHYET MEM TUNGWATU NYA

³ Guru dini yok ingon pri kep mitiei nindig bibor. Ibrim mitiei leu je tug hon mumpui di itri tut bije bit leu yonti ingon kanti nya. Noro Nikei di mikes hukum ei yok dip tin ei mem yok mimbrek tu. Ba, No di mibindei cut yok niyai nggrop nggan.

PETRUS GI NICAN 2:3 ပူးပေါင်းရင်းမြစ်များ

KORINTUS GI NICAN 2:17

Nyeni ninoyam kin yo di hiter di iba Allah nihyet bikek noyam kin ndigban di nitri-binibipek ndiyok bi. Niba ningon srenti kin ningon gomti biyai kep Allah de midyai nya bou Noni niyai him lewo Noni cuk nye. Noni ngat bipia ninok awak di tri tut nihyet.

NINDAT KEP TUHAN NICUKTI NYA 32:35

Noni mibirop hanyen biyok tug hon hukum di Noni mikes ei yok dip. Jei bi lene yoni misar bingwig. Ide njap ningwig honti dideu kwei su.

TESALONIKA GI NIGOM 2:5

Jikan tut mungkun bipia niba ninsi di mmau biris bije ba, nibiti ninda binitindei kep jindati tut mun nyeng hi bi. Allah ngat gima brei bou niyai him.

ROMA 16:18

Lewo yo di igyai nok gima igyai midyai mem ide Tuhan Kristus bi noro mem yonti ingut kanti nya. Iba ighyet mini kin ighyet di mmau biris ei yo di ingon mbum nya dip.

YUDAS 1:15

leu binhyepo mbus tungwatu nya yahagom ingonti. Noni mikes hukum ei yo di isibut nya dip drek dip igyai munti di kinei di srou yok nya kin ighyet di wer mpiahi di ibirom kui Noni cem!”

TITUS 1:11

Suar asok kep yo dima ngkiem leu binhyepo ikimut yuhug hak ug. Lewo iba nihyet minyei binggek tut mbusyamei ninsi de nya imang bibor ba, ibipek mitiei nindig bibor leu yok. Igyaisi dima igbit bi!

TIMOTIUS GI NIGOM 6:5

isibui ighyet ei yamti kikau buug hon nohonti bi cem. Yo dini intin kiek bikrau kep nihyet di nijit bu bi. Ikan bipia gino iba ingon com Kristus lene gima bindei ba, inyeng bibor.

PETRUS GI NICAN 2:9

Gima rino Allah kan tut nisinati mem gima teu yo di ingon sren nya ba, ingwes ngun leu mun di buhun tak yok. Ba, Noni kan tut nisinati mem gima om kep yo di isibut nya bibou Njap di Noni kes hukum ei yok dip midem ug e.

PETRUS GI NICAN 2:1

Nipou ne nabi nitrowai nya ittau hak srig Allah de limwa nya ikieti. Gima rino guru nitrowai nya misrig jikieti bu. Yoni ibiti ninda bitri tut nihyet di nijit bi di bindei srawir je leu api ibikep ser Iceu di kwek yok leu mun di kat yok. Tug hon nisinati dima lene ibindei sar yonti ba, gini micut igkep yok kros.

PETRUS GI NICAN 1:16

Tirigi ningginau je tut Tuhan Yesus Kristus nikwei hanyenti di bon ninyeng mem nye ne nindat kep mumpui di tungwatu nya itri tut bi. Noro ningat Kristus nikei-kau-keisi bou niyai him tu.

PETRUS GI NIGOM 5:2

Ma jinyohou domba nya di Allah kes bije. Ma jiba ningon di llei sut midyai dima binyohou yok bit leu Allah ningon kanti mem je. Ma jiba jikou binyohou yok au. Ma jiba jingon di pri kep mun di ibirop hanyen bije binyohou yok au. Noro ma jiba jijoi sutti binyohou yok.

TITUS 1:7

Suar nibou mbusyamei ningon gom lewo ninyeng tak kep Allah de midyai nya. Ma ningon jei cem gga-gga wai cem dut mun di pu noni cem bui tungwatu nya cem ningon pri kep mitiei nindig bibor cem au.

YUDAS 1:11

Ayo! Notou mem yo dima i? Lewo ico kak puig di Kain mbut kak. Ibindei yonti bicut ei nikineisi drek dip mitiei noyam kin Bileam niyai munti di yai tunggwei. Isrep tut Allah noyam kin Korah di srep tut Musa apino tug ndei nimai.

YUDAS 1:7

Ma jiyok ngon kep minu ndig Sodom kin Gomora kin minu mien di gahai nya. Lewo timiei minu dima yok igyai bram malaikati dima yok igyai kepti nya bicut tut yam. Pinai yonti icut tut yam ba, sop yonti icut tut yam apino yahagom itug ndei hukum ei hum njengti di bit bon hi mu kan bi. Ba, gima nok mun di bisok kep bijo nibreisi mem yo di yahagom.

YUDAS 1:4

Lewo yo di isibut nya ibou poi imbris nyahan bisrig ikieti ba, ikiek-kiek nyen nihyet tut Allah nisingat tut nyeti leu binhyepo ibimbrap gau yonti ingut kanti di kinei di srou yok. Yo dima itte tut bipai sut Yesus Kristus bipia Nongkom ngat ne Iceu kin ide Tuhan rin bi. Allah nihyet pai sut ide hukum di hatap yok mimbrek ngan tu.

PETRUS GI NIGOM 2:8

Lene Allah nihyet hi bu pai “Tig mma dima mibindei bitungwatu nya indrat bicut.” Indrat lewo ingon jo kep nihyet bi. Lo, gima bit leu Allah ningon kanti mem yok.

TIMOTIUS GI NIGOM 3:8

Suar yo di igya kui nibou nya ingon kwes ba, ingon gom cem. Ma idut ba anggur ngei nindig di pu yok au lene ma ingon pri kep mitiei nindig bibor au.

TIMOTIUS GI NIGOM 3:3

Suar noni mbres nonti leu mun di pu tungwatu nya. Ma noni gga igkei au. Noro ma ningon jo nyahan. Ma noni ngat ningwes ei mitieiti au.

TESALONIKA GI NIGOM 5:3

Mpe dino tungwatu nya mitri tut biyam “Yahagom ibong kei igwam kei ba, mpia mbum-bra” lene mun di bindei timek yok micut igkep yok kros noyam kin sop di ninghim dut tut munggwom lene bit bon ingwes ngun kan bi.

YOHANES 2:16

Lene Noni pai bak nitri hakimoi cig nya “Ma jikon jide hakimoi nya leu mpia dini! Ma jibibon Dicig De Ig dini nok kios bousi au!”

LUKAS 22:47

Tirigi Noni pai biyok nok rino Yudas di nggre kin ibou simnaibrimigcan pima ttau kep yok bibie tut yo di ningot ndig kwei. Leu api noni mbut biya ei Yesus Noho bei bimei ningyoi.

LUKAS 20:20

Gima rino inggok nituti di kei bibor. Iba mitiei bingot kep ibou poi di ibon yonti dem kep nok yo di ingon sren nya. Yo dima yuug hig simber Yesus leu binhyepo iba nibuhup biyokti bisrou Nonti hanyen leu api ibikes Noni ei nibou pemerinta nindati.

LUKAS 18:8

Ma jingon jo kep bipia Allah bipbur bimbrap gau yok! Noro tirigi Munggwom Tungwatu Nipmot kwei hanyen lene Noni mittau kep yo di iba ingon com Noni ei dihyeisi dini e?”

MALEAKHI 1:10

tuhan Di Sindem Bibor pai “Dijoi sut gima jigom nggam mbou pmem ei Ditde Ig hak nhyema hi ndig hum ariwace ei Ditde nimbar hum dokti bu au. Dijoi sut je bi ba, dikou sut mun di jibikuk je biDa cem.

HABAKUK 3:3

Nani Allah Di Kwes-Kwau di kwei leu minu Edom rin ba, akwei leu nungug him Paran cem. Ade nikei-kau-keisi nggai kep mpia-bbed him bibindei ba, tungwatu dihyeisi dini hagom inggei sut Nani.

MIKHA 3:11

Ei minu ndig dima ne nibou nya inyeng tak kep ide limwa nya di iba mitiei bingot kep yok. Imam nya itri tut tuhan nicukti leu binhyepo ibiyai imuhup. Nabi nya yahara Allah mem gima ndo bindo biyok leu binhyepo ibipek mitiei. Ningat ne yahagom ikan bipia tuhan tti kin yok. Ipai “tuhan ningat rin ei nikieti. Mun di buhun bibor micut igkep nye bi sren.”

YEHEZKIEL 13:19

Jihyet wer mpia hi tut Da ei Ditde limwa nya yoho bei leu binhyepo jibikam gandum barli nittun poi he ei jindati kin roti ninggop poi he. Jiyai nimai bak yo di ibon mun tunggwei bi nya. Jisindui sut yo di suar itug ndei nimai ba, igyaijo. Leu api jisuglai mun bak Ditde limwa nya apino iba ingon com je.’ ”

YEREMIA 8:10

Gima rino yo di hiter migyai ide ngoi dumti nya nok ide dihyei ninda rom bu. Midikes itnem bat nya bak yo di hiter bu. Ndigpoi nya kin munggwom nya yahagom iba ingon di sren bi biris mitiei leu yam ba, nabi nya kin imam nya cem iris mun bak ide limwa nya.

YEREMIA 6:13

Ndigpoi nya kin munggwom nya yahagom iba ingon di sren bi biris mitiei leu yam ba, nabi nya kin imam nya cem iris mun bak ide limwa nya.

YESAYA 60:22

Lene gima he bi. Lewo nitig mbier tut yamti hi di mien bibor di bon ninyeng bi rin lo, midigek kep mpia nok mben nindig bibor biyai nisindemti ba, ninyeng jei cem. Dani ne tuhan rin ba, midiyai dibou tut leu binhyepo gima pek kep mem na dem igbit tto boua.”

YESAYA 56:11

Idem kep nsien di duhwen mun di yem he lo, gima gi ndei ninggumti bi. Nibou dima yok ingon huk niti cem bi ba, ibon mun bit leu yonti ingon kanti bibikwop nok ba, iba yoho rok ningat di kei mem yonti he.

YESAYA 5:19

Jipai “Nnaba tuhan Allah Israel Di Kwes yai nibou tut midyai haninyai hak ug! Nnaba Noni bindei mbut ningon kanti hak leu binhyepo nyeni ingat ba, ikan tut ug.”

MAZMUR 81:15

Gi nok lene midibindei ba, siceu di ide nya indun bou ba, dibindei timek ide siceu nya yahagom cem.

MAZMUR 66:3

Jipai bak Allah “Abon munti bibon ninggap leusi nijit-jau a! Ade nisindem biborti mipbor ngat. Gima rino Ade siceu nya iba ingwak bikik dihyei ba, idigit tut Na bibor.

MAZMUR 18:44

Akwek da bidingwes ngun leu nimpung di ibit Ade nicukti bi nya inda nsi leu api akon da bidinok no di ninyeng tak kep ngkiai nya. Ngkiai nya di dikan tut bi nya cem inok ditde awak bu tu.

NINDAT KEP TUHAN NICUKTI NYA 24:17

Ma jibon mun di kinei tut ngkiai nya kin moibihi nya bijico kep yok au. Lene ma jipos kibom nya ide sinsun dut nok mun di bindo bipia mirop jide ningwam hanyen au.

AYUB 6:27

Gima he bi noro ako ba, abinggok tut mun di mipek kep mem munggwom moibihi. Noro aris mun leu asut ningat leu binhyepo abindei ba, anyeng bibor!

YUDAS 1:16

Yo dini inso-nso nyen cem injei kep hi ter cem igyaijo bit leu ingut kanti di kinei di srou yok cem ingon jei cem iba ninsi dimmau biris tungwatu nya leu binhyepo ibibrim mun di ingat ingwes eisi leu yok.

MATIUS 23:14

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jiris sop kibom nya ba, jipos ide ig tut mun di joti nya hagom. Leu api jibiti ninda tut jingon srenti tug hon nadi di juhuk kikau. Gini yok hagom bindei dino mijitug ndei hukum nindig bibor!]