OBAJA 1:10 - ALLAH NIHYET MEM TUNGWATU NYA

¹⁰ “Jiba nisibutti biyai jide adig-ajoi di intun Yakub him. Gima rino jide nitok nya mibindei sar je ba, ighyet kinei sut je mem nijam di jei.

OBAJA 1:10 ပူးပေါင်းရင်းမြစ်များ

NITRITI 27:11

Noro Yakub srep bipai “Nok bi! Lewo Esau ningkek dip nta-nta noro dingkek dip dia kei.

NITRITI 27:41

Gima rino Esau ningon dindi bibor tut Yakub drek dip gi nicig njei mun di kei nya hagom bak noni leu su. Apino noni kan-kan nyen “Son dideu sicig niyaijo ningwig honti tu ba, mpe dino nijam mem singon ngguk bram noni ngwig leu su lene misiyai nimai bak Yakub.”

MAZMUR 109:29

Nna ba siceu nya inyeng di kinei kieng kep yok ba, nimmai nggai kep yok noyam kin sinsun ndok di jei di nijeisi pek imig ggom di nggai yok.

MAZMUR 132:18

Ninyeng di tak kep mibindei ba, tungwatu nya ibong kei igwam kei bijo ninno. Noro midinim kep nide siceu nya yahagom.”

MAZMUR 137:7

tuhan e, ma ayok ngon kep mben Edom igyai munti mem njap po mben Babel inggek minu ndig Yerusalem bingwig pima. Mpe dima lene ipai cuk yam “Jikwei ba, inggek minu ndig dima. Inggek minu ndig Yerusalem hagom bipek kin nikiou nya cem!”

MAZMUR 69:7

tuhan Di Sindem Bibor e, ma asindui sut ba, nimmai kui yo di iba ingon com Nani au. Na di mben Israel ide Allah e, ma asindui sut ba, dihyet tigut yo di ikuk yok biNani au!

MAZMUR 89:45

Abindei ba, nide nisindemti ug hon nohonti ba, anjei nide banggo mbrei ug ei dihyeiti tu.

NIPINGOK NINGONTI 10:6

No di ningon kwes kei mitug ndei ningat di kei. No di sibut pai nihyet bitak kep nisibut biborti bijo nding.

NIPINGOK NINGONTI 17:5

No di ba yo di yuhui mbum nya bikek nim kep Allah di pai tes yok. No di ningon kei kep hiter tut mun di buhun bibor di cut igkep yok nya mitug ndei hukum.

YEREMIA 12:14

tuhan pai “Gini ne Ditde nisokti mem ngkiai nya di ibong ttai minu Israel di inggek dihyei di diyai bak Ditde limwa di mben Israel ri. Midibindei hei yo di isibut dima leu ide minu nya noyam kin njita kioi di yohom leu dihyei ba, midikwek timiei Yehuda nya leu inda nsi.

YEREMIA 3:25

Gima rino nna ba nigwam nimmaiti ug. Nna ba niwer mindhe tut ug. Lewo niya tut nidigup bat-nidigai bat nya ba, nibon sisar tut nyende tuhan Allah ninno tu ba, nigibit Nide nicuk nyeti nya cem bi sren.”

YEREMIA 49:13

Deheng bitug hon Danti dinyeng bipia minu ndig Bozra nok mpia di tungwatu igyai ttin ba, nok iggum ndigsi cem. Tungwatu nya mipa tut ba, iba ninyeng bisigion yam cem. Minu mien ngot di jo ttai nya mitti sinsiou bihigom bijo ninno bijo kikau. Da di tuhan disimbot dat tu.”

YEREMIA 51:51

Jipai-pai nyen “Yo dima ipai nye kinei ba, igyai nimmai binye tu. Nigwam nimmaiti lewo ngkiai nya ibong ser ninsi di kwes nya ei tuhan De Ig hagom bidem ser nye tu.”

NIBWOS-BWOS NYENTI 4:21

Je di mben Edom kin mben Us e, tirigi bon nituti mem je lene ma jingon llei bibor hak ug o! Mun di buhun micut igkep jeni cem lewo jibou ngwak sibui sut mun di pu je ba, mun dima biyai ningat nguti bijenti rin o!

NIBWOS-BWOS NYENTI 4:22

Jikan bipia Sion tug ndei hukum drek dip sisar di bon nya tu noro nogindini tuhan misindui sut nye ei bi ba, micom nye ug ei ningkiaisi bu bi. Noro tuhan mikes hukum ei na di Edom dip! Noni mihit ade sisar nya bijo nibreisi!

YEHEZKIEL 35:9

Midibindei minu jide binok iggum ndigsi di ha ngunti ba, hi di mibong ser jide minu ndig ngot dima bu bi bijo ninno bijo kikau. Apino mijikan tut bipia Dani ne tuhan ri.

YEHEZKIEL 7:18

Yoni mijuk sinsun kron ba, idigit-digoi. Ikak ibou nta apino hiter ingwes pri gau yok drek dip ide nimmaisi.

YOEL 3:19

Noro minu Mesir miluei nitta binok iggum ndigsi kin bigum dip. Minu Edom mitimek bingwig noyam kin ha ngunti lewo timiei minu Edom ikon pran bit timiei minu Yehuda bigyai nimai bak yo di ibon mun tunggwei bi nya.

AMOS 1:11

tuhan pai “Timiei minu Edom ibon sisar ninyen. Ide sisar dima bindei ba, dikes hukum ei yok dip. Lewo ingondut ide bat mben Israel bi noro iba ingon di sibui birop biyok tug hon pran di ikon bit yok kikau.

MIKHA 7:10

Nipou ne ide siceu nya ingwes om kep nye bihig ser nye “Jide tuhan Allah No ritou i?” Noro tini bu ne yoni ingat mun di Noni bibon mem nye hagom bou igyai him leu api immai sut yonti. Nyeni mingat siceu nya di ibindei timek yok bico kep yok nok igkrop puigsi bou igyai him.

NINDAT KEP TUHAN NICUKTI NYA 23:7

Ma jingwes om kep mben Edom au lewo yo dima ne jimbier kimti ri. Ma jingwes om kep mben Mesir cem au lewo nipou yo lene jibong ei ide minu tu.

NINDAT KEP TUHAN NICUKTI NYA 23:8

Ma jisindui sut yok ba, dem mem ide nintun him yamti di bram yam nya icoi bit tuhan de limwa nya.”