MBEN ISRAEL IMBUT-MBUT NYEN 9:13 - ALLAH NIHYET MEM TUNGWATU NYA

¹³ Noro tut no di map kui no bi kin no di ningat rin ei puig sinon cem bi lo, nghen bibon midut Njap Ndig Paskah dini bi lene dibibon no dima nok no di nggre kin Ditde limwa nya bu bi. Lewo noni kwas mun hi mem nibon midut Njap Ndig Paskah dima bikuk no bak Dani dem igbit tto bou pima bi. Suar no dima biang nide sisar nibuhunti.

MBEN ISRAEL IMBUT-MBUT NYEN 9:13 ပူးပေါင်းရင်းမြစ်များ

NITRITI 17:14

Bikwop pinai tou rino yai nibon midut sunat bi lene noni minok Ditde limwa bu bi lewo noni krau kep gi preu dima bi.”

NEHEI LEUSI 12:15

Lene tuhan pai “Ma jiyem roti di dwoi kikau mem njap muhwindacan dima au. Ma jicom roti ninjep leu jide ig bei nya mem njap gi nigom. Leu gino tungwagom yem kep roti di dwoi ei ninsi njap muhwindacan pima lene Noni minok Ditde limwa bu bi.

NEHEI LEUSI 12:19

Ma jicom jide roti ninjep leu jide ig bei nya ei mmun-njap nitindur muhwindacan pima. Gino jigom yem roti di dwoi lene noni minok Ditde limwa bu bi. Dicuk jeti dini mem je di timiei minu Israel kin ngkiai di ibong timiei bit je nya cem.

NEHEI LEUSI 12:47

Suar mben Israel yahagom ikon Paskah binok njap nindig.

NEHEI LEUSI 30:33

Tungwa tou rino bibon mini di noyam kin mini dini ba, ttin ampou tut bikiber ei no di imam bi nibou nggram him lene no dima minok Ditde limwa bu bi sren.”

NEHEI LEUSI 30:38

Tungwa tou rino bibon biei nggrai di ui-gwang kei di noyam kin biei nggrai di ui-gwang kei dini mem nonti nok mini ibou lene no dima minok Ditde limwa bu bi sren.”

YEHEZKIEL 23:49

Ohola kin Oholiba e, midikes hukum ei je dip drek dip gi jicut ei sisar nicut tut yamti kin gi jikuk je bak kwar nya. Leu api mijikan tut bipia Dani ne tuhan Di Ninyeng Jei Bibor ri.”

IMAM NYA IDE MIDYAI 17:10

Gino mben Israel gom e, he ngkiai gom di bong timiei ei mben Israel ikieti e, yem mikwau di ninggrom huisi lene tuhan mikes hukum ei no dima dip. Ma jibibon no dima tereu nok no di nggre kin Allah de limwa bu bi.

IMAM NYA IDE MIDYAI 17:4

lo, jem mindhe dima kwei bak tuhan biya tut kui dimbou ei tuhan De Prak Meng nuhui bi lene no dima ba ninggrom di kiber dima bipigau tuhan nikos tutti nya. Suar jibibon no dima tereu nok no di nggre kin Allah de limwa nya bu bi.

IMAM NYA IDE MIDYAI 20:20

Gino pinai gom yem njita tut nipmum nitnem lene noni biyai nimmai bak nipmum. Suar pinai dima kin sop dima ibiang igyai munti nibuhunti. Ba, bit bon ibon imunggwom bat nya kan bi kikau ba, yuug bimai kep.

IMAM NYA IDE MIDYAI 22:9

Suar je di imam jahagom jibit nicukti nya dini di ditri tut bak jeni. Gino jibit bi lene jitunggwei sut ba, mijimai drek dip lewo jitunggwei sut nicukti nya di kwes dima yok. Dani ne tuhan rin ba, dinyeng tak kep jeni pijum.

IMAM NYA IDE MIDYAI 24:15

Gima leu ug api atri tut dikos tutti dini bak mben Israel. Tungwa tou rino sigion Allah lene suar biang nisigionti dima nibuhunti ba,

MBEN ISRAEL IMBUT-MBUT NYEN 19:13

Tungwa tou rino ngget nimai ngut lo, piap nonti bi lene map kui noni kikau lewo ba minyei midut biprok nonti bigyo. Tug hon nisinati dima lene noni bindei ba, map kui tuhan De Prak Meng nsi apino noni nggre kin Ditde limwa nya bu bi.

MBEN ISRAEL IMBUT-MBUT NYEN 19:20

Tungwa tou rino map kui noti lo, bon midut nibindei kwes nonti bi lene map kui noti kikau yo. Lewo hiter ba minyei midut pima biprok noni bi. Tug hon nisinati dima noni bindei ba, map kui tuhan De Prak Meng nsi apino noni nggre kin Ditde limwa nya bu bi.

MBEN ISRAEL IMBUT-MBUT NYEN 5:31

Pinai wak cam dima ningwes ngun lewo bon mun di tunggwei hi bi noro nitnem biang nibuhunti gino ningat ne bon mun tunggwei sut nijjep tu.

MBEN ISRAEL IMBUT-MBUT NYEN 9:7

bipai biyok “Map kui nyeti drek dip gi ningget nimai ngut. Noro nggon rino jikuk nye leu dino nicoi bit nibon midut nibui mindhe mem nibikuk nye bak tuhan bit mben Israel nindigsi nya kan bi i?”

IBRANI 12:25

Gima rino ma jisok kep jenti ser nhyema jingkek ndok tut No di mbrap au. Yo di ingkek ndok tut No di tri tut Allah nihyet ei dihyeisi ingwes ngun bi. Gino ingkek ndok tut No di mbrap kwei leu gwamti ne notou ingwes ngun i?

IBRANI 2:3

Notou mem nye i? Gino ingon nyei ndam niteu leu sisarti kin niyaijo nijep di mindur dor njiriek nicukti dima bi ne notou ingwes ngun leu hukum i? Tuhan Nonti tri tut niteu leu sisarti kin niyaijo nijep nipou ngig-ngat leu api yo di imiap ipai brei binye bipia nihyet dima ne nijit-jau ri.

IBRANI 6:6

Igyai gima yok hagom tu noro ingkwei hanyen bihigom! Bit bon ibrim yo dima leu binhyepo ittin ser ide sisar bikiek ndam Allah hanyen kan bi. Lewo ipek Allah Nipmot hanyen kin biei salib ba, ibicig Noni brei bou tungwatu nya igyai him.

IBRANI 9:28

Gima rino Kristus kes Nonti ei mbigom ngat he bijo ninno bijo kikau nok mindhe di ibui sut ninggrom leu binhyepo bidip tut tungwatu nya imang bibor ide sisar. Noni mikwei hanyen nimbican mem gima kos ser sisar bi noro mem gima teu yo di igyok ingon mem nikwei hanyenti.