MBEN ISRAEL IMBUT-MBUT NYEN 8:6 - ALLAH NIHYET MEM TUNGWATU NYA

⁶ “Adimig Lewi nya leu mben Israel nindigsi nya ikieti ba, abon midut nibindei kwes yok mem yoni,

MBEN ISRAEL IMBUT-MBUT NYEN 8:6 ပူးပေါင်းရင်းမြစ်များ

NIBOHON MBEN ISRAEL GI NICAN 29:11

Dimunggwom bat jen, ma jibindin-ndin nyen bu au. Lewo tuhan dimig jeni ei mem gima jikuk je bak Allah ba, joom jenti nok awak mem Noni ba, jindig biei nggrai di ui-gwang kei cem lene mem gima jibie tut Nide limwa nya leu binhyepo ikuk yok bak Noni cem tu.”

NEHEI LEUSI 19:15

Lene noni binut bu bipai “Ma jitin ei mem njap di can ba, hon njap dima ne ma jiyem njita tut yam au.”

YESAYA 52:11

Je di jittei tuhan De Ig nimbumbati nya bijikwei sut e, ma jikes minu Babel ei ba, jikwei leu! Ma jingget mun di map kuisi au. Lene ma jitin ei jingon di kwes kei nipou tirigi jikwei krau bigyo.

IMAM NYA IDE MIDYAI 14:11

Lene imam dima mibuwak no dima bitut mun di noni ttei kwei dima hagom biya kui dimbou ei tuhan De Prak Meng nuhuigya.

MALEAKHI 3:3

Noni mikwei kes hukum ei tungwatu nya dip noyam kin nikinding ngkimom cig di ndig perak kin mas kep hum bibindei ba, mumpiang joti bi. No di tuhan pinak kwei mindig imam nya ingonti kep hum leu binhyepo ibon midut di igbit tuhan ningon kanti bikuk yok bak.

MBEN ISRAEL IMBUT-MBUT NYEN 3:6

“Ma acuk limwa keret Lewi nya ba, ikwei ya ei aho bei leu api ata yok nok yo di impu Harun.

MBEN ISRAEL IMBUT-MBUT NYEN 8:5

Lene tuhan pai bak Musa,

KORINTUS GI NICAN 7:1

Disut bat di dingon kieti jen e, Allah preu ei mem nye tut mun dini yok hagom tu. Gima rino ma imbres nyenti leu map di kui ingut kin ingonti hagom ba, ibiyai ingon di kwes-kwau. Ma ide nittin tut Allahti bindei ba, iba ingon di gom bidimig nyenti bigyaijo ei mem Noni.

NINDAT KEP TUHAN NICUKTI NYA 10:8

Ei nungug dima lene tuhan dimig pinai nya leu keret Lewi ba, ta yok nok yo di inyohou Brua Gi Preu ba, igyai midyai nok imam nya ba, ingat nadi tindei mun di kei mem tuhan de limwa nya tug hon ninyeng cem. Yo dima igyai kep midyai dima kikau kwei bipek ammani kep.

YAKOBUS 4:8

Ma jidideu Allah leu api Noni dideu je. Je di jingon rom e, suar jipiap jinda leu ba, je di jingon mang e, suar jipindi jingon bikwes.