MBEN ISRAEL IMBUT-MBUT NYEN 8:12 - ALLAH NIHYET MEM TUNGWATU NYA

¹² Leu api suar Lewi nya ikes inda bijo ei sapi nikre ningut can dima ibou dip bibui sapi dima ningut gom mem nibon midut nibiyai nikos ser sisarti lene ibui ningut gom bu mem nibon midut nindig mindhe titut kep hum. Tug hon nibon midut dima lene abindei kwes Lewi nya.

MBEN ISRAEL IMBUT-MBUT NYEN 8:12 ပူးပေါင်းရင်းမြစ်များ

NEHEI LEUSI 29:10

Lene ajem sapi nikre pima kwei biya kui Ditde Prak Meng noho. Lene Harun kin nipmot bat nya ikes inda ei sapi nibou dip.

IBRANI 9:22

Ningat ne bit leu nok Puig Yahudi niggai serti lene suar iba ninggrom bipiap mun nyeng hagom bipwoi. Leu gino ninggrom siber bi lene bit bon Allah kos ser sisar kan bi.

IMAM NYA IDE MIDYAI 8:14

Lene noni jem sapi nikre di nehen pap ningut gom kwei mem nibon midut nibiyai nikos ser sisarti leu api Harun kin nipmot bat nya ikes inda ei sapi nibou dip.

IMAM NYA IDE MIDYAI 1:4

Lene ma noni kes ninda ei sapi nibou dip leu api tuhan ningon micut hon niyai munti dima bikos ser nide sisar.

MBEN ISRAEL IMBUT-MBUT NYEN 8:8

Leu api acuk yok ba, ijem sapi nikre di nipmot bo ningut gom kwei bigyai njita nibipai sigyoti di iba tepun kin mini bibon di ibikuk yok bak tuhan cem kwei. Leu api aug jem sapi nikre ningut gom kin bu kwei mem nibon midut nibiyai nikos ser sisarti.

MBEN ISRAEL IMBUT-MBUT NYEN 6:16

Suar imam ttei mun dima yok hagom ei tuhan Noho bei leu api bon midut nibiyai nikos ser sisarti kin nibon midut nindig mindhe titut kep humti.

MBEN ISRAEL IMBUT-MBUT NYEN 6:14

Lene bijem mindhe nihyen kep di kinei bi ningut ningai bak tuhan. Domba pmot nikre di nide njap ug ei ari bingwam gom ningut gom mem nibon midut nindig mindhe titut kep humti kin domba pmot niwek di nide njap ug ei ari bingwam gom ningut gom mem nibon midut nibiyai nikos ser sisarti kin domba nikre ningut gom mem nibon midut nibiyai ningon kwes kin tuhanti.

IMAM NYA IDE MIDYAI 16:21

Lene ma noni yok ninda hacem ei kambir nibou nggram him bipai jit mben Israel ide mun di kinei kin ide sisar kin ide naham nimbuk kep Dati hagom leu binhyepo kes hagom bijo ei kambir dima nibou dip. Gima ngwig lene ma tungwagom di imam ndo nipou su jem kambir dima ug ei nisai bijji kikau ug ei iggum ndigsi.

IMAM NYA IDE MIDYAI 16:11

Tirigi Harun bui sapi nikre pima mem nibon midut nibikos ser nide sisar kin nide bat nya ide sisar,

IMAM NYA IDE MIDYAI 16:6

Lene ma Harun bui sapi nikre ningut gom mem nibon midut nibikos ser nide sisar kin nide bat nya ide sisar cem.

IMAM NYA IDE MIDYAI 14:22

Lene ma noni krau ha tekukur e, he hakimoi mbrei ningut can e, kwei. Haba gom mem nibon midut nibiyai nikos ser sisarti lene haba gom bu mem nibon midut nindig mindhe titut kep hum.

IMAM NYA IDE MIDYAI 9:7

Lene noni pai bak Harun “Aug ya kui nimbar hum dok ba, atin ei nibon midut nibiyai nikos ser sisarti kin nibon midut nindig mindhe titut kep hum leu binhyepo tuhan mikos ser ade sisar kin ade limwa nya ide sisar. Ma ayai hagom bit leu nok Noni nicuk nyeti.”

IMAM NYA IDE MIDYAI 8:34

tuhan cuk nye bipia ma nyeni igyai nibon midut dini mem nituti dini ba, kikau cem. Tug hon nibon midut dima lene jiyai gi kos ser jide sisar.

IMAM NYA IDE MIDYAI 8:18

Lene Musa jem domba nikre ningut gom mem nibon midut nindig mindhe titut kep humti kwei leu api Harun kin nipmot bat nya ikes inda ei nibou dip.

IMAM NYA IDE MIDYAI 5:7

Gino no di bon sisar dima ma domba e, he kambir e, mem gima biluei nide sisar hi bi lene ma noni krau ha tekukur can e, he hakimoi mbrei can e, kwei. Haba gom mem nibon midut nibiyai nikos ser nide sisarti lene haba gom bu mem nibon midut nindig mindhe titut kep hum.

IMAM NYA IDE MIDYAI 4:35

Lene ma imam dima digo nimmau hagom leu bit leu nok gi po noni digo nimmau leu mem nibon midut nibiyai ningon kwes kin Allahti pima leu api ndig hagom bitut njita di no dima yai bak tuhan kep hum. Nok gima lene imam mibon midut mem limwa gom dima nide sisar di noni bon kin gi bisinggre bi dima leu binhyepo tuhan mikos ser nide sisar.

IMAM NYA IDE MIDYAI 4:20

Ma Imam Nibou Ndig yai gini hagom bit leu nok niyai kepti tirigi po ndig sapi kep hum mem nide sisar pima. Nok gima lene Imam Nibou Ndig mibon midut mem mben Israel yahagom ide sisar di ibon kin gi ibisinggre bi dima leu binhyepo tuhan mikos ser ide sisar.

IMAM NYA IDE MIDYAI 4:4

Ma noni jem sapi dima kwei biya tut kui dimbou ei tuhan De Prak Meng nuhuigya. Lene ma noni kes ninda ei sapi dima nibou dip bibui ei bei Prak Meng nuhui.

IMAM NYA IDE MIDYAI 4:15

Ma nibou mben Israel ikes inda ei sapi dima nibou dip bibui ei sirima.

MBEN ISRAEL IMBUT-MBUT NYEN 8:13

Ma acuk Lewi nya biyuug ya kui Ditde nimbar hum dok ei Harun kin nipmot bat nya yoho bei leu api Harun nya midimig Lewi nya pijum ei mem Dani.

IMAM NYA IDE MIDYAI 8:15

Lene Musa bui sapi behek ninggrom poi leu api tur ninda pijum eisi bibidip nimbar hum dok ninggai nya leu binhyepo piga gima ba, tug hon nisinati dima lene noni piga nimbar dima ei mem tuhan bibindei ba, nimbar kwes-kwau.