MBEN ISRAEL IMBUT-MBUT NYEN 7:11 - ALLAH NIHYET MEM TUNGWATU NYA

¹¹ lene tuhan pai bak Musa “Apai biyok bipia suar bikwop ibou simnaibrimigcan dima hi dimig nide munkwas pijum ei mem nibon midut nipiga nimbar hum dok sindam ei nijam njap simnaibrimigcan dima.”

MBEN ISRAEL IMBUT-MBUT NYEN 7:11 ပူးပေါင်းရင်းမြစ်များ

MBEN ISRAEL IMBUT-MBUT NYEN 7:10

Nibou pima yok ittei munkwas cem mem nibon midut nipiga nimbar hum dokti. Tirigi itin ei mem gima ittei ide munkwas bigya tut kui nimbar hum dok nuhui,

MBEN ISRAEL IMBUT-MBUT NYEN 7:12

Bikwop ide munkwas nya nimangti noyam ba, nidem yamti rinok gini. Den di iba perak bibon di nibuhunti kilo gom biniken ningat gom kin bokor di iba perak bibon di nibuhunti kilo niken bit leu nok nibok di ikrau kep ei tuhan De Prak Meng nsi. Lene itau tepun di iba mini bisrigsi ba, ut hak ei mun nyeng can dimati mem nibon midut njita nibipai sigyo bak Allahti. Lene munkwas hi kin bu ne den di iba mas bibon di nibuhunti kilo gom biniken kin biei nggrai di ui-gwang kei ut eisi kin sapi nikre nipmot bo ningut gom kin domba nikre ningut gom kin domba pmot di nide njap dem ari bingwam gom ningut gom ba, hagom mem nibon midut nindig mindhe titut kep humti kin kambir nikre ningut gom mem nibon midut nibiyai nikos ser sisarti kin sapi nikre ningut can kin domba nikre ningut muhwi kin domba di nide njap dem ari bingwam gom ningut muhwi ba, hagom mem nibon midut nibiyai ningon kwes kin tuhanti ri. Nahason di Aminadab nipmot di ntun keret Yehuda him ttei nide munkwas pima kwei ei njap gi nigom.

KORINTUS GI NIGOM 14:33

Lewo Allah joi sut yo di inyohou dimig mun di bitut mbusyamei sindam. Noro joi sut yo di ibon mun di bitut mbusyamei ariwace bi. Bit leu nok Allah de mbusyamei hagom igyai kepti ne,

KORINTUS GI NIGOM 14:40

Ma jinyohou dimig mun di bitut mbusyamei tug hon nisinati di igbit di mbut sindam.

KOLOSE 2:5

Mbro nok gino dingat rin ei minu ting leu je lo, dinnei ningat rin ei jikieti. Dikan tut bipia jinok gom ba, jiba ningon di nddong bicom Kristus lene gini biyai dingon llei bibor.