MBEN ISRAEL IMBUT-MBUT NYEN 6:27 - ALLAH NIHYET MEM TUNGWATU NYA

²⁷ Lene tuhan binut bu bipai “Gino imam nya indat kep dinyeng gau mben Israel tirigi ingat nadi tindei mun di kei mem yok lene midinjei mun di kei bak yoni.”

MBEN ISRAEL IMBUT-MBUT NYEN 6:27 ပူးပေါင်းရင်းမြစ်များ

NITRITI 32:26

Lene pai bak Yakub “Akes da ba, duug rin lewo jei bi ne mpia pri ri.” Noro Yakub srep “Ma anjei mun di kei hi bak dani nipou ug e leu api midikes na ba, aug.”

NITRITI 32:29

Lene Yakub hig ser noni “Anyeng tou i?” Leu api no dima buhup “Ahig ser dinyeng tut nggon i?” Leu api noni njei mun di kei bak Yakub.

SAMUEL GI NICAN 7:23

Ngkiai nya ei dihyeisi dini noyam kin Israel bi. Lewo ateu mben Israel leu awak leu binhyepo abibon yok ba, inok Ade limwa nya. Mun di sindem bibor kin mun di mindur di abibon mem yok bindei ba, tungwatu nya itri tut bidem dihyei nisurti-nipekti tu. Ajji ngkiai nya bitut ide kwar nya bingwig sindam tirigi Ade limwa nya icoi ug ei ide minu bikon pran bit yok tu.

NIBOHON MBEN ISRAEL GI NIGOM 4:10

Mpe di gom ne Yabes ngat nadi bak mben Israel ide Allah bipai “Allah e, handei kon ba, anjei mun di kei bak dani lene abindei ba, ditde dihyei hanjop nsi bres binindig bibor bu cem. Anyohou da ba, mun di buhun jo minu ting leu da leu binhyepo diyai dinghuisi wei drek dip bi.” Leu api Allah buhup bak bit leu naharati dima.

NIBOHON MBEN ISRAEL GI NICAN 7:14

gino Ditde limwa di ikrau kep dinyeng dima ittin ser ibon munti di kinei bibor leu api yoom yonti ba, ingat nadi biDa lene ingkwei hanyen ndam Da lene midingig ditingou mem ide nadi di ingat biDani ei gwamti. Lene midikos ser ide sisar di ibon nya leu api dibindei ba, ide minu mpung tut nibong kei nigwam keisi hanyen bu.

MAZMUR 5:12

Noro ma asindui sut ba, yo di igwam coi Nani yahagom ingon nggei-hi-nggei hak ug ba, igyai nillei bijo ninno bijo kikau. Anyohou yo di ingon ngakei Nani leu binhyepo igyai nillei tug hon Nani.

MAZMUR 67:7

Njita ngat ningat bidem ide miaisi nya hagom tu. Nyende Allah njei mun di kei binye tu.

NEHEI LEUSI 6:3

Mpe dima lene dipreu ei mem yok bipia ei nidipti bu lene mporo midiyai minu Kanaan po nipou yo igyaijo eisi nok ingkiaisi pima biyok nok ide minu ninda rom.

YESAYA 43:7

Lewo dijem inyeng kin dinyeng tu ba, dipai tes yok leu binhyepo ikon dinyenga.”

YEREMIA 14:9

Nggon rino anok no di ningon tai-tai bou kin tentara di isindem mem gima impu nye bi i? tuhan e, nijit ne angat rin bit nye! Nyeni ne Ade limwa nya ri. Ma akes nyeni bihigom ei au!’ ”

MBEN ISRAEL IMBUT-MBUT NYEN 23:20

Allah cuk da ba, suar dingat nadi tindei mun di kei mem yo dima. Tirigi Noni yai Nide mun di kei bak tungwatu nya lene bit bon dipos mun di kei dima hanyen leu yok kan bi.

MATIUS 28:19

Gima rino ma je juug ba, jibindei tungwatu dihyeisi dini hagom bibit Da leu api jitur yok ei minyeiti tug hon ninyeng Nicig kin Nipmot kin Ninnei Gi Kwes.

EFESUS 1:3

Jikwei ba, inggei sut Allah di nok ide Yesus Kristus Nicigya! Lewo Noni njei mun di kei di ntun gwamti him ninyeng hagom bak innei drek dip gi inok gom kin Kristus.

NINDAT KEP TUHAN NICUKTI NYA 28:10

Apino ngkiai nya yahagom ei dihyeisi dini mingat brei bipia jeni ne mben gom ngat di tuhan dimig ei mem Nonti rin leu api inghuisi mimpig sut je.